القصيدة التي اثارت غضب بنات الخليــج

[صقر نجد]

السلام عليكم ورحمت اللة وبركاته...

هذه القصيدة كتبها احد الخليجين بعد قدومه من المغرب يقول فيها :



ياللي تنشد عن علوم الــــــذي طاف .. كل البحور وكل دوله وديـــــره

خذ من علومي علم اوصافه اوصاف .. جزل سمين يشتعل له ســعيده

الزين عقب المغربيات ينــــــــــــعاف ..غيد لهن بالزين ذكره و ســـيره

فيهن حلا طاغي ولين و تــــــــعطاف .. وفيهن حنان يشعل القلب غيره

حلوات وصف وفاهــــمات بالاعراف .. زيننات منطق صافيات السريره

بنات قوم طيبهم غصــــــــــــب ينشاف .. اولاد مغرب بالليل العســـــيره

ياللي تنشد عن علومي بالانصــــــاف .. هرجي يكفي صامله عن كثـــيره

الزين في لميا وتغريد و الطــــــــــاف .. ماهوب في حصه و كشره و منيره




وهذا رد للشاعر طلال الرشيد (( الملتاع )) .. الله يرحمه رحمة واسعه....


يابن الحلال ان طعتني خل الاســـراف .. واترك جمال الغيد لاهل البصيــــره

الزين موبس في الملامح والاوصـــــاف .. الزين روح وعفه وطيب سيــــــــره

مانيب من يهوى سريا وانصـــــــــــــاف .. انا هواي وبس بنت الجزيـــــــــره

بنت الخليج اللي تماري بالاعــــــــراف .. وحنا نماري باسمها كل ديــــــــره

مالي غرام بقول وخا وبالـــــــــــــــزاف .. اذبحتني عند الطرحه المستديــره

احب قولة ياهلا وعل وماخــــــــــــلاف .. من بنت ثوبي بنت الارض النضيـره

اللي تحلاها الظبي حلو الاطــــــــراف .. جمال في عفه ورقه وغيـــــــــــره

واللي بها سحر مهو سحر عــــــــراف .. ياعل عين ماتراها ضريــــــــــــــره

عطف وحنان وذوق في لين الاعطــاف .. والى كشفت لثامها شفت أميـــره

صعب على اللي بالردي شاف ماعاف .. وحلوه علىاللي سنه الله ضميــره

شمس الى من اشرقت والدجا طـاف .. غابت نجومك غصب لو هي كثيــره

السيف مايزهى سوى كف سيـــــاف .. والخيل دون حصانها مستخيــــــره

بس أنت دورلك على قدك لحــــــــاف .. وان طعتني دور بدلنا عشيـــــــــره [/color]

[جراح العتيبي]

صقر نجد


تسلم على هالروعه


والله شي جميل


الملتاع يرحمه الله راعي روائع


سلمت لنا

تقبل خالص تحياتي

[منصور الشيباني]

الغالي : صقر

صح لسانك والسنة شعرائها

ورحم الله الشاعر طلال الرشيد رحمة واسعه

ولا هنت يالغالي

تحياتي وتقديري

[المملوحه]

رحم الله الشاعر الكبير طلال الرشيد رحمه واسعه

اما الشاعر الاول فادعو الله له الهداية و مقدر اقول صح لسانه وهو يقول

"حلوات وصف وفاهــــمات بالاعراف .. "

اي اعراف ؟؟؟!!


"بنات قوم طيبهم غصـــب ينشاف " ؟؟!! اي طيب اللي معجبه ؟؟ على كذا وين كان عايش هو

[خالد عبدالعزيز]

الحمدللة هذا يقارن بين بنات المغرب اللي نعرف وين لقاهم وبين بنات الرجال الااصيلة اللي في وطنا شتان بينهما

[نوف]

تسلم يمينك اخوي صقر نجد

اختيار رائع لاعدمنااااك


دمت ودام وجودك

[ابوسـعد]

بعض الشعراء يقول وودك انه ماقال...والبعض ودك انه ما يسكت...وهذا هو الديدن...شكرا لك على النقل وياهلااااااااااااااااااااااوسهلااااااااااااااااااا اااااااا

[مخلد العازمي]

لاهنت صقر نجد
وتسلم على القصيدة قصيدة طلاااال الرشيد

[اخو من طاع الله]

يعطيك العافيه يا صقر على القصيده