الموج المحيط

[متعب بن طواله]

[frame="9 60"]
[poem=font="simplified arabic,6,limegreen,normal,normal" bkcolor="transparent" bkimage="backgrounds/26.gif" border="double,4,green" type=2 line=0 align=center use=ex num="0,black""]
حاولت اسلي خاطري مار مزعوج= اليا بغيت ادله رجع زاد همي
همٍ على همٍ غشاني تقل موج= موج المحيط اللي اليا هاج دمي
الوج لوج صغيرن لاج من حوج= يتيم وابكم مايسولف واصمي
قلبي غزاه الحزن فوجٍ وراء فوج= غصبٍ تسلل له مع عروق دمي
ماسلتن صف التعاليل وهروج= ولا قصة الراوي مدير المعمي
والله يالولا سجة الرجل وادوج= واشراف مرقابٍ من الطول زمي
لانوح نوح اللي على الغصن بهبوج= ورقٍ تجر الصوت من كل يمي
ولاقنيب مسلوعٍ من عقب لوج= ماطاه من كثر الهريف متدمي
حداه عن جو العرب حس لجلوج= وكوسر عواه براس جالٍ مقمي
واتل قلب من وراء مهدف العوج= تل السواني من غزير المجمي
او تل حمرن فوقه الدل وخروج=في دربهن صم الحوافر ترمي
من كثر مابه من ملفات بدروج=همٍ على كل الاحاسيس عمي
اغظي قهر سطوة دهر رحت مفلوج= طيحت خلا مامن صديقٍ يسمي
قبلي شكو منه هل الخيل وسروج= كم من عديمٍ ذوقه كل غمي
دنياك وان هبت باعاصيرها الهوج= ماله ولد خالٍ ولا ولد عمي
[/poem]
[/frame]

[وجودك يكفي]

صح لسانك يامتعب وبيض الله وجهك


احترامي

[شـوآق]

متعب بن طواله


صح الله لسسانك وسسلمت يمناك
يعلم الله انها كايفه ,




كل التحايا لك

[متعب بن طواله]

المشاركة الأصلية كتبت بواسطة وجودك يكفي صح لسانك يامتعب وبيض الله وجهك احترامي

مشكوور طال عمرك لاهنت الله يحفظك
كل الشكر لك على تواجدك هنا
اشكرك

[غيابك صعب]

سلمت اناملك التي كتبت تلك الابيات لجميله كـجمال روحك
لك عقودمن الياسمين
مرت من هنا
غيابك

[متعب بن طواله]

المشاركة الأصلية كتبت بواسطة شـوآق متعب بن طواله صح الله لسسانك وسسلمت يمناك يعلم الله انها كايفه , كل التحايا لك

الف هلا ومرحبا بك شواق لاهنت الله يحفضك
اشكرك جزيل الشكر
دمت بكل خير

[متعب بن طواله]

المشاركة الأصلية كتبت بواسطة غيابك صعب سلمت اناملك التي كتبت تلك الابيات لجميله كـجمال روحك لك عقودمن الياسمين مرت من هنا غيابك

كل الهلا والتراحيب بهذه الاطلاله الرائعه
امتناني لشخصك الطيب
هلابك

[رفق المجنا]

صح لسانك