بلا برقا بلا روق... انا عتيبي

[الـسليفي]

أحبتي ...

بعيد عن العصبيه الممقوته ...!

بسال سوال محيرني .. من مستفيد من تقسيم قوة القبيله الي روق وبرقا .. القيله باجتماعها تهابها كل القبائل...

المنتدي اسمه عتيبه ...


بينما اجد من يتغني بروق وبرقا بطياته ...


وقد سمعت بالمجالس من يتحدث بكل حرقه عن ماحصل بين زعما القبيله من هو شيخ القبيله هل هو من روق ام من برقا ..

كاد الامر ان يعطل مزايين الابل ..؟


بحجه ان هذا يبي يمثل القبيله بسم روق والاخر بسم برقا..

في هذا الوقت لاحد ينكر ان كل برياله امير...

والقبيله لاتنكر تاريخها تعرف عيالها وتميز الصاحي من المجنون ..

ولكن يبقى السوال :

من المستفيد من هدر قوة القبيله باسم برق وروق ..؟


انتظر النقاش الهادف ...

[الدعجاني99]

أشكرك أخــــوي.
.
الـسليفي.
.
برقى تكمل روق والعـكس صحيح.
.
.
ونا ملاحظها كثرات .
. والمفروض ما نعطي هالموضوع أكبر من حجمه
. (هـذا الموضوع يفرح العدوان)
دمت بـخير

[ساحر الكلمه]

روق وبرقا هم عتيبة والجميع يعرف ذلك

لايوجد عصبية ولاشي الجميع لة الحق في التفاخر في قبيلتة

وفي النـــــــــــــــــــهـــــــــــــــــايــــــــ ـــــــــــــــة عــــــــــــــــتـــــــــــــــيبة



الساحر

[فديت عتيبه]

قالوها عنييييييي



برقا وروق يكملون بعضهم


وكلهم عتباان

وانا ماشووف التعصب بينا :)


هههههههههههههههههههههه

بغيت اعطي مثال بس سكت


هههههههههههههههههههههههههههه


شووفني انا اكمل الجازي والجازي تكمل فديت:)


ياحبنيلها بس


وتشكر عالموضووع يالسليفي


وكلننا عتيبه:)

[اشقر السيف]

عتيبه جناح القصر وثبيت هامته = ولايستوي الطير بليا جناحين
8
هذا البيت الاصلي 8 لكن انا ابي اقول.....

برقا جناح الصقر و روق هامته = ولايستوي الطير بليا جناحين<< اعتذر ان حرفت في بيت الشعر لكن السموحه

السليفي احيي فيك هالغيره على القبيله.
صحيح نلاحظ هالشي بيننا لكن مايسوي هالشي الا جاهل قليل عرف ولايغرك العمر "الكبر" ماهو بالاعمار والله لو انه عاقل ماقال هالكلام الناقص،،، ومثلك عارف مايحتاج.
الرجال يحسبون كلامهم قبل يقولونه

كلامك ذكرني بـ قصه سمعتها زمان.
احب اذكرها لكم
رجال عنده ثلاث عيال راح الابو لـ ولده الكبير قال ياولدي وش تشوف الرجال قال يبه اشوفهم ذبان ( جمع ذباب ) قال الابو وهم يشوفونك ذباب
راح للولد الوسطي قال ياولدي وش تشوف الرجال قال والله ما هم بعيني والله اني ما اشوفهم شي قال الابو وهم مايشوفونك شي راح لأصغر واحد فيهم قال ياولدي وش تشوف الرجال قال اشوفهم سلاطين قال وهم يشوفونك ياولدي سلطان . وهذا يدل على ان الكبر ماهو بالاعمار،

هذا بين الاجانب فما بالك بين ابناء العم اعتقد ان اللي يفكر كذا آخرتها بيكون منبوووذ بين ربعه

اعتذر عن الاطاله

لكم مودتي واحترامي

[الهامور]

ماحد مستفيد..

الكل خاسر..

فتاريخنا واحد..

ولازم تعي هالاجيال..

ان برقا..وروق ..كتفرعات نسب..

اما المجد..والفعل والتاريخ..هو عتيبه..فقط

[ރسلايـل المجـدރ]

[align=center]من يروج لمثل هذه الاقوال معروف ومنبوذ من القبيلة

وشيوخ عتيبـة مدركين لمثل هذا الامر

وبارك الله فيك [/align]

[شموخ النايفات]

[frame="2 80"]

بغيت اعطي مثال بس سكت هههههههههههههههههههههههههههه شووفني انا اكمل الجازي والجازي تكمل فديت ياحبنيلها بس

فدديييييييييييييتج واللله
صج اني روقيه
بس والله من طلعت على الدنيا اغلى برقااا وكل العتبااااان من غير استثنا
والحمدلله هاذا يرد على الاهل الي ماخلونا نفرق بين روقي وبرقاوي

وصح ان الموضوع هاذا
صار والدليل المزايين متعطله صارلها سنه

ومشكور على الموضوع بس حبيت اذكر بهالآيه::
(واعتصموا بحبل الله جميعا ولاتفرقوا)


[/frame]

[امير الغلا]

سلمت ياالسليفي وانا اشوف ناس كثير يفرقوون بين روقي وبرقاوي

واكتفي بقول الشاعر:

حنا عتيبه الهيلا برقا معا روق

والي يرحب بالسلاطين يبقى

ماذلنا من خلقت الأرض مخلوق

اهل المكارم ربعي روق وبرقا

ننده بأسامينا وتابس بها حلوق

وكل الأيادي بقضب ايادينا عرقا

[مطنوووخة عتيبه]

بصراحه انا قبل مااشترك بالمنتدى والله ماتفرق عندي برقا اوروق
بس من عرفت المنتدى صارت تفرق عندي تأثرت بالمنتدى والا قبل مادري وين مسدح راسي والي يرفع ضغطي الاعلان منتديات الروقه
كأنها مب من عتيبه بصراحه هذا شعوري من غير زعل