هذه مرثيه لم يستطيع صدري ان يكتمها مع مر الشهور (رحمة الله عليه)!!

[مجري الهايب]

[poem=font="simplified arabic,6,black,normal,italic" bkcolor="transparent" bkimage="backgrounds/23.gif" border="none,4,gray" type=1 line=1 align=center use=sp num="0,black""]
لاواعذاب القلب ممايلوجه=كن الفؤاد يجر وسطه مناشير
في كل ليلن يلطم الهم موجه=والدمع من عيني تتدافع طوابير
اهيم تال الليل والقاع ادوجه=والقاع من حزني كره سجعت الطير
يالقاع دواجك همومه تروجه=ماهوب دايم يوم ادوجك على خير
اللي فقدته حاجتي فيه حوجه=محتاجله حوج المقود لتبشير
فقيدتن منها القلوب مخلوجه=يبكي على فرقاه كل المناعير
من عقبه دروب الزمان معووجه=كن الزمن عقبه توقف عن السير
مرحوم ياشيخن علينا فجوجه =مثل الفجوج اللي من الصين للنير
مرحوم ياشيخن على الطيب نوجه=ريفن على العربان منصى مسايير
شيخن فعوله مقنعاتن هروجه=مفراص خصم ولايحسب المخاسير
لاوقفت العسره عليه معروجه=لاقام فيها شانها عود صغير
شيخن مداخيله تبين خروجه=يعرف صواب الراي مادور مشير
وليا عمى رايه يمينه تبوجه=يفتح مغاليق القفول المصارير
عساه فالجنه تشيد سروجه=في جنة الفردوس وجنبه هل الخير
وصلاة ربي عد ماهب موجه=على النبي صلوا عداد الشخاتير[/poem]

[فهيد مقعد الرويس]

الله يرحمه ويرحم والدينا

واموات المسلمين

هذي حال الدنيا

يامجري الهياب

مرثيه ترق لها القلوب

صح لسانك

تقبل اطيب اتحيه

[رغدالشيباني]

[]صح لسانك مجري الهايب

والله يرحم ميتكم

وأموات المسلمين أجمعين

تحياتي ..

[سعد مخلد]

صح لسانك يا مجري الهايب وغفر الله لموتانا وموتاكم

والقصيده موقف ومعبره ولك تحياتي

[ضيف الله السميري]

مجري الهياب


صح لسانك ورحم الله واموات المسلمين


لاهنت يالغالي

تحياتي لك

[مجري الهايب]

جزاكم الله خير ولكم مني جزيل الشكر

[ميااااح]

الله يرحم الميت وعموم اموات المسلمين

ليه مابينت اسمه رغم ان القصيده من اجمل ماقيل بالرثاء

[ابوذياب]

صح لسانك يامجري الهبايب وغفر الله لموتانا وموتاكم

[مجري الهايب]

جزيتوا خيراً ولكم مني وااافر المحبه