قصه ماني ناسيها ودي للناس احكيها هالدنيا الله يكفيها
لها اسرار مجهوله
جاني قرضا واشقاني ليته والله ماجاني بين اتباع الشيطاني
قسمته قسمه مخبوله
القسط الاول والثاني سلمته عند العصلاني كل جاله طمعاني
واللي غافل نادوله
علمت الحرمه وعجبها جتني تنقل ذهبها والجارات مع اقاربها
اللي سمعت لهن تقوله
والنتيجه حقي راح راس المال مع الارباح والجاني مدري وين راح
كل اعلومه عند الدوله
والقسط الثالث خذيته قالوا ليه وين اغديته قلت ارباطه مافليته
ابغاه لحاجه معقوله
قالوا يوجد يا مجنون صندوق اسلامي مضمون لك يبيعون ويشرون
تكسب فيه ابسهوله
رايح منه تستفيد مخدوم ومالك يزيد اصبر سنه بالتحديد
تلقى افلوسك مدبوله
طاوعت القوم ووديته ليتي عنهم خبيته سلمته بعدن عديته
سلمته يد مغلوله
بعد سنه جيت اصحابي قام المدير وهلابي قلت انا بشوف احسابي
قال الهم قوموا شوفوله
وانت ارتاح بهالمكان قلت الهم والله عجلان قالوا تدري شوف فلان
والا تلقى اللي من حوله
كلمته طالع بعيونه مدالبرطم هز امتونه عرفت انه عنده بونه
قبل يقول ونسمع قوله
قال انته ماجاك اخبار عن السوق انه منهار كنك ماتدري وش صار
ثلثين افلوسك ماكوله
دخت وطحت وشالوني للمستشفى ودوني اخذت علاج وهدوني
وطلعت ابحاله مخلوله
والله انقذني بالتالي بغى حالي يلحق مالي قلت انا ليش اشغل بالي
مع هالناس المشغوله
جالقسط الرابع واخفيته وامن الباقي وفيته ماودعته خليته
خايف من عله تزوله
قالوا لي انته مهبول خذلك جهازا محمول ونته عن حقك مسؤل
طب السوق ابسيوله
قلت اشوفه سوقا طايح والناس اتبابي واتصايح واسمع تحذير ونصايح
مافيه ارباح ماموله
قالوا نشوفه منهد لكن بكره يرتد كل العالم فيه اتكد
وانته اتفرج وشهوله
دخلت وقت ارتفاع وجا متنكس للقاع والحقيقه حقي ضاع
والنفسيه مقفوله
كل يشك اللي جاريه والتحليل اخداع وحيله في هالورطه من نشكيله
وين الناس المسؤله
قالوا لي كل خسران الارامل واليتمان والمسكين مع الفقران
كل ضيع محصوله
صرت افكر بحوالي في طمراتي وهبالي لكن ماني بلحالي
غيري ناس مهبوله
عن هالتجرة باستخير ومع ارض الله ناوي اسير لو ماملك لي غير بعير
مع شاتين مسموله
وختام لما قلته باشعار صلوا معي ياحضار على النبي المختار
عدد وبل تجر اسيوله
اسمحولي لم اعرف شاعرها
| 
|
07-27-2007, 01:20 AM
المواضيع المتشابهه
العرض العادي
