.. قال : حقوق المرأة قال . !!!! .. ( منقول )

[صقـر عتيبـة]

المووووووهم اسمعوا كلام الدكتوره الله يحفظها واعتبروا فيه



والله كلامها صح



حقوق المرأة



للدكتورة : ليلى صالح عزوز



‏باللهجه الحجازيه الجميلة





ما يرفع ضغطي شَي زَي كلمة حقوق المرأة .. وبالذات في السعودية ..وهادي المشكلة طلعت متى؟ بعد 11 سبتمبر ... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟

يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه.

طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون

أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ...وقدامه وحده في الشهر التاسع واقفه على رجولها وشايله طفل تاني على كتفها ... إن الشحط يتحرك؟ .. أبدا...إن الثور يحس؟ .......لايمكن. لكن هل يمكن يحصل هادا في السعودية؟ أبدا .. واللي يبغى يجرب .... الطريق قدامو .... يا عمي العملية كلها دلع حريم في دلع حريم ... رايح أعطيكم بعض الأمثلة وقولوا لي مين اللي آخِد حقُّو ب الكامل وزياده؟ وهل عندنا المرأة متساوية مع الرجل .. والا هي أحسن مِنُّو؟

قال حقوق المرأة ... قال.



منظر عام


رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي واقفين من ساعات ... وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني... وخمسين سعودي... واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال ..... خليني في الطابور .... زَيِّي زيكم؟! .... ليش ما تقول كده؟! ... والا هي تماحيك وبَس! ونفس المنظر في الجوازات .... والأحوال ... والتأمينات .. ويقدر أحد .... يقول إنه من ظهر أبوه ..... يفتح فمُّه؟ .... على طول يسمع العبارة الشهيرة .... ( عيب عليك .... إنت ما تستحي؟ .. هذه حرمة...إنت ما عندك أهل!)) ...ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟

قال حقوق المرأة ... هه!
اقتصاديا

شوف الراجل.. السبع.. الغضنفر.. المفتري...له ثوبين أو ثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ. والمرأة بسلامتها .. بقيمة أدوات مكياجها فقط. تقدر تفتح محل خياطة رجالي محترم. ويا ريت تحط من مكياجها في البيت.. لأ. دا بَس للخروج ... وقيمة صباع روج والا علبة بودرة تساوي قيمة جوال جوزها .. وكمان ازيدك من الشعر قصر ... مو بيت ... من حقوقها فستان لكل فرح. و مكياج. و كوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية. واللطخ يدفع . مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.

قال إيه! حقوق المرأة.


نفسيا


الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين. ويعني إيه عنده مشاكل في العمل؟! والا أقساط متأخره؟! والا فواتير؟! والا مقاضي ما يعرف كيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس .... كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد)) .... والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره ... جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... .... ... ومع هادا كُّلو ...لازم يبقى رومانسي.

بينما هي وبكل سهولة تصحى بسلامتها في الظهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ..أبو خالد موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.

وفوق هذا كله آخر السنه: طفشانه ....فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا... يا عيني علينا إلل ي ما نروح غير يا مصر .... يا سوريا .... والسنة اللي غيَّرنا فيها ... رحنا ماليزيا.

وفي رمضان: تعبت .....أوف ......إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان ......مقاضي العيد من جده ...أختي جابت ملابس لها ولعيالها ... إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟


هاه وش رايكم صح وإلا مو صح

[» عبدالعزيز «]

هههههههههههههههههههه ..
خطيره ذي الدكتوورهـ .. وكلامها صح ..

حازم شد حزامك وانحش الحريم ناوياتك <-- امحق علم ..

[م الرويس]

صح لسانك الدكتورة ...<<<بردة كبده

زي ماقال اخوي عبد العزيز ناوياتك حريم المنتدى انحش

[الماجــد]

لا تعليق

[ރالزيــاديރ]

قبل لاتتكلم الدكتوره وتقول

الإسلام اعطى المرأه حقوقها

وكلامها اللي قالته صحيح ولكن ماجابت شئ جديد

كل واحد يطالب بحقوق المرأه اذا كان رجل تحصله متسمم بأفكار غريبه وتحصله انفتاحي وعلى اساس كذا يساوي نفسه بالمرأه..

الحمدلله الإسلام عز المرأه وعطاها مكانتها بالمجتمع وعطاها حدود من اختلاط وغيره

[حورية نجد]

صقر عتيبه جبتها وانا اختك هههه....
اي حقوق ..اضعف إمرأه تقلب برئيس دوله..لا ومابقت من الحقوق شي
فهي ملكه مسيطره على الوضع كامل..
ولكن هذا غزو فكري علماني من داخل الوطن وهم بيننا ,,وهم من يدس السم في العسل...حضرت دوره في مجمع نسائي يلقي المحاظره دكتور يظهر تغليفه المحاظره باسم الدين ويأتي بأدله من القرآن ولكن الذي يتكلم عنه شيء خفي يفصل الدين عن الحياه وهذه هي العلمانيه!!!!!وبعض النساء جاهلات تفاعلو معه ولكن منصبه هذا سيساعده على مايريد الوصول اليه حيث قال؟هنا بالسعوديه الرجل يأخذ راتب زوجته ويهضم حقها من ينقذها وتفاعل معه السذج وفي ختام كلامه .!!!دخل في الحجاب وكيف تعمل المرأه وهي محجبه ؟؟؟وهنا مربط الفرس هذا مايريد الوصول اليه دعوه للتحرر وليس لحقوق المرأه بل لإفسادها وكأن الحجاب على قلبه !!!انزعي الحجاب فهذا من حقك اي حق هذا ....!!!!!؟وشهد شاهدن من اهلها في الغرب امريكيات (تقول برفسوره اريد ان احس اني إمرأه مثل المسلمات فأنهن يعشن في سعاده اريد احدأً يخاف علي يسأل عني يحميني اريد استقرار نفسي فهذا كله عند المسلمات ...
اليس حمايتنا على عاتق الرجل ؟الا نجد الامان الا معه؟
اليس هذا الحجاب هو من امرنا به من خلقنا؟
اقسم بالله لا استطيع الايفاء بجوانب الموضوع اوتغطيته ....
ولكن الله يقوي رجالنا وكل رجل فيه غيره .....
وعليكم بصدع بما تأمر وطنشو الحريم وحقوقهم على قولت الغرب وشدو علينا ياعتيبه
وبتوجيهات رجالنا نمشي والوعد رضا الله ...
موضوع راق لي....
(.كشفت اوراق النساء واتحمل مايجيني)

[وجودك يكفي]

اشكرك اخوي على النقل واشكر اختي الدكتورة حورية نجد على تعليقها ومشاركتها

وبالنسبه للدكتوره ليلى صالح عندها قناعه بالكلام إللي قالته ولكن تشكل نسبه قليله مقارنة بالطرف الآخر
يعني كل 100 مرأه وحده منهن نفس الدكتوره ليلى صالح و99 عكس وال100 الثانية وحده مثل الدكتوره حورية و99 عكس


الله يرزق ال99 القناعة والرضا مثل مارزق الدكتورتين

[خيّال الهيلا]

الاسلام بشكل عام ..
اعطى للمرأة حقوقها قبل ان ينتظر اشادات او تأييد ..
رغم ان هناك سلوكيات سلبية تحدث .. لكن بالتأكيد هي سلوكيات فردية لا أكثر ..

بعدين لو نلاحظ بكثير من المجتمعات الغربيه ..على سبيل المثال..
بمجرد ماتتزوج المرأة تحمل اسم زوجها ..
فوش المساواة بالضبط في هالحالة ؟ ودي احد يقنعني وين حقوق المرأة هنا ؟

ليه هي مالها اسم .. مثل مالزوجها اسم عائلة خاص فيه ..
وكيف ينفع لو تطلقت وراحت عند زوج آخر وتحمل اسمه ايضاً !!
لو ماتزوجت او ترملت .. بتظّل تحمل اسم الاول حتى ولو هو ميت ..

ذا نقطة من بحر.. فيه اشياء كثيره تقلل من حقوق المرأة ..
وهم يعتقدون انهم بهالشكل .. ناجحين! طبعاً اقصد المجتمعات الغربيه ..

[ضياء البـدر]

,’


مقال بقلم رجل وأكيد مو دكتور .
لأن من يصل إلى تلك الدرجة العلمية لن يكتب بهذه الطريقة الـ لا راقية !!
والذي يحدد أن كانت هناك حقوق مسلوبة للمرأة أو لا
هي المرأة نفسها لا أشباه الرجال !!


شكراً صقر عتيبة .

.

[حورية نجد]

اخوي صقر شكل الموضوع ساخن ارجو التوسع في طرحه اطرحه بأسمك مع او ضد
لاخذ آراء النساء والرجال ......
ونلم بجوانب الموضوع .......