ليش حنا مومثل الحضر

[مطنوووخة عتيبه]

ابدأ موضوعي بأعجابي الشديد في هذه النقطه بالحضر


وكان هذا السؤال افكرفيه من زمان والحين يوم اشتركت قلت لازم اطرح هذا الموضوع يمكن احد اطرحه قبلي بس انا جديده ارجو تردون علي

ليش حنا مومثل الحضر يصير لنا مجلس للعتبان !!!!!!!!!!!!!!!!!!!
نحضر فيه في الاعياد والمناسبات نساعد المديون ...............الخ
لاتقولون حنا واجد يالعتبان على الاقل كل مدينه مجلس مثل مجاس في الدمام بما اني من الشزقيه يجتمعون فيه كل العتبان الي في الدمام
وأذا على المصاريف المجلس كل فخذ سواء في برقا ولا روق يتكفل في مصاريف المجلس شهر مثل هذا الشهرالمصاريف على فخذ الدعاجين او الاساعده.........الخ
مثل العوايل عندنا بالشرقيه الملحم المبارك عندهم مجالس يكرمون عيالهم المتفوقين وأذا طاح واحد من عيالهم بمصيبه كلهم يد وحده
ضمن تخمينات كل فخذ في عتيبه يشوف نفسه احسن شئ في عتيبه عشان كذا حنا مب على قلب واحد

[إبن ثعلي]

مشكوره يااخت عتيبيه مطنوخه وهذه الفكره حلوه على مستوى القبيلة كلهاوان كانت موجوده على مستوى الخوامس والفروع الاقل
تحياتي

[حسام هوازن]

اختي مطنوخة عتيبة

هلابك في منتدى الفكر والكلمة
وانتي بطرحك هذه القضية وضعتينا على الجرح
عندنا بقبيلة عتيبة الناس غير سواء فيهم الغني
وفيهم الفقير والاغلبية متوسطوا الحال
ووجود الاغلبية متوسطوا الحال شيء طبيعي
لأن العتبان معروف عنهم بعزة النفس
وعدم احتياج الاخرين ولاقصور بالقبائل الاخرى
طبعاً يوجد المحتاجين لدينا من المدينين ومن العاطلين
ومن راغبي الزواج ولكن فاقدين دفع المهر..
انا اتمنى انه يوجد مجالس خاصة للعتبان بكل المملكة
يكون في خدمة ابناء وبنات عتيبة..
وعتيبة فيها الخير برجالها ونسائها
ومعروف عن العتبان حميتهم القوية لأبناء عمومتهم
ولكن نفقد التخطيط لعمل هالشيء..
وعلى ذكر المنطقة الشرقية..انا قرأت بأحد الصحف
ان قبيلة شمر الكريمة في الشرقية قرروا انشاء مجالس
لأفراد قبيلتهم لسد حاجة ابنائها بمتطلبات الحياة..
ولما لا نسمع عن العتبان في انشائهم هذا المجلس..

دمتي بخير

["بيطـــار نجـد"]

[align=center]مطنووخة عتيبة
فكررة حلوة
وطبقت على قبل كم سنة على مستوى الروقة
في مجال تسديد الديون من خلال صندوق الروقة
لكن بسبب المشاكل وكثرة الناس
توقفت الفكرة

لكن
المقارنة بين الحضر والعتبان
غير متوافقة نوعا ما
الحضر عائلة عددها معروف فالنهاية
العتبان قبيلة هائلة العدد على شان كذا سموهم الهيلا

كل قبيلة او فخد من عتيبة فيها عائلات كبيرة جدا
واذا كان هناك مجال لتطبيق الفكرة
فسيكون في هذه العائلات الداخلية

بيطــــــار نجــــد[/align]

[من عتبان الكويت]

ليش حنا مو مثل الحضر



بكل بساطة لان الحضر ديونهم ومصايبهم بسيطه وحنا شرهتنا كبيرة وعلومنا اكبار وما يطيح بالسجن الا واحد حايس الدعوه حوس


ونفس الشخص هذا اللي بالسجن قبل لا يخش السجن كان امير بطل رجال مهو سهل داهية نتسرة ما ينذبح بالدم وكل هالمصطلحات اللي طيره بالعجة

لكن مجرد ما طاح بالسجن كلهم تنكروا له وصار دجاجة دنفوس ما يسوا شي اذا جاء طارية افلان اتركة عنك اتركة هذا الكلب اطهر منه


وش تترجين من مجتمع هذا تفكيرة وهذي طريقة تعامله



احسن شي فين اللي هو المفرق حق الدم صراحة انا عاجبني ام موضوع الديون والرجال يخربط ويسربت هذا خليه يخيس بالسجن الدولة تسدد عنه

اما اللي دينه دين حاجة دين يجمل الرجال دين ماهو في خرابيط فهذا هو اللي يستاهل


بالنسبة للمجالس ابك انتي وش تقولين حنا مانتقابل بالعروس الا مرة بالسنة واذا تقابلنا كل واحد نفسة براس خشمة دوب لا يقوم وتصافقون بالمشاعيب مهو عاد يجون عشان يدفعون فلوس للي مسجونين الوقت هذا كلن نفسي نفسي والطيب يتجمل ويطلع اخوه او ولد عمه الواقف مهو عاد عتيبي من عرض العتبان




انا مؤيد لفكرتك ولكن ذالك هو الواقع


الف شكر يابنت

[الصــ*عنود*ــيد]

بالنسبة للمجالس ابك انتي وش تقولين حنا مانتقابل بالعروس الا مرة بالسنة واذا تقابلنا كل واحد نفسة براس خشمة دوب لا يقوم وتصافقون بالمشاعيب مهو عاد يجون عشان يدفعون فلوس للي مسجونين الوقت هذا كلن نفسي نفسي والطيب يتجمل ويطلع اخوه او ولد عمه الواقف مهو عاد عتيبي من عرض العتبان

^
^^
^^^
تجنن
اعجبتني كثير


.......................................
اما بالنسبه للفكره
فهي مطبقه فعلا في بعض القبائل
لكن عتيبه ككل
صعبه
لان العدد كبير وكمان متفرقين
كل شهر بتلها للمنطقه الفلانيه عشان نجتمع
>>> مهوب لازم

يعني مثلا
للشيابين بلحالهم للمغايره لحالهم للمقطه لحالهم و............... هكذا
كل قبيله تجتمع
فكره حلوه
لكن تطبيقها صعب

انا اعرف ناس من جماعتنا
>> ابناء عمومه
يعني الجد وفروعه>> يجي حول 12 بيت
لهم صندوق للمحتاج للي ماله بيت ملك للي يبي يتزوج
وفيه اجباري يحط كل شهر مبلغ زي الاستقطاع وحاطينه عند اكبرهم واكثرهم امانه ولا يعطون الا الحاجه صدق ويسدون الديون والله فكرتهم مره عجبتني

[الصويب]

فكره جميله ولكن صعب اجتماع القبيله كامله

[مطنوووخة عتيبه]

مشكورين على أطلاعكم على موضوعي توقعت ماحد معطين وجه بس لاقيت بعض الردود اقنعتني وفيكم الخير والبركه واتمنى تتحقق فكرتي وامنيتي في المستقبل القريب وتسلممممممممممممممون

[** راس حربه **]

مطنوخه .. كيف حالك ؟؟

اطنختينا بالفكره الجميله ..

واسأل الله الاجتهاااد فيهاا ..

وبالعكس موضوع من المواضيع المميزه بالنسبه لي في هذا المنتدى ..

دمتي كما تحبين اختي الفاظله

[حزيمي]

والله الاجتماع وتكريم المتفوقين هذا شئ طيب .

وأنا أتمنى يكون فيه إجتماع سنوي على مستوى القبيلة ويتم تكريم المتفوقين والمتفوقات .