تاكل التمره وتبلعها ولاتظهر فصمها(ثواب الجياشي)

[سطام الجياشي]

[align=center]السلام عليكم ورحمة الله وبركاته

يسرني ان انقل لكم هذه المحاوره الشعريه التي حضرتها في احد المخيمات اثناء اقامة مزاين ابن عضيبه شمالي الاحساء

وفي احد الليالي كان للشعر حضوره وهاذي المحاوره بين الشاعرين ثواب بن زيد الحارثي والشاعرالكبير\صالح العبري العتيبي

اتمنى ان تنال اعجابكم\\\وكانت البدايه للشاعر ثواب وتمنيت ان احصل عليها بالصوت لتزداد المتعه بها\


----------------------------------------------------------------------------------------------------------------------------------------------------------------



ثواب

مرحبا في ديرة الاسـلام والحكـم السعـودي
وراية التوحيـد رايتهـا وشـرع الله علمهـا
للخليج اركان فيه المملكـه مثـل العمـودي
والركون ابلا عمود اوجودهـا كنـه عدمهـا
صالح
البقا ياللـي ترحـب يافهـد عنـد الفهـودي
في محل اهل الوفا والوافيـه منـا استلمهـا
كل بيتن له عمود وكـل دارن لـه حسـودي
لاتكبر لقمتـك ثـم يختلـف عنـدك طعمهـا
ثواب
لاتعاند من يعرفون الصدور امـن الـورودي
ولاتجي مثـل (السليمي)رميهـا قـدام فمهـا
من سبايب بعض شوف العين تنباح السدودي
وليتنا نفهم وجـه نظرتـك حتـى نحترمهـا
صالح
يابعير اسعـود ياللـي لارمـوح ولا هبـودي
المطيه تحت حكم اللـي بحاجونـه وسمهـا
المدافـع ماتثـور ان كـان ثـارن الفـرودي
استريح وكل ماهبـت هبـوب اروح نسمهـا
ثواب
ياحليل الحاشي اللي مابعـد سمـي قعـودي
قام يعرض بالجنوب اللي مغطيهـا شحمهـا
مير يالحاشي يبي ينقص شحمـك ولايـزودي
لاسرينا والرجول امن الجلـد يحفـا قدمهـا
صالح
ليش ماترقا سنـودي كـل مانرقـا سنـودي
تنحدر والناس ترقا فوق فـي عالـي قممهـا
انتبه للطلقه اللي ماتـروج اعـن العضـودي
والمنايـا لاومرهـا الله ماتخطـي سهمـهـا
ثواب
لاتطالعني بعينك وانـت ممشـوخ الخـدودي
ياشريـم النـار تنفخهـا ولايالـع فحمـهـا
افتخر بالطلقه اللي مـن عريبيـن الجـدودي
مارمانا اللي يمينه عـن يمانيـك اتحشمهـا
صالح
ياسحاب الصيف ياكثر البروق امع الرعـودي
بس لويمطر مطرها نبتهـا ماشبـع بهمهـا
انت لا ترطن علينا روح وارطـن للهنـودي
زين زولك وسط دلهي والهنود اعبد صنمهـا
ثواب
السحاب ابعيد يـاراع البهـم مالـه حـدودي
وكيف ياراع البهم تبرا هل الغـوج وجهمهـا
لو نرطن لك مثل رطن العرب مامنـك فـودي
مير خلـك فالدفينـه ملتـوي قاعـة سلمهـا
صالح
ان بغيت تعود والا جعـل عمـرك ماتعـودي
انت مكفولي وانـا كافلـك ياراعـي غنمهـا
الله اللي كثـر العمـال فالسـوق السعـودي
اتحكـم واتخيـر فـي العـرب والا عجمهـا
ثواب
أنت لاتدعي على الموجود ؟ وانت ابلا وجودي
راعي(ن)ترتاع من شوف الطوابير وزخمهـا
ولاتحسبنك من الصاحين وانت امن الرقـودي
تاكـل التمـره وتبلعهـا ولاتظهـر فصمهـا
صالح
انت اظنـك ماتهيـد وملتـك ملـة يهـودي
والعرب في سنـة الاسـلام ماتهفـي ذممهـا
كل رجال (ن) يشب النار من قـدح الزنـودي
وانت اظنك لوتشب النـار تزعـل وتهدمهـا

اتمنى انها نالت المحاوره على اعجابكم
اخوكم/سطام محمد الجياشي[/align]

[نايف تراحيب]

طاروق جميل

وماقصر صالح وكلامه جميل

ولا يهون خويه ثواب


كل الشكر


/



،

[وجودك يكفي]

محاورة قوية بين الشاعرين صح لسان صالح وصح لسان ثواب

لآهنت ياسطام على النقل والله يعطيك العافيه


دمت بخير يالغالي

[الوقيتي]

مشكوووووور والله يعطيك الف عافيه

[فهيد مقعد الرويس]

لاهنت على النقل

ياسطام

والمنقول مكانه هنا لاهنت

تحيتي وتقديري

[حرهـ , ماتهـآب]

مشكوور أخوي ’’

الله يعطيك العافيه ,,

,’

[بنتـ الشيخ ..]

لا هنت ..
مجهود رائع ..
تشكر عليه ..