على طار الغياب م1

[مقعد العازمي]

[align=center]1- السلام عليكم ورحمة الله وبركاته
2- شكرا ناصر بن سعدي على الدعوة الكريمة :)
3- اولى مشاركاتي اتمنى ان تحوز على رضاكم
0
0
0
0
[poem=font="Simplified Arabic,5,darkblue,bold,normal" bkcolor="burlywood" bkimage="" border="double,4,gray" type=2 line=0 align=center use=ex num="0,black"]
على طار الغياب اللي يجي فجئة بدون اسباب = قضيت البارحه ليلٍ ظلام ولابدا نوره
فتح هجرك على كل المواجع في خفوقي باب = وغصن الوصل هب ابه الخريف وطارت طيوره
ولا ودي بقولة فيك ظني ياحبيبي خاب = حشمتك عن ظنون الشك لو النفس مقهوره
وقمت اشعب هجوس الفكر فاللي غايب وما غاب = ولاحصلت غيرك يبتدي ماينتهي دوره
واخذت احكيك قصة موجعه واسهر لك الاهداب = على ذكراك جريت القصيد وشاشت شطوره
ذكرتك يوم قلت القلب من نبع الغلا ما تاب = وصدقتك قبل شعبان وانته خنت فافطوره
بعدها خاطري من كل فرحة في حياتي طاب = مدام ان الوفا والصدق والاحلام مكسوره
ولاني داخلٍ مع من هويته في جدل وحساب = ابعلن باني المهزوم في حكمه ودستوره
وابرحل معي طعنة روح ..وحكاية ألم.. واتعاب = وذكرى محزنة..وجروح وسط الصدر منثوره
وابابعد ماطلبتك حق والا ارسلت لك بعتاب = وابترك باقي الاشواق في هالصدر مقبوره
وابا اخفي دمع عيني كل ما مريت بالاصحاب = لاجل مايعرفون انك من اهل الغدر والبوره
وابا اعتبر الفرح والبسمه العذبه من الاغراب = وابرسم ضحكة من غير نفس تزيّن الصوره
وابا ابطي ما التفتّ ادور الخلان والاحباب = ما دام الجرح في عمق الحشا باسباب دكتوره
ابا انهي ليلي الموجع واسجل رحلتي فاكتاب = واقول ان الليالي علمتني درس ..مشكوره[/poem]
وسلامتكم :)
0
0
0
0
0
تقديري الجم[/align]

[النـايــــــف]

صح لسانك اخوي مقعد العازمي

وبيض الله وجهك يا الغالي

إبداع في إبداع


لا تحرمنا من جديدك


معليش اخوي مقعد ابي انقلها إلى قسم قصائد الأعضاء


تحياتي لك ،،،،

[ناصر بن سعدي]

الشاعر المتألق

مقعد العازمي


ياهلاوغلا

ونورت المنتدى...وأبرك الحزات وأسعدها


ومصافحه أولى رائعه..!!

تجبر الجميع على إنتظار جديدك... على أحر من الجمر..!!

فلا تحرمنا جديدك..!!

وتقبل تحياتي..!!

[المشعلاني]

مقعد العازمي صح لسانك
قصديه جزله من راس جزل
الله يعطيك العافيه وحياك الله مره اخرى ولا تحرمنا من ابداعاتك

تقديري,,,

[عبدالله المرشدي]

مقعد العازمي


حياك
ونشكر ناصر على توجيه الدعوه


وصح لسانك

وعلى شانك

وسلمت

ولاهنت

احترامي

[ابن مسلم]

مقعد العازمي


حياك
ونشكر ناصر على توجيه الدعوه


وصح لسانك

وعلى شانك

وسلمت

ولاهنت

احترامي

[زبن القاضي]

مقعد العازمي

صح السانك وبيض الله وجهك

ولله درك

[جراح العتيبي]

مقعد العازمي


صح لسانك


اهلا بك ومرحبا

[صـــالح]

اخوي مقعد العازمي
وابا اعتبر الفرح والبسمه العذبه من الاغـراب
وابرسم ضحكة من غير نفس تزيّـن الصـوره
وابا ابطي ما التفـتّ ادور الخـلان والاحبـاب
ما دام الجرح في عمق الحشا باسباب دكتـوره
صح لسانك
متميز دئما
تحياتي لك

[عبدالله فيحان السميري]

اخوي مقعد العازمي كلام جميل الله لايهينك وصح السانك