لغز في بداية كل شهر شوال ( حلته عهود )👍🏻

[{ أبوفيصل }]

السلام عليكم ورحمة الله وبركاته


الا ياويش رجلٍ في بداية كل شهر شوال
ومجلاسه ليا غابن بناته آخر الجِلّاس

بناته ما يفارقهن وهو دايم لهن شيّال
ويبقن مِرقباتٍ فوق راسه كنّهن حراس

ثلاثٍ لا عزلْهِن وإعتزلهِن عازل وعزّال
بداية كل سنه يرجع على ساسه وهن فِلّاس

[{ أبوفيصل }]

بسم الله
المنتدى مسحور ولّا فيه لمس وش الشخابيط والطلاسم اللي
عند اسماء الأعضاء المتواجدين

[عهود]

وعليكم السلام

شكرا على اللغز الجميل ياصاحب الألغاز الجميله ..

رمعه سريعه وش رايك بحرف الشين في بداية شهر وفي بداية شوال ...

[عهود]

زي ماقلت حرف الشين بناته النقط واذا بدون صار سين

[عهود]

هههههههههههه عوافي ي العطاوي لاطلاسم ولاغيره

ماندري عنك كان انت تشوف شي مانشوفه عاد هذا شي آخر ..

[{ أبوفيصل }]

المشاركة الأصلية كتبت بواسطة عهود وعليكم السلام شكرا على اللغز الجميل ياصاحب الألغاز الجميله .. رمعه سريعه وش رايك بحرف الشين في بداية شهر وفي بداية شوال ...

صح بوحك وصح فكرك وتفكيرك 👍🏻

المشاركة الأصلية كتبت بواسطة عهود هههههههههههه عوافي ي العطاوي لاطلاسم ولاغيره ماندري عنك كان انت تشوف شي مانشوفه عاد هذا شي آخر ..

والله مدري لكن ادخل من الجوال و اكتب
لا يكون الجوال سبب اللي انا اشوفه

[عهود]

صح بدنك يا أبو فيصل

[إبن ثعلي]

قضت على اللغز عهود ما خلته يتمهل

[إبن ثعلي]

الطلاسم في بعض الجوالات وان شاء الله تنحل قريباً

[{ أبوفيصل }]

اييه 👍🏻


.

.