من البلد لضاق صدري ومليت

[ابن مسلم]

بسم الله الرحمن الرحيم

أعزائي الكرام إليكم هذه المتواضعه لعلها تعجبكم وأعذروني على التقصير

[poem=font="arial,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من البلد لضاق صدري ومليت = شغلت جيبن ظاري (ن) بالخبوتي
وشلت الفراش وبندقي ثم سميت = بسم الإله اللي تكفل أبقوتي
ونحرته الصمان ماأحتاج تنعيت = من كثر ممشن فيه حفين أسبوتي
كم مرة ٍ له تالي الليل سريت = مع سكت أبن سرور فوق الفروتي
ومريت شويه في طريقي وعبيت = وشيكت ماه مع الهواء والزيوتي
وهزعت منها إيسار مشمل ولاأبطيت = حذفت عصى بدو(ن)بهاك الوقوتي
وللفجر في وقته بعد حل صليت = بجو(ن) يساعدك إل خشوع وقنوتي
ونزلت شنطة عزبتي ثم شبيت = ضوي وحذفت البشت وأخذت كوتي
وسويتلي دله ومنها تقهويت = خلاص الحسا قدوعها والنبوتي
وقرصن على المله من البر سويت = قرصن على الغالي ماودك يفوتي
وقمت أصخر الأبيات بيتن ورى بيت = وطشيت للغتره وطوحت صوتي
سجيت لي كم يوم بالبر سجيت = يوم أكتست ريضا نها با ا لنبوتي
عن مجلس أهل القال والقيل صديت = مغتابة المقفي أضعاف البخوتي
ياناقل النمه عسى ماتعنيت = أعرف من إيثبت من اللي يشوتي
عن هرجكم أعرضت ماكني أوحيت = أخير من كثر الكلام السكوتي
أنا على المله نشيت وتربيت = مؤمن بماجابه محمد وماأوتي
ماهمني هرج الضعوف الهلافيت = موتي بغلك يامساكين موتي
[/poem]

وسلامتكم

[الصهد]

أنــا عـلـى الـمـلـه نـشـيـت وتـربـيـت
مـؤمــن بمـاجـابـه مـحـمـد ومـاأوتــي
ماهمـنـي هــرج الضـعـوف الهلافـيـت
مـوتــي بـغـلـك يامسـاكـيـن مــوتــي


ياسلام ياسلام
من قال سالم صح لسانك يابن مسلم وبيض الله وجهك
رائعه كروعه حضورك
تحياتي وتقديري

[اصايل]

عن هرجكم أعرضت ماكني أوحيـت
أخـيـر مــن كـثـر الـكـلام السكـوتـي
ماهمنـي هـرج الضعـوف الهلافـيـت
مـوتــي بـغـلـك يامـسـاكـيـن مــوتــي


صح لسانك حتى ترضى

لاهنت

[مهـرة مـطير]

"

صح لسانك يَ شاعرنآ ابن مسلم

أبدعت بهالقصيدة

والله يبعد عنك أهل القال والقيل

[رائد المرشدي]

صح لسانك يالدلبحي لين ترضى

قصيده راااااااائعه جداً

[وجودك يكفي]

صح لسانك يابن مسلم وبيض الله وجهك على الابيات الرائعه

احترامي

[ابن مسلم]

المشاركة الأصلية كتبت بواسطة الصهد أنــا عـلـى الـمـلـه نـشـيـت وتـربـيـت مـؤمــن بمـاجـابـه مـحـمـد ومـاأوتــي ماهمـنـي هــرج الضـعـوف الهلافـيـت مـوتــي بـغـلـك يامسـاكـيـن مــوتــي ياسلام ياسلام من قال سالم صح لسانك يابن مسلم وبيض الله وجهك رائعه كروعه حضورك تحياتي وتقديري

صح بدنك

وبيض الله وجهك

شكرا لك

[{ أبوفيصل }]

صح بدنك يابن مسلّم

راقت لي جداً ، الله يعطيك العافيه على ماتجيب

[ابن مسلم]

المشاركة الأصلية كتبت بواسطة اصايل عن هرجكم أعرضت ماكني أوحيـت أخـيـر مــن كـثـر الـكـلام السكـوتـي ماهمنـي هـرج الضعـوف الهلافـيـت مـوتــي بـغـلـك يامـسـاكـيـن مــوتــي صح لسانك حتى ترضى لاهنت

صح بدنك

يااصايل

شكرا لك

[نادر النمر]

ماشاء الله .. راااايقه راااايقه رااايقه

وقافه رااايق وكاااايف .. صح لسانك . صح لسانك . صح لسانك .

سجل اعجابي + كل التقدير والاحترام ..