قصيدة الشاعر فهد القثامي ( ذباحة الحايل ) بمناسبة مزاين الهيلا

[الشجاع]

[align=center]السلام عليكم ورحمة الله وبركاته



مزاين الهيلا حدث اجتماعي كبير ومناسبة عظيمة
اكبر تواجد اجتماعي وأول ملتقى قبلي فاق التصورات والتوقعات
ونجح قبل بدايته



الشاعر فهد جازي القثامي .. احب أن يشارك أبناء عمومته الفرحة بهذا الملتقى
واهداهم هذة القصيدة :

[rams]http://www.alqthmh.com/sound/thaba7t.ra[/rams]

للحفظ


[poem=font="Monotype Koufi,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ذباحة الحايل لها اليوم ميعاد=لمصافح التاريخ وكفوفها حقوق
وان قاله الله عالم الغيب واراد=انه ليحصل شيئ ماهوب مسبوق
ما ينحفظ في خانة ألوف وآحاد =مكتوب في برقا ومحفوظ في روق
يامزاين الهيلا تواردك الأوفاد=يأتون لك من كل فجٍ من الشوق
مرٍ يجون اجموع ومرارٍ افراد=وترحيبهم حاضر ولاهوب مفهوق
يا عيدنا الثالث توسطت الأعياد=في قلوبنا مقيد بوقتك وموثوق
أعد لك اعداد مامثله اعداد=لاسابق مثله ولاهوب ملحوق
ينقاد لك الفخر بالعون ينقاد=يا مزاين الهيلا على كل منطوق
امشيدٍ مبناك وعتيبه اعماد=وصلب الوتد بالطنب فالأصل مدقوق
أرضك غدت رمز لنا بين الأشهاد=ومتوجه من هيبة المرجله طوق ‏
في كل ركن امارة أفخوذ وشداد=ودلال مركيات وقلوبٍ اصدوق
تلقا شعاع النور واقبال الأجواد=وسط الوجيه اللي بها دم وعروق
ياا لمنظر الرائع تناقلك الأرصاد=وانته حدث من روعتك تبهر الموق
جوك صراحه غير وبرادك براد=حتى الهوا ذعذاعه بديرتك ذوق
تقول ريح المسك مع عنبر وكاد=يروق للشاعر ليا جر طاروق
ترابك الميدان وخيامك امجاد=ورجالك التاريخ وفعولها حلوق
معبره من دون ناشد ونشاد=تقول نور الشمس ليا بانت شروق
وغير الفعول الماضيه فعولٍ اجداد=والنجم يتعب كل من طالعه فوق
ماهوب والله فخرنا بزين الأ ذواد=لا والله إلا تفخر بفعلنا النوق
حنا حميناها على عهد الأجداد=واليوم صار لزينها عندنا سوق
عسى السحاب اللي على نجد رعاد=ويشق غيمه كل مايرعد بروق
يصبه الله سيل في ذيك الأبعاد=وينبت من رشاش المطر كل زملوق
ويسقي بسيله ضامي بلاد وعباد=ويجعل سحابه نو وخياله حقوق
ويبقي السعوديه لنا رمز وبلاد=والدين يجمعنا ولا بينا فروق[/poem][/align]

[إشراقات]

صح لســانه على القصيـده .. ويعطيك العافيه على نقل القصائد لشعارنا في مدح قبيلة عتيبه ..

[ابوسـعد]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ويبقي السعوديه لنـا رمـز وبـلاد=والدين يجمعنـا ولا بينـا فـروق[/poem]

[align=right]صح لسان القائل والشكر للناقل...والهدية وصلت ومقبوله[/align]

[عبووودي511]

[align=center]صـــــــــــــــح لـسان الشااااااااااااعر وتسلم يدين ناقلهاااااااااااا[/align]

[إبن ثعلي]

لاهنت ياالشجاع وصح السان الشاعر فهد القثامي
تحياتي

[الخديدي ابودحمي]

مشكور من نقل وصح السان من قال الشعر