مجارت الشاعر جبل بن زيد القحطاني ((علــيه))

[سيف قحطان]

السلام عليكم ورحمة الله وبركاته

من باب حبي للصيد وهله قراءت قصيده الشاعر جبل القحطاني

والتي اجبرتني على مجاراتها واتمنى ان اكون قد وفقت لمجارت شاعر بحجم جبل القحطاني

والتمس منه العذر اذا قصرت

هذه قصيده الشاعر جبل

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

هـب البـراد وبشـر الوقـت بالخـيـر=والغـيـم فــي جــوه تـزبـر سحـابـه
نسمع علـى رفحـا وبلقـان وعشيـر=غـثـاء سيـلـن كــل طـايـف حكـابـه
يالله من المنشى على (عليه) يسير=زفـــول نـــون إيـتـقـارع ضـبـابــه
يهـل وبلـه مثـل ضـرب المسامـيـر=يقطع على الشعبان بأعلـى هضابـه
لحيـث ماتعـرف عسـوس ومداويـر=حـوزم صديـن تـزبـن الــي وزابــه
وانشوف زفق العشب فيها مزابيـر=أتقـول داخـل فــي دهالـيـس غـابـه
خـلاص مايحـتـاج للـوضـع تأخـيـر=يـا لعنبـو رجلـن مــا يغـنـم شبـابـه
قررت اشيل العفش فالحـال واغيـر=جاهـز ولا يحـتـاج عـنـدي حـزابـه
والجيب ربعن من الامارات تصدير=يـحـرم علـيـه مـاحـدن قــد مشـابـه
وخــوت نشـامـا طيـبـيـن منـاعـيـر=أمـا مـن اقصـى النـاس ولا قـرابـه
يازيـن لا شفنـا الـجـوازي مدابـيـر=مايسـلـم الــي راح ينـقـل صـوابــه
بمضلعن مسلوب والمخمس قصيـر=اتجـمـل القـانـص وبـالــي غـزابــه
انزل وشب النار فـي حـزة عصيـر=فـي مـدركـن كــن الـزوالـي تـرابـه
والنجـر يصقـع والغـواري مناحيـر=تقطع وازل الفصل وأشخـل سرابـه
نحلـق ونشـرب مـن قنـاد المباهيـر=فنجالـهـا يـــدرج ونـثـنـي شـرابــه
وسوالفـن يبدابـهـا شيخـنـا الـزيـر=ثــم القـصـايـد ثـــم جـــر الـربـابـه
والعشـا مـن صيـد حــر الصقاقـيـر=اضغط وشـو واحنـذ ولا بـه غرابـه
انا أشهـدن للعمـره لـذه وذي غيـر=اغنـم شبـابـك قـبـل يـطـوى كتـابـه
مـا يسعـدك جمـع الذهـب والدنانيـر=الـمـال يـنـفـد لا تـحـسـب حـسـابـه
[/poem]

وهذه هي مجاراتي


[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هاض الخفوق وشاغلتني التفاكير=علم الحيا جابه عزيز مشابه
ياهاجسي ماعاد نقبل معاذير=مسفر خطير اليوم يفقد صوابه
قالوا على ((عليه))من الوسم تبكير=غيم من المغرب تركز ربابه
طاح المطر والنبت خزامى ونواوير=وصوت ام سالم قلبي يذهب عذابه
مامرها الشاوي ولا راعي بعير=حتى الحمايه ماعليها رقابه
قبل الشروق وقبل صوت العصافير=الصيد فيها كل قطع حزابه
قناصها بمضلع حجمه اصغير=يجمل القناص لاما رمابه
خمسه نشاما كل بوهم مغاوير=لا شرفوا للصيد كنهم ذيابه
طرد الجوازي همهم مانبي الطير=ما جمل القناص طير لفابه
قلت ابشروا بالخير يا اهل التباشير=واللي يبي الممشى يجهز زهابه
من فوق فكسار يقص المشاوير=شد البريمي يعجب اللي سرابه
نبغي ندور محتمين المعاشير=اللي سبقونا يم ذيك الشعابه
راحوا على كبسولة وصفها غير=تطوي بعيد الخط تقطع سرابه
سواقها يعرف دروب المناشير=يعرف فجوج الارض لو هي تشابه
بلحق بهم لو كان ضروفي معاسير=ولو راحت الدنيا عساها خرابه
بو مسفر هيضتني بالتفاكير=وجاريت قافك وانت لراسي عصابه[/poem]

اخوكم مسفر بن حسين القحطاني
وسلامتكم جميع

[ރسلايـل المجـدރ]

[align=center]صح السانكـ والسان ولد عمكـ يا أبوحسين[/align]

[صهيل قلم]

[align=center]ونعم فيك وفي جبل قحطان

وصح السانكم ويسلم لنا يمناكم













.[/align]

[ابن مسلم]

[align=center] صح لسانك


يا سيف قحطان


قصيدة جزله من شاعر جزل


تقبل إحترامي وتقديري[/align]

[جبل القحطاني]

من قال سالم


ارررررحبوووووووووو يااااااااارجااااااااااااال



اررررررررحب يابو حسين




حيه وحي ماجاب




صح الله لسااانك ملاااايين يابو حسين



وافية من راس شاعر وافي وجزل



ولي الفخر يابو حسين إنك جاريتني




بهذه الشااامخه



بيض الله وجهك وصح الله لساانك



ولا حصل قصووور



ماهنا


الا كل علم وافي وغانم



ياكحيلااااان





والوعد ياسنايدي مثل ما اتفقنا




وتقبل كل التقدير والاحترام

[محمد العتيبي]

سيف قحطان صح لسانك ولسان الشاعر جبل القحطاني

ومجاراه رائعه ولاهنتوا

[النـايــــــف]

صح لسانك اخوي سيف قحطان

وصح لسان جبل قحطان


وبيض الله وجهكم


ولا تحرمونا من إبداعكم معنا


تحياتي لك ،،،،