ياسعود تكفــى

[فهد بن فهم]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياسعود أبنصحك خلّك للخطر واعي=إيه إنتبه لا يغرّك ملمس الحيه

ياكثرهم موّتوا من سم الأفاعي=الجلد ناعم وناب الحيه اذيه

العام فالعيد كادت تلّدغ إصباعي=واموت في حينها وتصير عيديه

وحماني الله بلطفه والله الراعي=وإلا تبِين لسموم الناب ماريه

وكم حاولت في خفوقي لكن اضلاعي=تردها لو بغت تجتاح مخفيه

ياسعود خابرك شهم ونادر أطباعي=ولا زلت لكن علامك تجرح الكيه

ليه المشاعر تحرك مالها داعي=ياليتها وآصلت في حال منسيه

ياخوك ماهي صحيحه يقّطع الساعي=وأنا ادري النفس ماموره ومنهيه

لاشك لاتنـّـدفع مع كل ذعذاعي=لو هـبْ ينقل معه رذراذ وسميه

والهاجس اللي صحى ثم جاك فزّاعي=لاتنخدع فيه لو كله رومانسيه

هذي نصيحة إمجرب وإشترى باعي=فالسوق فــنّــد ثمن هاذي وهاذيه

ياسعود جرّبت قبلك كل الأنواعي=من وسط محميه أدخل وسط محميه

وياما وياما دعاني كل مرباعي=واخاف ربي واخالف ساعة السيه

وأخشى يقولون سَلم المرجله ضاعي=لاصرت مأحشم خويي حامي الهيه

رفيق دربي معي للشمل جمّـاعي=وشلون أقلل بحقه وأخلف النيه

ما ياكل الذيب ذرعانه ولو جاعي=ولو إن جوعه سطابه دون ماويه

هذي عوايد عرب بسلومها أسناعي=الطيب والمرجله ميه على ميه

ياسعود تم الكلام إقره من إبداعي=بس إنتبه للمعاني وإذبح الحيّه[/poem]

[الدماسي 2007]

لاشك لاتنّدفع مـع كـل ذعذاعـي
لو هبْ ينقـل معـه رذراذ وسميـه

صح السااااااااااااااااااااا نك
يابن فهم فهد
نصيحه طيبتن بالحيل

[ابن مسلم]

وأخشى يقولون سَلم المرجله ضاعي
لاصرت مأحشم خويي حامي الهيـه
رفيق دربي معي للشمـل جمّاعـي
وشلون أقلل بحقه وأخلـف النيـ


صح لسانك يافهد بن فهم

وافية من وافي

تقبل تقديري واحترامي

[نعومــــي]

صححححححح لسانك

وسلم بنانك

ولا هنت

[جراح العتيبي]

فهد بن فهم


صح لسانك

[النـايــــــف]

صح لسانك اخوي فهد بن فهم

وبيض الله وجهك يا الغالي


ولا تحرمنا من إبداعك معنا


تحياتي لك ،،،