ياونتي منها المعاليق يباس

[مخاوي النشامى]

[align=center]

[poem=font="Simplified Arabic,6,blue,bold,normal" bkcolor="transparent" bkimage="backgrounds/15.gif" border="none,4,gray" type=1 line=0 align=center use=ex num="0,black"]
البارحة ما هملج الطـرف بنعـاس=
ما فاض من نجـم عيونـي تخيلـه
لا باس يا عيني على السهر لا باس=
علـى وليـف مـا ألقـى مثيـلـه
عنا قطع شوف المواصل له ارماس=
ولا في يدي من نابي الأرداف حيلـه
فيما مضى ياخذ جوابي من الـراس=
واليوم لا عاني وانا مـا اعنـي لـه
العشرة اللي ما توثـق علـى سـاس=
تطيح لو صارت حصـون طويلـة
يـا ونتـي منهـا المعاليـق يبـاس=
صبري قضى مـا باقـي إلا قليلـه
صبرت صبر صابني منه وسـواس=
صبر لـه النفـس العزيـزة ذليلـه
على وليف حال مـن دونـه اليـاس=
واليـاس طـب للقلـوب العليـلـه
من يتبع المقفـي مـردّه بالافـلاس=
مثل الـذي بالقيـظ يدفـق صميلـه
هـذي دروب الحـب جـده ودرّاس=
الله يمضيـهـا يسـتـر وجميـلـه
موفق للخير يـا ظبـي الأطعـاس=
لا تحسـب الدنيـا باهلهـا طويلـه
(الصاحب ال غالي نحطه على الراس=
واللـي يـودك لا تـدور بديـلـه)
وصلاة ربي عدّ ما هـب نسنـاس=
علـى نبـي وضّــح الله دليـلـه [/poem]

شعر / عبد الله اللويحان[/align]

[اخو من طاع الله]

صح لسانك يا مخاوي النشامى ولسان شاعرها عبدالله اللويحان

[البندري العتيبي]

صح لسانك يامخاوي النشامي

[عذوبة نجد]

العشرة اللي ما توثق علـى سـاس
تطيح لـو صـارت حصـون طويلـة
يا ونتـي منهـا المعاليـق يبـاس
صبري قضـى مـا باقـي إلا قليلـه
صبرت صبر صابني منه وسـواس
صبـر لـه النفـس العزيـزة ذليلـه


يعطيك العافيه مخاوي النشامى..واختيار رائع..

عــــــذوب

[مخاوي النشامى]

عبد الله الحافي
صح بدنك ولاهنت على المرور والرد
يامشرفنا الرائع

[مخاوي النشامى]

البندري العتيبي
صح بدنك أختي ولاهنت على التواصل والرد

[مخاوي النشامى]

عذوبة نجد
الله يعافيكي أختي أسعدني تواجدكي الرائع

[إبن ثعلي]

صح السانك يامخاوي النشاما قصيدة رائعه
تحياتي

[مخاوي النشامى]

صح بدنك أخوي بن ثعلي
لاحرمنا تواجدك الرائع يالذيب

[برقاوي هواوي]

بيض الله وجهك أخوي مخاوي النشامى على نقل مثل هذه القصيدة الجزلة