ذيب صدري فالمراقيـب جـر عـواه

[برقاوي هواوي]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عليك الرجاء ياللي جميـع البشـر ترجـاه=ليا جـاء نهـار الحشـر بيّـض مكاتيبـي
وهوّد علـى قلـب ٍ زمـان الشقـى قـزاه=وعدّى مـن الضيقـه بـروس المراقيبـي
ادوّر دوى جـرحٍ سطـى مالقـيـت دواه=كوانـي بنـاره فالضـلـوع المحاديـبـي
بعد ذيب صدري فالمراقيـب جـر عـواه=ابا اجر صوتي غصـب واجـاوب الذيبـي
الا يارفيقـي بـعـد هــاذي فـمـان الله=ليا صار ضاعت فـي عيونـك مواجيبـي
توكـل علـى فالـك وكـل ٍ علـى ليـلاه=وجرح ٍ جرحتـه كلهـا ايـام ويطيبـي !
اعزي على فرقـاك نفسـي وانـا عـزاه !=من اللي يعزينـي علـى فقـدة صحيبـي
رفيق ٍ جرحنـي بعـد مانيـب انـا ويـاه=رفاقـه علـى سلـم المواجيـب والطيبـي
ليا من نصاني قبـل يهـرج لزومـه جـاه=تحـت قسـوة الايـام والعسـر يحريبـي
انعّـم علـى ذكـره ليـا مرنـي طريـاه=واحفْظه واصونه عـن جميـع العذاريبـي
ولا ارضى هروج اردى ضعيف العرب تقفاه=واداري علـى سمعتْـه عنـد الاجانيبـي
جرحني عسى ربـي يبيحـه وانـا لـولاه=علي الحـرام انـي لاحمّـي المشاهيبـي
على اللي نقل بعض السواليف ليـن اغـواه=وخلـى رفقاتنـا علـى الشـك والريبـي
ياكبـر الخطايـا منـك ياصاحبـي كبـراه=على شان عين مروّج الهـرج تصخيبـي ؟
تبى الصدق مانشره على اللي عطاك اريـاه=لكن تلحق الشرهـه عطيـب المضاريبـي
تعلمت راع الطيـب دايـم بطيـب اجـزاه=وراع الـردى مالـه علـيّـه مطاليـبـي
رفيق الشدايـد ترخـص الغاليـه لرضـاه=وصية مجرب لاح فـي عرضـه الشيبـي
حياة التجـارب مرجعـه والزمـان رشـاه=من احداث وقتـه رشـح استـاذ واديبـي
الا يالرفيق اللي مع الوقـت بـان اقصـاه=بعـد غـرّروك مجالسـيـن الرعابيـبـي
توكل علـى فالـك وكـل ٍ علـى مشهـاه=وجـرح ٍ جرحتـه كلهـا ايـام ويطيبـي [/poem]




[align=center]شعر / سعد الشيباني [/align]

[محمد العتيبي]

تسلم على النقل الجزل وصح لسانك ولسان الشاعر سعد الشيباني

[اخو من طاع الله]

صح لسانك يا عبدالرحمن ولسان شاعرها سعد

يعطيك العافيه على نقلك الرائع كما هي العاده

[الجوووري2]

[frame="7 80"]الا يالرفيق اللي مع الوقـت بـان اقصـاه
بعـد غـرّروك مجالسـيـن الرعابيـبـي

توكل علـى فالـك وكـل ٍ علـى مشهـاه
وجـرح ٍ جرحتـه كلهـا ايـام ويطيـبـي


صح لساانك ولسان شاعرهاا
وسلمت ايديك على الابيات الرائعه
الله لا يحرمناا جديدك يالغالي[/frame]

[برقاوي هواوي]

الله يسلمك أخوي محمد ولاهنت على المرور

[برقاوي هواوي]

الله يعافيك اخوي عبدالله وتسلم على المرور

[برقاوي هواوي]

صح بدنك يالجوري وتسلميييييين على المرور الراااااااائع

[مخاوي النشامى]

سلمت يمناك اخوي عبد الرحمن على النقل الرائع والجزل
وصح لسان شاعرها سعد الشيباني

[النـايــــــف]

صح لسانك اخوي عبدالرحمن النفيعي

وصح لسان الشاعر سعد الشيباني


وبيض الله وجهك يا الغالي

على هذا الاختيار

تحياتي لك ،،،

[برقاوي هواوي]

المشاركة الأصلية كتبت بواسطة مخاوي النشامى سلمت يمناك اخوي عبد الرحمن على النقل الرائع والجزل وصح لسان شاعرها سعد الشيباني

الله يسلمك أخوي مخاوي النشامى ولاهنت على المرور