بسم الله الرحمن الرحيم
السلام عليكم ورحمة الله وبركاته
اليوم جايب لكم قصيده من العيار الثقل
وهي لشاعر الكبير /عايض بن زوير المقاطي
واتمنا ان تنال علي رضاكم
[poem=font="simplified arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياللي تقول منين يالله عسـى خيـر=مدري جهل ما قلت ولا غشامه ..!1
لكن تركد واعقـد السيـر بالسيـر=واسمع جوابي ليـن ياصـل تمامـه
مـن لابـة فيهـا تحيـر التعابيـر=حتى فصيح القـول يعجـز كلامـه
من لابة لا هـب عـج ومعاصيـر=تارد على الهيجـا برمـح الشهامـه
من لابة لا ضـاق درب المعاسيـر=شرابـة الفنجـال بـرد وسـلامـه
بالمختصر حنـا فعـرف المناعيـر=روس العرب لا قيل وين الزعامـه
مقاطي ولا تكثـر عليـك التفاكيـر=شفت الجمل شقـران حنـا سنامـه
حنا هل الطالـه طـوال الشوابيـر=حنا عـذاب اللـي تغشـه حلامـه
حنا هل الفزعـات حنـا الشواهيـر=حنا صـلاح الكـون حنـا عدامـه
حنـا ليـا جـات الحميـا دوافيـر=نفزع ولا نعـرف طريـق الندامـه
أميرنا ابن حميد شوق الغناديـر ..!=فيصل حـزام النـا وحنـا حزامـه
لا جا نهـار فيـه ورد ومصاديـر=ولا نهـار فيـه مثـل الرغـامـه
يشر لنا فيصل مـع الجـو ونغيـر=حر شهر وادمـى جنـاح الحمامـه
في نجد ولا في حجـاز المذاخيـر=هداتنـا مـن فـوق حـد الغمامـه
أطلق شنـب فينـا يهـز الطوابيـر=وأصغر شنب فينا يعـاف الرخامـه
من فعلنا يلقى عشا الذيـب والطيـر=ومن فعلنـا العالـي يحـول تهامـه
بعض العرب يكفيـه منـا بواكيـر=وبعض العرب فوقه تحـول خيامـه
وخوينا يلقى علـى الطيـب تقديـر=وقصيرنـا دايـم رفـيـع مقـامـه
وطليبنا لو طب فـي جمـة البيـر=أمـا طلـع ولا علـيـه أنهـدامـه
وخصيمنا لا حـل وقـت التدابيـر=يجفل من الراعـه سـواة النعامـه
وليا جفل ماهوب مجفل على خيـر=يشوفنـا كابـوس حــزة منـامـه
فينا كرم حاتم .. وفينا مـن الزيـر=شجاعـة تاصـل لحـد الهيـامـه
انقلـط الضيفـان صفـر المباهيـر=وتاخذ على حـق الضيافـه كرامـه
وأصغر ولدنا لا نصـوه المساييـر=من طنخة فالـراس طـش العمامـه
هذي عوايدنـا ولا هـي بأساطيـر=وينبيك عن فعـل المقاطـي علامـه
تشهد لنا قحطان مع حرب ومطيـر=ويشهد لنا شرق الجزيـره وشامـه
ويشهد لنا التاريـخ قـول وتحريـر=بروايـة تـروى لـيـوم القيـامـه
أمدح بني عمي وأصوغ التصاويـر=ومدحة بني عمـي عليـه الزامـه
وكان الشعر ما جـا فيهـم قناطيـر=والله لتوب اليـوم وأعلـن حرامـه
وختامهـا تقديـر تقديـر تقـديـر=وكل "ن" على ماقيل الـه احترامـه [/poem]
تحياتــي لكــم"
خــالد المقــاطـــ]:
| 
|
05-10-2009, 05:26 PM
مقاطي ولا تكثر علاك التفاكير .. شفت الجمل شقران حنا سنامه ..!
العرض العادي
