تسبدي تلوم وخافقي..يلعن الحب..!!

[مشعل العتيبي]

صباحكم شعر

\

/

\

/

[poem=font="simplified arabic,6,firebrick,normal,normal" bkcolor="white" bkimage="" border="none,4,gray" type=2 line=1 align=center use=ex num="0,black""]
كبدي تلوم وخافقي..يلعن الحب=وصدري يضيق ويلعن الوقت فكري
ونفسي تقول إلدمع عيني..قبل جب=وسطر الورق خلص..عقب زاد حبري
يالناقص اللي خاينٍ جدول الظرب=هذى جزا المدبول..ياحيف مدري
هذى جزأ قلبن..دلاله لك تصب=لك بالوفاء فنجال..حبٍ وعذري
جربتبي واليوم لازم تجرب=جزا الخيانه كيف,,لوكنت عمري
لو كنت احبك موت لوكنتلي طب=لوكنتلي كل شي..ماضي وعصري
لو هو جديدي..كان بك كان يكتب=اني لعيشك كان لك كان حصري
قصة غرامٍ واقعه كذب ماحب=الواقع اللي في خيالي وسطري
اني لعيشك فاقد الذاكره برب=ماولكم الـ\باكك..وبكره بتدري!!
انك حقير الحب..من عقب تنكب=في وسط سلة مهملاتك تهذري
وانك تلوم الكبد ماعاد تنحب=تعيش مسحوبٍ على كل وكري
كذى تطيب الكبد يالوعة الحب=عايش تهذري طول عمرك بقدري
مانتب كفو قلبن..دلاله لك تصب=لك بالوفاء فنجال حبٍ وعذري[/poem]

مــاااااانــتـب كــفــو

[نايف تراحيب]

حجز ملكي مع مرتبة آلشرف


[ 1 ]


للقرآءه

[ضيف الله السميري]

مشعل العتيبي


صح لسانك يالغالي على القصيده


ابيك تسمح لي في تعليق حول النمط المسيقي لقافية الصدر


مثلا في كلمه الحب حرف الباء مشدد كذلك كلمة جب في البيت الثاني ولكن الاختلاف\\

في كلمة الظرب _ تجرب _ ولك مني جزيل التحايا

[ترانيم المطر]

أوآه ياقسوة العشق!


تصعبُ حالاتُ الألم ِ أكثر ..

وتصعبُ ترجمتها ..

يظل الألم متكئ .. نعيش تفاصيله ..

الى رحمة الله تنتقل تلك المشاعر في اكفان

وبطقوس فرديه نعزيها وننقلها الى مثواها الاخير

بتعاسه نودعها ونواح وعويل

و ننغمس في اجواء الهم

و فكرة الرحيل تقصف بنا..!




العتيبي .. مشعل



بَوحك لَم يخْلَق مثله !!

لامس الوجدان..

اكتفيت بـِ القراءة .. لـ مرةٍ واحده ..!

خشيت من ان اُكررها و افقدني ....!!

لروحك الورد

[الـ غ ـنـد]

:

صح لسانك يامشعل

[عادل العصيمي]

مشعل


صح لسانك .. بداية جميلة


ولكن لدي ملاحظة


مفردة ( الحب ) كررتها أربع مرات وبعضها متتالية ولو كانت بصيغة مختلفة ولكنها نفس المفردة


اتمنى لك التوفيق وننتظر ما هو أجمل


لا هنت

[نايف تراحيب]

مشعل العتيبي


بيض الله وجهك يالغالي على هالجزله

وترى كلآم الأخوان الي سبقواني صادقين فيه

وانا تراني من المتابعين لك يابعدي

في أنتضار جديدك

/


،


نايف العتيبي

[مشعل العتيبي]

المشاركة الأصلية كتبت بواسطة [ نايف العتيبي ] حجز ملكي مع مرتبة آلشرف [ 1 ] للقرآءه

حجزك مأكد بالقلب

يانايف :)

[مشعل العتيبي]

المشاركة الأصلية كتبت بواسطة ضيف الله السميري مشعل العتيبي صح لسانك يالغالي على القصيده ابيك تسمح لي في تعليق حول النمط المسيقي لقافية الصدر مثلا في كلمه الحب حرف الباء مشدد كذلك كلمة جب في البيت الثاني ولكن الاختلاف\\ في كلمة الظرب _ تجرب _ ولك مني جزيل التحايا

اخوي/ضيف الله


الأفاده طيبه من رجال شرواك


وانت اطيب طال عمرك

صح ابدنك والله لايهينك يالذيب

[مشعل العتيبي]

المشاركة الأصلية كتبت بواسطة ترانيم المطر أوآه ياقسوة العشق! تصعبُ حالاتُ الألم ِ أكثر .. وتصعبُ ترجمتها .. يظل الألم متكئ .. نعيش تفاصيله .. الى رحمة الله تنتقل تلك المشاعر في اكفان وبطقوس فرديه نعزيها وننقلها الى مثواها الاخير بتعاسه نودعها ونواح وعويل و ننغمس في اجواء الهم و فكرة الرحيل تقصف بنا..! العتيبي .. مشعل بَوحك لَم يخْلَق مثله !! لامس الوجدان.. اكتفيت بـِ القراءة .. لـ مرةٍ واحده ..! خشيت من ان اُكررها و افقدني ....!! لروحك الورد

اختي العزيزه/ترانيم


اشكرك على حرفك الكريم


ومتابعتك الأكرم


منوره يالشيخه