يالله عسي ماتكره النفس خير

[عبدالعزيز بن حشيان]

اخواني اليكم هذه الابيات من جديدي


يالله عساء ماتكره النفس خير ه
ويالله عساها خيرتن بعدها خير

والحكم للي عالمن بالسريره
ومسيرن خلقه على حسن تيسير

رباً على عرشه وحكمه يديره
ورزقه يعم الي على الارض والطير

سقنا ضعنا لين وقف مسيره
بارضاً عليه من البوارح معاصير

ومن لارضا بالقدر مانال خيره
واصبح بعدها من حساب المعاثير

ومن لاعتبر بالوقت من فعل غيره
يصير مثل الي عكس خطة السير

والعبد مايعلم نهايت مصيره
في عندن والا حفرتن من زمهرير

ويالله عسا متكره النفس خيره
ويالله عساها خيرتن بعدها خير

[إبن ثعلي]

يالله عسى ماتكره النفس خيره = ويالله عساها خيرةٍ بعدها خير
صح السانك ولا هنت يابن حشان وحياك الله انت وجديدك

[عبدالعزيز بن حشيان]

المشاركة الأصلية كتبت بواسطة إبن ثعلي يالله عسى ماتكره النفس خيره = ويالله عساها خيرةٍ بعدها خير صح السانك ولا هنت يابن حشان وحياك الله انت وجديدك

الله يبارك فيك وصح بدنك والله لايهينك على المرور العطر