احبتي اتشرف بالانضمام لهذا المنتدى واقدم لكم اولى مشاركه لي معكم
اتمنى تعجبكم.
.
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامل قلب من اشواقـه سـرى همـه=مسرى غريب من الغربه ييبـي داره
مشتاق لاهله ومشتـاق لبنـي عمـه=قلبه من الشوق حتى مانسـى جـاره
لا مالقى مـن يسلـي همـه وغمـه=فـي معـزلٍ للخلايـق موقـدٍ نـاره
مع شبة النار بااقصـى وادي الرمـه=يشكي على النار ويبيح مـن اسـراره
يشكى لها الحظ حول من على القمـه=لو زان وقت البشر ماذاقـت امـراره
ويشكي لها البعد والهاجوس لا خمـه=كن الزمن عازفٍ وعروقـه اوتـاره
كنه هدف والزمـان يصيبو يزمـه=واضحى لنيشان وقته والعنـا شـاره
راضي بحكم الولي لا اعرض ولا ذمه=غدار حظه ومن حظـه يبـي ثـاره
يانار وش حيلت اللي داه فـي كمـه=لن راح وان جا لذيذ النـوم مـازاره
لاخمـه الهـم قفـا بـه عـن اليمـه=وسط اشهب اللال تاه وحارت انظاره
احلام عمره واماني القلب مـع يمـه=والرجل في مشيها عكس عن افكـاره
من كل امانيه واحلف حلـف فالذمـه=لا ماحصل له يكود الضيم فااسفـاره
ماذاق من يوم عـاش وجابتـه امـه=من الاماني يكـود البـدع بااشعـاره
والقلب من كل امانـي عمـره يهمـه=منوه على القلب حازت وارسلت غاره
بنـتٍ ذراهـا رجـال تفـرق اللمـه=من غدر الايام وادناسه ومـن عـاره
هي منوة الضامي اللي شفـه الجمـه=على النقى لو بعدت وضاعت اخبـاره
حبيـت داره وحبـه ضامـري لمـه=واسمه رسخ في ضميري شبت انواره
في غربتي زارني طيفه علـى الغمـه=وانار طيفه ظـلام الليـل بااسفـاره
واقبل عليـه وانـا اناديه واضمـه=صحيت والعين يـم البـدر محتـاره
لو ادري ان لي نصيب بورده وشمـه=ولو ادري اني نصيبه واسعد اقـداره
لافرح بجور الزمان وكاسـه وسمـه=من بعد طاح الخفوق ترجـع اعمـاره
يانار بـاح الغريـب بسـره وتمـه=ولاكل رجلٍ يبوح بكامل باسـراره
ياليت يانـار لـك راي علـى همـه=مالي انيس يكود اضيـاك واسفـاره[/poem]
| 
|
05-20-2007, 11:39 PM
المواضيع المتشابهه
العرض العادي
