هاله من النور

[ذيب الينوفي]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ِِمرت تشع اشاع هاله من النور = وقمت اتصدد تحت ويمين ويسار
اعماني الي خدها مثل بلور = ولا جمانه غايصه وسط محار
بشويش تمشي مامشت مشي مدهور=ولو هي تقف ماترتوي منها الأنظار
ياحض باب الدار وياحضه السور= ولوكان متعارف على انه جدار
صحيح مايبصر ولا عنده شعور= ولكن اذا مرت على جنبه اغار
واقفت وانا اقفيت امشي ومقهور= عليك يلي دق بالقلب مسمار
تبي تمر ايام وسنين وشهور= والجرح يبقى للمعاناة تذكار
جرح المشاعر مايداويه دكتور=ولو قال انا في عالم الطب بيطار
هذي ماهيب رضوض ومشوع وكسور= هذي مشاعر مالها طب ياجار
ابي الحقيقه منك وتكون مشكور= مابين وصل وهجر لابد تختار
امانعمر فوق اساساتنا قصور= ولا جميع الي بنيناه ينهار[/poem]

[إبن ثعلي]

صح السانك ياكنز المشاعر قصيدة رائعه وحياك الله
تحياتي لك

[عبدالرحمن الحمد]

صح الله لسانك ابيات كايفه
وحياك الله بين اخوانك وربعك
مع التحيه

[ابن مسلم]

كنز المشاعر

صح لسانك

واسمح لي بتنسيق القصيده

[ذيب الينوفي]

اللله لا يهينك يابن مسلم المثل يقول لا تدل البدوي بيتك
اذا تكرمت فيه اخطاء املائيةتبي تعديل:
مرة= مرت
اعمان= اعماني ولك خالص شكري وامتناني

[ابن مسلم]

المشاركة الأصلية كتبت بواسطة كنز المشاعر اللله لا يهينك يابن مسلم المثل يقول لا تدل البدوي بيتك اذا تكرمت فيه اخطاء املائيةتبي تعديل: مرة= مرت اعمان= اعماني ولك خالص شكري وامتناني

تم التعديل

ولايهمك حنا مكملين لبعض