ياناشدآ عن حال صاحبك كيفه(مصافحه أولى)

[رائد العالي]

بسم الله الرحمن الرحيم
السلام عليكم ورحمة الله وبركاته


يسعدني ان اطرح امامكم هذه المصافحه لهذا الصرح عسى ان تنال اعجابكم



[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ياناشدآ عن حال صاحبك كيفه=الحال والله مايسرك وانا اخوك
الهم عني مـايــقــفي بطيــفــه=وله بيت وسط القلب بالحزن مسموك
ماقدمنا غير الدروب الكليــفه=ودرب المصاعب للرياجيل مسلوك
واللي يبي يرقى الجبال المنيفه=لابد ياطا فوق الاحجار والشوك
في وقت كل إنسان عاقل يعيفه=والناس ماتنفعك لو يوم عزوك
حتى ولو تمشي بنيه شريفــه=ترى النظر ماهو لنيتك للبوك
محد توكا بالعصاه الضعيفــه=غير الذي بيطيح مافيه مشكوك
ترى مقابيل الليالي مخيفه=وباب الرجا من يمة الناس مصكوك[/poem]

[حورية نجد]

صح لسانك شاعرنا الكبير

[سويلم الخراص]

صح لسانك ابدعت

تواجدي

[عبدالله المرشدي]

رائد العالي


صح لسانك

وعلى شانك نص رائع

تحيتي لك

[ناصر بن سعدي]

إخــوي

رائد العالي

صح لسانك

ومصافحة جميله ونطمح إلى ماهو أفضل ..

وتقبل خالص تحياتي ..وكل عام وأنت بخير ,,

[اصايل]

حياك الله ياخوي في محلك


صح لسانك حتى ترضى


والله يبعد عنك الهم


مصافحه اولى رائعه


لاهنت

[حنين الروح]

واللي يبي يرقـى الجبـال المنيفـه
لابد ياطا فوق الاحجـار والشـوك

رائد العالي

ومصآفحه اكثر من رآئعه .. صح لسآنك مليوون

ولااهنت

[وجودك يكفي]

صح لسانك يارائد العالي وبيض الله وجهك على القصيدة الجزله

احترامي

[رائد العالي]

صح أبدانكم اخواني وتشرفت بردودكم الطيبه لاهنتو

[رشة قلم]

صح لسانك يارائد
في انتظار القادم

دمت على الخير ..