قصيده الشاعر الكبير شباب فايح العضياني

[نايف بن ناجي]

[align=center]اروي لكم هذه القصيده عن لسان صاحبهه وامل ان تنال عاى اعجابكم لمالمسته بها من الابداع واجاده الوصف ؟؟؟؟؟؟؟؟[/align]


[poem=font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حييت يا خطن علـى زيـن طـاروق=خطن بحلو القـاف هيـض غرامـي

من شاعرً عنده طموحـات ورمـوق= يصرف ذهب ما هوب فصال خامـي

من فـوق قريت عنوانه على الزرف= بسمي وعنـوان الرجـال الاسامـي

واشتاقله قلبً مـن الغيـظ مزنـوق= عنـده لمرسـول الرفيـق أحترامـي

وشقيت زرف الخط با اشواق وشفوق= عسـاه يبلـغ غايتـي والمـرامـي

ولياه مسك وعنبرنً جوف صنـدوق= وأنـا عليٌـه منـه بـرد وسلامـي

وعقب أستلمته صرت أنا فيه موثوق= وثق بـي اللـي عمـده لاستلامـي

وعلـي توصيلـه لراعيـه مرفـوق= والطيبيـن الهـم علـي التـزامـي

ومني وصل منهاه ما رافقـه عـوق= كلفت به مـن قـام عنـي مقامـي

خمسة أجموس أرسلتهن يم مـرزوق= مجهـزاتـن للطـلـب بالـولامـي

تحت قيادة مـذرب النـاع عملـوق= يحكم على العاصي بحكـم العدامـي

وتحركن يوم أسفر الفجـر بشـروق= وأقبل شعاع النور و أقفى الظلامـي

وساعة على التوقيت يمشن برفـوق= وصلن أبو سلمـان قبـل الدوامـي

وباشر لهم بالكيف والكبش مشنـوق= وحسن القبال ونظرتن بـا ابتسامـي

وعطوه خطن فوقه الختـم ملصـوق= وتوادعـو ثـم أنكفـو بالهمـامـي

وجوني وطرقتهم تياسيـر ووفـوق= ولا عاد يلحقهـم قصـور وملامـي

كله حشايم صقـر مانـي بمـدروق= نسعى مساع الخيـر دايـم دوامـي

نسعى مساع الخير فاليسر والضـوق= ونقـدم الوزنـه لـراع الجـرامـي

عساي أنال ارضاك في كل منطـوق= واليا رضيت أرضاك يرفـع مقامـي

يا شوق من قرنه على الردف مطروق= ذيل أشقـر يسبـق ظليـم النعامـي

والعين عين اللي على الوكر مسبوق= عين الوحش والعنق عنـق الادامـي

ما عرضت لمغازلـة كـل مطفـوق= ولا سجلت لاهـل الهواتـف كلامـي

ولا ناشها لفـح السمايـم بصافـوق= ولا تلتجي بيـت الشعـر والخيامـي

في رونشن من دونه البـاب مغلـوق= قصرً فراعه مثـل قصـر السلامـي

قصرً مشيد من علـى حكـم فـاروق= ملجى الضعيف ولا يهـوزه حرامـي

يامن به اللي لاعـه الفقـر والبـوق= وقد قالها محبـوب قدمـي ونامـي

قصر الزحول منجيـت كـل ملحـوق= اليا غطـى روس الجبـال العسامـي

تاريخهم في قمـة المجـد مشعـوق= الياجا لصعبـات الامـور احتكامـي

كم مشكـلً فكـوه بسلـوم وحقـوق= وكم عايـلً منهـم يعـض البهامـي

عسى لهـم حـيً معفـى وموفـوق= والميتيـن أخـدودهـم للرحـامـي

ما قلتها من شان مدحـك لمـرزوق= وأنـا مـن التهمـة بـريً تمامـي

وأنا أدري أنك بالدواء تكحل المـوق= لاكـن غيـري للقضيـة محـامـي

وصلو عدد ماسيـق للهدي مسيـوق= على شفيـع الخلـق خيـر الأنامـي [/poem]

[فارس المحقنـي]

[align=center]صـــــــح لســــانك



قصيـده رائعـه ومتميـزه
وكلهــــــا ابداع×ابداع











تحياتي لك[/align]

[القوبع العضياني]

صح لسان شاعر العضيان الشاعر الكبير شباب بن فايح القوبع

وبيض الله وجهك اخوي نايف

وللتوضيح القصيده ذي ارسلها الشاعر الكبير شباب بن فايح
للشيخ صقر ابن زايد ابن ثعلي

مناسبة القصيده / الشيخ صقر ابن زايد بعث للشاعر شباب القوبع رساله على بريده الخاص وفيها كان يطلب من الشاعر شباب بن فايح أيصال هذه الرساله للشيخ مرزوق ابن حويد رحمه الله بحكم عدم امكانية ارساله له مباشره

بالفعل وصل الشاعر شباب الرساله ليد الشيخ مرزوق ثم بعث بهذه القصيده للشيخ صقر ابن زايد يخبره أن رسالته قد وصلت لمن يريد

[حنين الماضي]

سلمت على نقلك المميز

ولا هنت

وصح الله لسان شاعرها

تقبل من التحيه أغلاها

[نايف بن ناجي]

شكرا للقوبع العضياني على التوضيح

[ناصر بن سعدي]

اللهم صلي وسلم على عبدك ورسلوك محمد ,,


الغالي

نايف ناجي

لاهنت على النقل الرائع ,,,

وبيض الله وحه شاعرها

الشاعر ,,

شباب العضياني ,,

ولاتحرمنا من روائع شرواك ...

ودمت بخير ,,

[الحصان]

صح لسانك يانايف وصح لسان شاعرنا الكبير ابو محمد قصيدة جزله وابومحمد مايقول الا الجزل وهوجزل بحد ذاته

[وحش عتيبه]

[align=center]نايف بن ناجي

يعطيك العافيه على النقل ,,

ولا هنت ,,

وصح لسان راعي القصيده ,,


مع تحياتي ,,[/align]

[حسام هوازن]

صج لسانك ينايف

وصح لسان الشاعر شايب العضياني

واختيار موفق

دمت بخير

[نايف بن ناجي]

شكرا للمرور