الألفيه - الفية الغبـيـوي

[ولد غابي]

[poem=font="Simplified Arabic,5,white,bold,italic" bkcolor="transparent" bkimage="backgrounds/28.gif" border="outset,10,skyblue" type=0 line=0 align=center use=ex num="0,black"]
بسم الله الرحمن الرحيم

الف اولف من صميـم الفـوادي=ابيات من قول الغبيـوي جـدادي
وأقطف زهور الورد وأهديه كلـه=للعارفين الحضر واهـل البـوادي
والبا بنيت اليـه قصـور كثيـره=شيدتها فـي كـل قريـه وديـره
حسو الزمن لابار شلت الذخيـره=والبيـت مايبنـا بليـا عـمـادي
والتا تعبت وحفيت اقـدام رجلـي=مشتني الاقـدار راكـب ورجلـي
وكم صلفقت مر المقاديـر رجلـي=والوقت طـول ماتحقـق مـرادي
والثا ثمان سنين جاري وساعـي=فريت في كل الفجـوج الوساعـي
وأكتلت من مرّ الليالـي بصاعـي=غصب عليّه همت فـي كـل وادي
والجيم جربت البشر كـل حينـي=جربتهم في العسر ووقـوت لينـي
وأخترت منهم صاحبن لي عوينـي=قـرم يعاونـي بوقـت الجهـادي
والحا حمول اثقـال أنـا شلتهنّـه=يشيلهـا الصبّـار لـو أوجعـنّـه
لو كان جرحه وسـط قلبـه يكنّـه=غصب عليه ايمس حبل الشـدادي
والخا خوي الدرب أنا وين ابلقـاه=خل ايصافيني علـى كـل ماأبغـاه
واليا لقيته باأدفع المـال والجـاه=وأصوم لأجله عن شرابـي وزادي
والـدال دالـوب الدهـر دوم دوّار=يالله تكفينـي صواديـف الأقـدار
وتزيل عن قلبي همومه والأفكـار=والحظ جعله دوم يرقـى سنـادي
والذال ذاب القلب من كثـر مابـه=ذابت عروقه كلهـا مـن مصابـه
منهو يداو القلـب ممـا سطابـه=وين الطبيب اللي يجيب المنـادي
والرا رمتني في بحرها المقاديـر=وأسقتني اللوعات من دون تقديـر
وأتعبت نفسي وأتعبتنا المشاويـر=يالله عسى بالحظ يهـب البـرادي
والزاي زادت بالخفـوق اللهايـب=من ساعر في وسط الأضلاع ذايب
وأزريت اطفّ النار مامن هبايـب=والنار لوّ كبـرت تعـود رمـادي
والسين سهرانن ولا ذقت نومـي=سهرت عيوني كاثـرات همومـي
ماعاد أعرف الليل من صبح يومي=ولاعاد أميّز بيضهـا والسـوادي
والشين شيـال الثقايـل علامـه=وطا الحزام وصـاح ذب العمامـه
ياناس قولولـه يوطـي إحرامـه=ماعاد ابـه فـود يسـر العبـادي
والصاد صـرّاف الدراهـم يعـده=يحسب دقايقها وأنا أعرف مـرده
لوّ راح يم الشمـس ليّـه مـرده=لزّمن عليّه أظهـر الحـق بـادي
والضاد ضيعت الفرح والسـروري=أمشي مع البيداء سنود وحـدوري
من يوم حظي طاح صرت امعثوري=عيّا يقـوم ولا ضـوا بالسعـادي
والطا طعون الوقت بالصدر بانـت=وأزداد بالضامر مداهـا وشانـت
ماعاد تبرا لوّ أنـا قلـت هانـت=والوقت بالأمرار يطعـن عمـادي
والظا ظلمني قاسي الوقت بالحيـل=ويزيدلي بالمر كيـل بأثـر كيـل
لاهوب طاوعني ولا خفف الشيـل=يالله بعزم منـك للطـم الأعـادي
والعين عاونـي شبـاب وشطـار=يوم الدهر ميّـل عليّـه والأقـدار
شالو معي حملي مصاغير وكبـار=حتى الرضيع اللي بلف المهـادي
والغين غاذيهم على كـل ماطـاب=وعلمتهم تعليـم مـن دون كتّـاب
وأرشدتهـم ليننهـم دلّـو البـاب=وجنيت زرعي قبل حتن الحصادي
والفا فطيم الديـد ماقـال صاغـر=معهم مشا لوّ كان بالسـن قاصـر
والحر حـرن للمقانيـص حاضـر=ياطيب فعله عقب شفتـه وكـادي
والقاف قامولي على كـل ماأريـد=وأشتالوا الصعبات معي الصناديـد
والشاهـد الله فعلهـم زاد ويزيـد=أحرار شافونـي نهـار الهـدادي
والكاف كف الله عيون الحسودين=اللي على الأجواد دايـم حقوديـن
واعن الدروب الطيبه هم شرودين=هاذي طبايعهـم عساهـم نفـادي
واللام ليت أيام عمـري طويـلات=وأجزيه بالحسنى على كل مافـات
اللي صبر معيّه وشال الصعيبـات=يالله يالوالـي تحقـق مــرادي
والميم مال القلـب معهـا ميالـي=من فعلها الطيـب نهـار القتالـي
وأنشهد إن البيض مثلـه قلالـي=والسرج مايصلـح بليـا جـوادي
والنون نور العيـن وأم الفهـودي=قامت وعانتني على كـل كـودي
ترفع لها البيضا بروس النفـودي=المهرة السابـق نهـار الطـرادي
والها هبيـل اللـي عليّـه تشـره=لأنه غشيـم ولا تـذوق مضـره
ساهي ولاهي منبسط فـي مسـره=مهبول ياواثـق بدنيـاك غـادي
والواو ودووه البحر منه يشـرب=اللي وثـق بالمـال عنـا تهـرب
أنشهد إنـه مابعـد قيـل جـرب=لوعات بقعـا بالسنيـن الشـدادي
واليا يقول اللـي نظمهـا وغنـا=وبالأبجديـه رتـب القيـل بـنـا
صلوا على المختـار أنتـم وحنـا=رسولنا اللي للبشر خيـر هـادي

سفر بن مشعان الغبيوي [/poem]

[ابوسـعد]

الفية رائعة

[أبو رديعه]

ياهلا ويامرحبا اولااا في منتداك وبين ربعك وجماعتك 000


وكم صلفقت مر المقادير رجلي000والوقت طول ماتحقق مرادي

صح لساااانك يابن العم وبدايه طيبه والله الله بالمشاركات الفعاله

تقبل تحياتي 000 الردعي

[ولد غابي]

الأخوة أبو سعد والردعي

أشكر لكم مروركم والكلمات الطيبة منكم

وللمعلومية فهذه الالفية لها الآن عشرسنوات ولكن لم ترى النور بالنشر الا هذا اليوم في هذا المنتدى ومنتدى الهيلا فقط .

وكلي أمل أن تكون محل إعجاب القراء الأعزاء

والكمال لله سبحانه

أخوكم أبو طلال

[إبن ثعلي]

صح السانك ياولد غابي الفيه رائعه
تحياتي

[كحيلان]

مشكور بن غابي والى الامام يالسنافي

[النـايــــــف]

صح لسان سفر بن مشعان الغبيوي


تحياتي لكم

[عبدالله]

[align=center]السلام عليكم ورحمة الله ,,

الف اولف مـن صميـم الفـوادي ** ابيات من قول الغبيـوي جـدادي

ياحي الالفيه وياحي راعيها ,,

صح لسااااانك يالغبيوي على هالرائعه ,,

طول عمرك ,, شااعر متمكن وفنااان ,,

تسلم يمناااك يالغاالي ,,

ماقصرت وانا اخووك ,,

بانتظااااار جديدك ,,

اخوك

العتيبي [/align]

[ولد غابي]

أخواني وأحبائي ،،، شكرا لكم جميعا على هذا الاطراء اللطيف

وآمل من الله أن أكون قد نشرت ماهو محل إعجابكم وأستحسانكم

ولكم مني أرق وأزكى تحية وتقدير وأحترام

أخوكم

أبو طلال

[ولد غابي]

تحديث للصفحة فقط

مع تحياتي