برقاء وروق وبني سالـم ومسـروح :: لافي الغيداني مادحاً قبيلة عتيبة

[الحصان]

هذه القصيدة للشاعر المبدع لافي بن حمود الغيداني الحربي في ملتقى قبيلة قبيلة عتيبة

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
وانـا اعتبـر نفسـي هنـا بالنيابـه=عن حرب ربعي بني سالم ومسـروح

اهل الوفاء من قبل عصر الصحابـه=واهل النقاء اللي دونه الوجه ممسـوح

سـلام يالهـيـلا قبيـلـة عتـابـه=سلام(ن) اسوقه من الـروح لـروح

نفحة شذى ريضـان نبـت السحابـه=معه وعليكـم تنبعـث منـه وتفـوح

مـن بيننـا مابـا المعـزه غرابـه=لها بوسط قلوبنـا ابـراج وصـروح

للوصل بجسـور التواصـل صلابـه=حقايق(ن) ماهـي بقاويـل ومـزوح

ياللي علـى صـدره نقشتـوا كتابـه=صدر الكتاب اللي للامجـاد مفتـوح

علـى جبينـه ياجـده مـن قرابـه=تاريـخ سيرتكـم مـدون ومشـروح

صافح جبين الشمـس عـز ومهابـه=احد(ن) عنه راضي واحد منه مجروح

لولا بيـاض افعولكـم مـن رقابـه=على سفوح(ن) دونها سفوح وسفـوح

لطامـت العايـل الياجـاك مـابـه=وذباحة الحايل لـو الـزاد مشحـوح

فيكـم علـى تكفـى غلاثـة اذيابـه=وعلى ونعم فيكم ضرم راس مشفـوح

تاريخكـم بالطيـب كـل(ن) درابـه=وعلى ماقيل العلم مقفـي ومنطـوح

الطيـب ياعتيبـه لبسـتـم ثيـابـه=قول وفعل والكلمه اللـي لهـا روح

واللي رجاء عفـوه يسابـق عذابـه=حفاظ بيض وسود الاعمـال باللـوح

لو ماني محاسب علـى كـل جابـه=انـي لاقـول بكلمة(ن)حـد ذابـوح

يـا افعالكـم مـع غيرهـا ماتشابـه=لكن بظلـم النـاس مانـي بمسمـوح

ايـه احتـرم حـق القبايـل واهابـه=والظلم عنه العبد منهـي ومنصـوح

ماتنهـب حقـوق القبايـل نهـابـه=حتى اني انسفها على ضهري واروح

لكم اخشرى بالطيب مـن كـل لابـه=الطيـب حق(ن)للاجاويـد ممـنـوح

مثل المجم اللـي عـذي(ن) شرابـه=كل(ن) بدلـوه يـارد الجـم ويمـوح

مايغـط نورالحـق ويصـك بـابـه=الا ضعيف العرف وقصيـر الشـوح

عسى السحاب اليـا تراكـم ضبابـه=وبروقـه تفـرق مثانيـه وتـلـوح

على وطن صقـر العروبـه عقابـه=همالها يروي عطش كل صحصـوح

غيث(ن) مايذكر للضرر فيه اصابـه=صحه على ماقالو النـاس وصحـوح

ليـن يتشابـك نبتهـا تقـل غـابـه=وروس الزبيدي كنه المرو بالصـوح

ياموعد اصحاب الدعـاء الاستجابـه=اجب دعانـا يامجيـب النبـي نـوح

حاولت تجنيـب الخطـاء ورتكابـه=ون حصل مطلوبي عفو كل طحطوح

قصيدتـي تختـال كبـر وصبـابـه=على معانقهـا سمـع كـل ممـدوح

وختـام شاعرهـا مـثـل مابـدابـه=الا اني بكلمـة شـرف ودي ابـوح

تدرون من اولى البعض مـن شبابـه=برقاء وروق وبني سالـم ومسـروح [/poem]

[إبن ثعلي]

لاهنت يابو فهد يابو على اتحافنا بهذه القصيدة الرائعه وصح السان الشاعر الكبير لافي الغيداني ولاشك ان قبيلة اخة حقها من الطيب
تحياتي