تركي عطاالله الميزاني مع سفر الدغيلبي

[شاعر قبيلة مطير]

[align=right] تركي2000 و سفر الدغيلبي

--------------------------------------------------------------------------------



تــــــــــركـــــــــــي




سلام تسليمتن تسوى رصيـد اهـل الملاييـن
ابديبهـا للقبايـل فـي محـل اهـل الشهامـة
يابن سعد صاحبك وشقاللك من قبـل يوميـن
الرجـال مايسحـب السكيـن ويقطـع حزامـه



ســــــــــفـــــــــــر




يامرحبا الفين ضرب الفين تنصى تركي الفين
نكمـل تراحيبنـا بالفعـل لمكمـل سـلامـه
الي يبا يرضي الاقصيـن لحسـاب المواليـن
هذاك قله يويـق الصبـح فـي ريـع الندامـة



تــــــــــركـــــــــــي




الضرب والجمع في الاعداد والى في المياديـن
ياراعي البشت لبس البشت مـع راع العمامـة
اضن لبنان راحت مثـل ماراحـت فلسطيـن
مابقـي الا تهـب الريـح وتـقـوم القيـامـة



ســــــــــفـــــــــــر




اخذتلك في ضواحي نجد والصمـان شهريـن
واليوم كنك تبا المعـواد فـي ساحـل تهامـة
يابيلنا معركة كبـرى تشابـه يـوم حطيـن
حتـى نبشـر مـدورت السلامـة بالسـلامـة




تــــــــــركـــــــــــي




صاحي ويمشي مع الصاحين ويكب المجانيين
والي رقد في فراشـه مايصحـا مـن منامـه
طاحت ضروس الجمل ماباقي الا فيه ضرسين
والمشكلة كـان لامنـه بـرك ثقلـت عظامـة



ســــــــــفـــــــــــر




يومنها حرب هرج ومرج بالعون معذوريـن
ويمنها شوف عين لعين عيـب الانهزامـة (1)
تقول الامثال لاطاح الجمل جـات السكاكيـن
واللوم ينصى البعير ولا على الخوصة ملامـة



تــــــــــركـــــــــــي




اليـا استعـدت حنـا يالعتيبـي مستعـديـن
.الخوف مايجلس الـى فـوق بيبـان الرخامـة
ياطير من بعد ماجالـك مخاليـب وجناحيـن-
خوى القرانيس لاترجع على بيـض الحمامـة



ســــــــــفـــــــــــر




وين استعديت وانته نازح من ثـرب ويميـن
حربن عبر شاشـة الجـوال مامنهـا زعامـة
انكرتنـا عـام الاول يـوم لبسنـاك ثوبيـن
ثوبـن ملـون وثوبـن مثـل بـراق الغمامـة



تــــــــــركـــــــــــي




الله ولا الديرة الي ماسكنهـا الـى الشياطيـن
البعـد عنهـا نهايـة بخـل وبدايـة كرامـة
العام قلولـي انـك صـرت امـام للمصليـن
واليوم تـذن ليامنـك خلصـت مـن الاقامـة



ســــــــــفـــــــــــر




الخوف والضعف يالمطران يخلـن المراحيـن
والله لو الخـوف عـز لتدمـر العالـم نعامـة
تسعير بعض العرب في سوقنا تسعير بنزيـن
تسعين لكن طويل العمـر غيـر فـي نظامـة



تــــــــــركـــــــــــي




علامتك ياطويل العمر بيـن الخشـم والعيـن
وشلون جت فيـك والعتبـان مافيهـم علامـة
صحيح والناس فيهم ناس ماتسـوى رياليـن
وبداية الوقـت يابوزيـد يـدري عـن ختامـه



ســــــــــفـــــــــــر




تجميع تركي سعودي والقطع من دولة الصين
والبدي مصبوغ والهيكل مثـل عـود الثمامـة
[/align]

تقبلو تحيات عبد السلام بن درويش

[ناصر بن سعدي]

لاهنت ياشاعر قبيلة مطيــر

وصــحة ألسنتة تركي و سفــر ..


ولاهنت على النقل رغم الأخطاء الأملائيه ..


وتقبل خالص تحياتي ..

[روقي قرم]

[mark=000000]محاورهـ ناريـه بس اعتقد فيه بيت اخير لـ سفر :)

شكرآ‘ على المحاورهـ ..[/mark]

[سقم المهابيل]

الله الله ..

لاهنت .. وتحياتي