محاورة الشاعره شويهينة مع الشاعره سهام

[شويهينة الهيلا]

سلام عليكم ورحمة الله وبركاته

هذه احدي محاوراتي واتمنى ان تروق لكم

سهام م


سلام الله سلامن ياصل الأقصين والداني==ومن بعد السلام الله يحييهـا شويهينـه
أبي أسالك عن ذيبين وكلن ينهش الثاني==وأهم ماحد يقدر يشيل الرمـح بيدينـه


شويهينة الهيلا


الايامرحبا ترحيبتن من قلب ولساني== بعد جاني سلامك هاتي الاخبار ذالحينه
انا مادري والعلوم اشكال واللواني== عسى الله يبعده عنا وعنك ولا تشوفينه




سهام م


الا يالصف شيل القاف والقيفـان عنوانـي==عليكم يرتكي حرفي فخر وأنتـم عناوينـه
على المعنى نبي نسري وشعر الجزل ميداني==وكم شاعر عجز عنه وعذر فـي ميادينـه




شويهينة الهيلا


عليك الهون والميدان ميدانك وميداني== ترى المسرى بعيد ولازمن ليلك تسرينه
يقولون الحرامي سارق البنك البريطاني==وانا ماأبري المجرم ولا أعرفه ولا أدينه




سهام م



عليك الله تلمين الشتات بنضـم اللحانـي==ودرب الموت في شعرك خطر فلا تمرينه
حرامي يسرق الأموال ما هو يشبه الثاني==ومن يسرق حروف الجزل هذا لا تبرينه




شويهينة الهيلا



الا ياشين دربن يم بعض الناس وداني==تعبت من الطريق ومن متاهاته ومن شينه

أشوف الوضع متأزم وبه مرضان ويعاني==حياته كلبوها غم وكسوره برجلينه

[سلمان]

شويهينة الهيلا صح لسانك ولسان سهام


والله يعافيك ويعافيها


ولاتحرمينا من جديدك


تقبلي مرور المتواضع

[بنت الهيــــلا]

صح منطوقكن العذب يالغاليااات ودآم نبضكن


لكـ ودي ..

[فهيد مقعد الرويس]

ههههههههه

من يدري يمكن تاصل صالات الافراح

وبدل .......يجي مسك صفوف

لاهنتي ياشواهينه

[شويهينة الهيلا]

المشاركة الأصلية كتبت بواسطة سلمان شويهينة الهيلا صح لسانك ولسان سهام والله يعافيك ويعافيها ولاتحرمينا من جديدك تقبلي مرور المتواضع

وصح بدنك اخوي سلمان
وشرفني مرورك الرائع

[اخر رجل]

انشهد ان هالمحورة حلوة وشيقة بالحيل
لاهنتي خيتو شهوينة وسهام على المحاورة الجميلة اتطلع على نقلك دوما لكونة جميل ورائع
بس ابي تعلميني من الى سرق البنك البريطاني ترى لى حساب فية هههههههههه
مشكورة على نقل هالمحاورة الشيقة والمرتبة جدا
تحياتي لشاعرة المحاورة الاولى ( شويهينة )






اخـــــــــــــر رجــــــــــــــــل

[شويهينة الهيلا]

المشاركة الأصلية كتبت بواسطة بنت الهيــــلا صح منطوقكن العذب يالغاليااات ودآم نبضكن لكـ ودي ..

تسلمين ياالغلا
ومرورك المميز دائما يسعدني

[شويهينة الهيلا]

المشاركة الأصلية كتبت بواسطة فهيد مقعد الرويس ههههههههه من يدري يمكن تاصل صالات الافراح وبدل .......يجي مسك صفوف لاهنتي ياشواهينه

والله اعتقد مافيها شي المحاوره هههه
واتمنى انها تحصل في العروس النسائيه
تحياتي لك ولى مداعبتك

[النجم الأصيل]

محاورة حلووووووة وجميلة

ننتظر جديدك

وياهلا

[شويهينة الهيلا]

المشاركة الأصلية كتبت بواسطة اخر رجل انشهد ان هالمحورة حلوة وشيقة بالحيل لاهنتي خيتو شهوينة وسهام على المحاورة الجميلة اتطلع على نقلك دوما لكونة جميل ورائع بس ابي تعلميني من الى سرق البنك البريطاني ترى لى حساب فية هههههههههه مشكورة على نقل هالمحاورة الشيقة والمرتبة جدا تحياتي لشاعرة المحاورة الاولى ( شويهينة ) اخـــــــــــــر رجــــــــــــــــل

تسلم يااخوي ومرورك المميز اسعدني