وانتفض ركن الحرم

[الوشاحي]

[align=center][poem=font="Simplified Arabic,4,black,normal,normal" bkcolor="transparent" bkimage="" border="ridge,4,gray" type=0 line=0 align=center use=ex num="0,black"]
ماجت امواج الخليج وزلزلت روس السـراه = وانتفض ركن الحرم والطايف اطبق اخشبيـة

وضاقت اطراف الحجاز ونجد من كل اتجـاه = ومال دجلـة للفـرات يبـثّ مشكاتـه اليـه

هذا حال الكاينات اش حالـي انـا والسـواه = وانا عبـدٍ مسلـمٍ دون النبـي باغلـى بنيـة

شفت ما خطت اياديهـم علـى سيـد الهـداه = وارتعش عظمي وباح الدمع مـن تيّـه وتيْـه

وتلنـي همـي كمـا تـل المقيّـد مـن قفـاه = تلـه السجـان لا راحـم ولا شافـق عليـه

وذبه في وسط السجن يا كن قلبه مـن صفـاه = ودق صفحـه فالجـدار اليـن ورّم وجنتيـه

وضاق صدري ضيق محكوم القصاص اذا لفاه = علم بالتنفيـذ وان الوقـت ماهـو فـي يديـة

وقال لا جا خيه في وقت الزيارة يـا عسـاه = يبلْغه يبلّـغ اهـل الخيـر شرهـات الشريـه

وابتـدى وقـت الزيـارة وانتهـى ولا لقـاه = وما بقى له غيـر يطلـق للبكـاوي دمعتيـه

وانفرى كبدي فري من شاف بنـتٍ لقصـراه = حوطوها طالبيـن السـو وصاحـت تحتميـة

وهو مصوب فالقدم والقيد محوي فـي يـداه = وكـل مـا وقـف تعثّـر وانقحـم لركبتيـه

كل ما صاحت يصيح الين ما جابـت قصـاه = وقـام يلعـن حالـه ونفسـه ويلعـن والديـة

يابعد كل العرب مـن الملـوك الـى الرعـاه = كل واحد فينـا يفـدى شاربـك بامـه وابيـه

يا اشرق وجيه البشر واعز من يطوي الفـلاه = واشرف اصفيـاء ربـي وانبيـاه ومرسليـه

يا اشجع من الموت لا جت حزته ياخذ قـراه = ويا حليم احلم من الطفل اليتيم علـى السفيـه

يا اجود من الغيم واصدق مـا ترتلـه الشفـاه = واصبر من الدرع لا جا كل سيف وصك فيـه

باسمك ينادي المنـادي يـوم ينـادي للصـلاة = وانت تشفع فـي نهـارٍ فيـه يحتـار النبيـه

وانت اول مـن بيفتـح بـاب جنـات الالـه = واخر انبياء ربـي مـن تـرك هديـك يتيـه

ارسلك ربي لتخرجنـا مـن غبـوب وعمـاه = والصحابه دونك تحامـي وعرضـك تفتديـه

اظفروا بك في حياتـك درع وسـلاح وعبـاه = وجاهدوا دونك وفلوا كـل سـرب وراكبيـه

وحنـا والله لا ظفرنـا بـك ولا كنـا حمـاه = وهذي حزتها نفـادي دونـك بكـل مـا تبيـه

ازهله لي يـا ابـا القاسـم وتبشـر فالبغـاه = مات (حسانك) وقام (سعيدك) يضـدّ الوجيـه

الصور مدري الرسوم تبيّـن اللـي فالخفـاه = بانت البغضا وطاح الستر عـن وجـهٍ كريـه

بعد ماهي فالصـدور تعلقـت علـى الجبـاه = وصارت اوضح من شعاع الشمس للي حادريه

يا رعاعيع البقـر!! والكيـل طفّـح جانبـاه!! = صارت اكبر من جملنا بالمكـر يـا ماكريـه

كـل شـي الا رسـول الله وخيـرة انبـيـاه = دونـه المليـار يدحـم لـه فـداة لناظـريـه

دونه رقاب ووجيـهٍ تـدرع طعـون العـداه = والله من فـوق العبـاد يكـف نبيـه شاتميـه

علـم الكافـر وقلـه لا بلـغ سيـلٍ زبــاه = كل مسلـم يفتـدي دون النبـي بامـه وابيـه

ولا افتدي بالوالديـن الا النبـي سيـد الهـداه = عد ما هل المطر .. صلـى الله وسلـم عليـه[/poem][/align]سعيد بن واحش

[حسام هوازن]

اخي الوشاحي يعطيك الف عافية
على الابيات الجميلة يولد العم

تحياتي لك يالغالي

دمت بخير

[اخو من طاع الله]

قصيده رائعه يا الوشاحي

اشكرك على نقلها

الله يعطيك العاااافيه

[كحيلان]

شكرا على القصيد الله يعطيك العافيه

[فواز الشيباني]

اخي الوشاحي

الله يعطيك العافيه

لاخلا ولاعدم يا غالي

[((الدلبحي))]

قصيده رائعه يا الوشاحي

صح السانك

[ابو ناصر@]

صح الله السانك

وبيض الله وجهك على القصيده

ربي يعطيك العافيه وتسلم لنا يا واحه المنتدى الشعريه

ويااميرالإحساس ** واقبل خالص شكري على كتاباتك الرائعه

التي تحاكي مشاعرنا ومكنونات قلوبنا
دمت بحب مع من تحب