كلن على معمر رفع مشعابه (مجاراه لبن فطيس)

[عبدالله المرشدي]

السلام عليكم
اخر الجديد مجاراه لقصيدة الشاعر الكبير شاعر المليون محمد بن فطيس واهديه منها السلام وكان لي الشرف بمجاراته
عساها تنال اعجابه واعجابكم واسئل الله القوي العزيز ان يخمد نار الفتنه ويصلح حال المسلمين ويدحر كل ظالم



قصيده بن فطيس



[poem=font="simplified arabic,5,orangered,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
​​كـــلـــن على معمر يهج ركابه=يالله جعل مايصيبنا اللي صابه
حاكم وكان أسمه يهز العالــم=واليوم بارو به جميع أصحابــه
وحنا العرب نضحك ونرسل عنه=سوالفن بأسمه وهي كـذابــــه
نضحك عليه وقصته حـــزينـــه=ماكن حنا مسلمين ولابـــــــــه
لو واحدن منكم رئيس لدولـــــه=وبنا وعمر يوم كانت غـابـــــــــه
هو بيتنحا أو بيطلـــع بـــــــــرا=ويروح من داره وريـــح ترابــــه
وحنا المواطن لا رحل من داره=من شوقه أتضيق عليه ثيابـــــه
أبن علي شلوه عقبه حسنــــي=واليوم لمعمر سعو طلابــــــــه
وقابوس مع بشــار واليمــــاني=وأبن خليفه!!! نارهم شبــــــابه
الله يستر ويش باقي بكــــــره=ثوراتهم منهي لفت باأسبابــــه
الغرب للأسلام سوا خطـــــــه=شبو الفتن والكل كشر نابـــــه
يبغون خيرات العرب بأكملهــا=ويطرشون جنودهم سلابــــــه
ماسدنا اللي صار في الفلوجــه=وخلو العراق من المجازر غابــه
النفط صدر عقبهم لمريكــــــــا=ماقيل ذا خير البلاد أولابــــــــه
يا أمــــة محمد تراهـــــا بلـــوا=لاتضحكون يصيبكم ماصابــــــه
أبكو على حال العرب بأكملهــــا=وأدعو عسا ربــي يعــــز كتابــــه

[/poem]

مجاراتي

[poem=font="simplified arabic,5,orangered,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كلن على معمر يهج ركابه=شطرٍ يميز مطلعه كتابه
للشاعر اللي فاز بأول بيرق=لمحمد بن فطيس وهو اولابه
غنى وانا غنيت مع طاروقه =كلن على معمر رفع مشعابه
يالله دخيلك من زوال النعمه=يالله عساها ماتصير نهابه
شعله وشبت فالهشيم اليابس=شبّابها ماينطفي مشهابه
صكو عليها الغرب منا ومنا=لين اصبحت نيرانها شبابه
وحنا نتفرج في سنى شعلتها=لكن حسافه مانقول الجابه
بدال مانرفى خمال الامه=نفتح مجال لشلةٍ مرتابه
نضحك على حال العرب ماندري=باللي حصل من حولنا مانابه
واجب علينا نتعض بالحاصل =ونوحد صفوف العرب ونجابه
الشرق الاوسط في صفيحٍ ساخن=والغرب لترابه يسيل لعابه
ماقلتها راضن بفعل معمر =ولاني براضي عن فعول اقرابه
اقولها للي يبي فرقتنا =مافي حقوق المسلمين طلابه
حنا حماة الدين باسم الدوله=مانلتفت للزمره اللعابه
الله يعافينا ولا يبلانا =والله يعين المبتلى بمصابه
هذا ترا واقع حديث الشارع=ياقع به اللي مايحسب حسابه
قلته وانا من لابةٍ معروفه=شاعر سعودي وانتمي لعتابه
[/poem]

[مآتبآدلنآ آلعطآ]

عبدالله .ْ~
صح لسانك ولسان بن فطيس .ْ~

والله يصلح الحال ان شاءالله ويستر ع المسلمين من هالثورات .ْ~


لاهنت .ْ~

[نايف تراحيب]

والله وسبع انعآم فيك وفيه !!

صح لسآنك يا عبد الله وصح لسآن ابن فطيس ،

في هذا الموضوع ذهب صآفي !!

لله دركم من مبدعين ،

احترآمي وتقديري



/


،

[إبتسام]

صح لسانك شاعرنا

وصح لسان بن فطيس

لا هنتم

[•° حلــم •°]

صح لساانك يالشاعر و لسان ابن فطيس

:)

[عبدالله المرشدي]

المشاركة الأصلية كتبت بواسطة مآتبآدلنآ آلعطآ عبدالله .ْ~ صح لسانك ولسان بن فطيس .ْ~ والله يصلح الحال ان شاءالله ويستر ع المسلمين من هالثورات .ْ~ لاهنت .ْ~

صح بدنك يالعطا

وامين امين

تحيتي لك

[عادل العصيمي]

صح لسانك ياعبدالله


ولسان بن فطيس


أبدعت يابو بدر . مجاراة ولا أروع


دمت


,

[عبدالله المرشدي]

المشاركة الأصلية كتبت بواسطة نايف تراحيب والله وسبع انعآم فيك وفيه !! صح لسآنك يا عبد الله وصح لسآن ابن فطيس ، في هذا الموضوع ذهب صآفي !! لله دركم من مبدعين ، احترآمي وتقديري / ،

نايف تراحيب

صح بدنك

ولاهنت

تحيتي لك وتقديري وودي

[عبدالعزيز الفرج]

عبدالله المرشدي وابن فطيس

وش أقول ووش أخلي

تجمعو فطاحلة الشعر ،، والله مالي غير أقول صح الله ألسنتكم لين ترضون

<< وإن مارضيتو ،، لين ترضون متى ماطرا عليكم :)

[ميااااح]

مـاقـلـتـهـا راضــــــن بــفــعــل مــعــمــر

ولانـي بـراضـي عــن فـعـول اقـرابـه

اقــولـــهـــا لــــلــــي يــــبـــــي فــرقــتــنـــا

مـافــي حـقــوق المسلـمـيـن طـلابــه

حـنــا حـمــاة الـديــن بـاســم الـدولــه

مــانــلــتــفـــت لـــلــــزمــــره الــلـــعـــابـــه

الله يـــعـــافــــيــــنــــا ولا يــــــبــــــلانــــــا

والله يــعــيــن الـمـبـتـلــى بـمــصــابــه

هــــذا تــــرا واقــــع حــديــث الــشــارع

يـاقـع بــه الـلـي مايحـسـب حـسـابـه

قـلـتــه وانــــا مـــــن لابـــــةٍ مـعــروفــه

شاعر سعودي مـن شبـاب عتابـه

المرشدي صح لسانك مليييييييييييييون

انت اللي تستاهل البيرق

لان قصيدتك احسن من ابن فطيس بدون مجامله

والله يعافيك