قوانين الهوى

[نمر عتيبه]

[poem=font="Simplified Arabic,4,crimson,bold,italic" bkcolor="transparent" bkimage="" border="none,4,white" type=1 line=0 align=center use=ex num="0,black"]
البارحه ليلي قضيته على الكـوع=لين اذن المـذن وقـوم صلاتـه


كني يتيم من عنا الوقت مليـوع=واليه والي وجايـر فـي ولاتـه


يمسي على هم ويصبح على جوع=حافي قدم والثـوب بـالٍ بلاتـه


باسباب غرو لاعني بالهوى لوع=يحمل تواصيف الضبا في صفاته
شبيه خشف الريم زامي ومدلوع=حذر على نفسـه بكثـر التفاتـه


في وسط قلبي له بساتين وزروع=يبذر ويزرع ثم يحصـد غلاتـه


قاعدت اطالع ساعتي منه مفزوع=وراه يبطي جعل عمـري فداتـه


اناظـر الهاتـف اذا دق وافـوع=شفق على صوته وهمس كلماته


الوقت يسرقني وانا عنه مـردوع=والحظ عيـا لا يقـرب خطاتـه


حلفت يبقى الحب سامي ومربوع=حتى يفيق صويحبي من سباتـه


هذا قوانين الهوى شرع مشروع=كلن على حظـه يحقـق مناتـه


احدٍ على خله سقيـم وموجـوع= واحد مع خلـه سعيـد بحياتـه[/poem]

للشاعر/سعد مناحي الرويس العتيبي

[اخت اخوي]

صح لسانك اخوي

وصح لسان قايلها

[النـايــــــف]

صح لسانك اخوي نمر عتيبه

وصح لسان الشاعر سعد الرويس

وبيض الله وجهك يا الغالي


على هذا الاختيار


تحياتي لك ،،،

[مستر عتيبي]

صح لسانك و صح لسان الشاعر سعد مناحي العتيبي
مع تحياتي

[محمد العتيبي]

صح لسانك يانمر عتيبه وصح لسان الشاعر سعد مناحي الرويس
ولاهنت على النقل الرائع

تحياتي

[ابن مرشد]

صح لسانك

مشكور

وبيض الله وجهك يالغالي


تحياتي

[إبن ثعلي]

مشكور يانمر عتيبه على حسن الاختيار وصح السان شاعر القصيدة
تحياتي

[بدر الروقي]

صح السانك والسان قايلها


ولاهنت على نقلها



تحياتي لك


بدر الروقـي