قصيدة ضويحي الحافي العتيبي في المزاين

[الوليد العتيبي]

قريت لي فالريـاض ابيـات شعريـه
روايـع ٍ فكـر بـن وسـام محكمهـا
ابيـات شاعـرٍ مـن النقـاد محميـه
واهل العزايم ما قلـل مـن عزايمهـا
من شـان تقديـم هذيـه علـى ذيّـه
كيـف المصـور يدبلجهـا ويبهمهـا
ونتايـج الفـوز مسموعـه ومقـريـه
مـدري فهمهـا غلـط ولا تغاشمهـا
سلطان يـوم الحقيقـه شمسهـا حيـه
ماظـن مثلـك يابـن وسـام يكتمهـا
قول الحقايق علـى العـراف حتميـه
والاوله كيـف تجهـل مـن تسلمهـا
من غير فنجـال بالوضحـى المثاليـه
ثـلاث مـرات لازمتـه ولا زمـهـا
جوايـز الفـوز مجموعـه وفـرديـه
من لجنـة ٍ عادلـه ماتهفـي اذممهـا
سلطانـه اللـي خذتهـا بالميـه ميـه
بالاولـه كـل خـلـق الله تقيّمـهـا
وضحاً عليها الهـلال وهـي هلاليـه
اسطـورة ٍ يعجـز الرسـام يرسمهـا
فيها من اللـي يقـود الريـم عفريـه
عظيمـة الشـان والخالـق معظمهـا
في مقدم الوضح تشبه نصـب وسميـه
اقـول تسلـم ويسلـم كـف واسمهـا
مثل العلم فالعـروق اللـي لهـا فيـه
مـن ذود فنجـال ماتخفـى معالمهـا
وانهبّـت الريـح شرقيـه وغربـيـه
من دونهـا عـزوة ٍ تعـرف قدايمهـا
بيـن الشيابيـن مـع ذود الخليفـيـه
محشومة ٍ فـي ذرى شيـخ ٍ محشمهـا
فنجال واربوعنـا اللـي تحتـم الهيـه
وقت المزاعم تضـد اللـي يزاعمهـا
واليـوم الاحكـام معروفـه وشرعيـه
في ظل حامـي بيـوت الله وخادمهـا
جوايـز الفـوز مقبولـه ومرضـيـه
باسم المؤسس حضر مشعل يقسمهـا
حـط الجـوايـز محلـيـه ودولـيـه
ويحرص على الابل اخو نوره ويكرمها
وقصدي بما قلت فالروحـه وفالجيّـه
نتايـج الفـوز كـل النـاس تفهمهـا
وسبيع عنـدي لهـم حشمـه وجاهيـه
وحقوقهـم وافيـه مانيـب هاضمهـا
افعالهـم بالكـرم والجـود مسمـيـه
وحنـا ارجـال ٍ تشيمنـا نتشيمـهـا
والجـايـزه فالميـاديـن العمومـيـه
ماتبعـد النـاس وتفـرق تلاحمـهـا
وارجو عسى تغلب الحسنه على السيـه
وختامها مسـك الاعمـال بخواتمهـا

[العريدي]

[align=center]اخي الوليد صح السانك و السان الشاعر ضويحي / العريدي[/align]

[إبن ثعلي]

اخوي الوليد مشكور على حسن الاختيار وصح السان الشاعر
تحياتي

[النـايــــــف]

اخي الوليد صح السانك و السان الشاعر ضويحي


تحياتي لك ،،،،



اخوك النـايــــــف

[اخو من طاع الله]

صح لسانك ولا هنت على النقل يا اخ الوليد

اخو من طاع الله

[ابوسـعد]

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وارجو عسى تغلب الحسنه على السيـه=وختامها مسـك الاعمـال بخواتمهـا[/poem]
مشاركة متميزه