أنا عتيبي عريب الجدّ من برقا

[الصهد]

عز ّ الله إني حزين ٍ عقب جيراني
............. الله يجازيك يامن سبب الفرقا

ياللي بديت الطويلة وأنت طرباني
...................... بالله حوّل وخل ّ المشتحن يرقا

كوده يطالع وراها متعب الباني
..................... ويشوف قطعة نباتي وسطها زرقا

أحب هاك الوطن من بد ّ الأوطاني
.................... عسى روابيه من زود المطر غرقا

ديرة هل الجود والمعروف سبعاني
................... ياعنك ْ ماهم بـ ناس البوق والدرقا

الطيب ورث ٍ لهم من ماضْ الأزماني
........................ ماجاهم الطيب لا بدعة ولا سرقا

نحـيّتني عن نحاهم يانحيّاني
............... مالي جدى الاّ أشتكي وأجاوب الورقا

أمر ِ علينا مقدّر كاين ٍ كاني
..................... غرّبت واللي يبيهم خافقي شرقا

مدري وش اللي مع الأجناب عنّاني
..................... وأنا عتيبي عريب الجدّ من برقا

عبدالله ابن خويتم العصيمي
رحمه الله

[روقي قرم]

الله يرحم شآعرها

والله يسلم ناقلها

[الصهد]

المشاركة الأصلية كتبت بواسطة روقي قرم الله يرحم شآعرها والله يسلم ناقلها

اللهم آمين
الله يسلمك ياروقي قرم
ولاهنت

[شموخ طفله]

صح لسانك اخووي

وصح لسان كاتبها الله يرحمه

اختيار موفق

[أنثى نادرة]

قصيده رائعه بروعة شاعرها وناقلها

شاكرة لك الطرح

[الصهد]

اللهم آمين
الاخوات شموخ طفله ، أنثى نادرة
شرفني مرورك الرائع
تحياتي وتقديري

[Dr.5x]

الله يرحم الشاعر والله يرحم والدي ناقلها

[الصهد]

المشاركة الأصلية كتبت بواسطة dr.5x الله يرحم الشاعر والله يرحم والدي ناقلها

اللهم آمين
جعل الله لك نصيب من دعائك
وجزاك الله خير
تحياتي وتقديري

[وجودك يكفي]

الله يرحم شاعرها ولاهنت يالصهد

[أميرة الورد]

رائعه
رحم الله الشاعر وبارك الله في الناقل
نقل موفق لاهنت يالصهد