[poem=font="Simplified Arabic,6,black,bold,normal" bkcolor="black" bkimage="backgrounds/2.gif" border="inset,5,black" type=2 line=0 align=center use=ex num="0,black"]
الورق فوق الدوح في نـوح نعـاي=هاض الضماير في لحونـاً سجعهـا
اسمع هديل الورق واصغيله اصغـاي=الحـان ماهـي بالحـون ابتدعـهـا
لين اقتحم بيـن الصناديـق معنـاي=وديـان ضـاق بسيلهـا متسعـهـا
ابـا اتسلـى ويـن انـا واتسـلاي=اهل الولع ما تنتهـي عـن ولعهـا
ياصار وسط السوق بايـع وشـراي=تفتـح صناديقـاً ثمينـه اسلعـهـا
ويالاحمق الملقوف عن ظولهم جـاي=عمك بلش بالغامـه اللـي زرعهـا
وورود ورداً عيهلن تـروي ارواي=البوش كله لـو ورد مـا يهزعهـا
من عام الاول مصرين جمها اصراي=سحم الضواري لو تذوقـه صرعهـا
وعما طرالي ماسكـاً مـاي بلـزاي=النـاس خـرب طبعهـا مجتمعـهـا
وترى البذي دايم على الناس خطاي=هرجه عوج وان جات عوجن بلعهـا
يشوف بلع العوج في نفسـه اقـداي=ويترك مجـال الدافـع اللـي دفعهـا
وعندي وصيه من نوادر وصايـاي=اما غدت في حقـك النـاس دعهـا
وان جت من الادنين يازين الاقفـاي=وفجوج نجد اوساع يارحـت معهـا
وانشد رجال العرف يعطونك الـراي=وخل الضعوف الـي قليـلاً سنعهـا
ويالي بنفسـك دايـم الـدوم زراي=كم قاصـراً نفسـه كثيـراً بشعهـا
والي مشوا ركضه وراهـم تحوبـاي=اطروق ربعـه تتعبـه مـا قطعهـا
ودعوا على الي بالمخاليـق حكـاي=يجيب وينقـل كـل هرجـه سمعهـا
نمرود متمرد علـى النـاس جنـاي=الهرجه الـي مـا سمـع يصطنعهـا
ادعوا عليه وياعسى يقبـل ادعـاي=عسـاه لعلـه مـا يعالـج وجعهـا
والصدق لو هو ميزتاً مـن مزايـاي=غيري رجـالاً صدقهـا مـا نفعهـا
وكان (ن) زماني حداني على اقصاي=قبلـي صناديـداً حداهـا وسبعـهـا
اساير الدنيا علـى غيـر ممشـاي=وكل يوم ارقعهـا وتفجـج ارقعهـا
وعن طردها لو نكتفـي بالتمضـاي=ونقنع انفوسن من طمعهـا جشعهـا
وبكبود اهلها مدمين شرهـا ادمـاي=والسويد رضعت ماعرفوا من رضعها
اعوذ بالـي كـون الكـون مـولاي=الي بسـط سبعـن وسبعـن رفعهـا
السحت يفني مال لو مالـه احصـاي=والبركـه كـان (ن) ربـك نزعهـا
وترى المعاصي تنهي اصحابها انهاي=النفـس لاطاعـت هواهـا يخدعهـا
وابليس في رغباتها يغوي اغـواي=واجد رجال مـن الرجولـه خلعهـا
اما دحرت ابليس يسويبـك اسـواي=ولك طيحتن تفضحك محـدن وقعهـا
وبالك تطيع النفس عصيانها اجـداي=الا ليا صـدت عـن النـاس طعهـا
اخــــوكــــم
عبدالله عتيق المزيني [/poem]
| 
|
03-18-2006, 05:24 AM
المواضيع المتشابهه
العرض العادي
