زبارالعتيبي وراس حربه ..

[** راس حربه **]

[align=center]بسم الله الرحمن الرحيم ..

هذي قصيده ارسلها على الشاعر زبار العتيبي ورديت عليه بأبيات ..

يقول زبار ..

[poem=font="Simplified Arabic,6,indigo,bold,normal" bkcolor="transparent" bkimage="backgrounds/19.gif" border="none,4,gray" type=2 line=1 align=center use=ex num="0,black"]
باديٍ بسم الله الواحد الفرد الصمد = باسطٍ سبع الاراضي وكل اوتادها

ورافعٍ سبع السماوات ماشاركه احد = وجامعٍ كل الخلايق على مرصادها

واه من قلبٍ ليا قلت يركد ماركد = والطواري نوختله على ميعادها

واه من جفنٍ سهر كل ليله مارقد = صار سهر الليل له عادتٍ يعتادها

وكن وسط العين شبه وجرحٍ من رمد = كيف مدري ؟ ليه عافت لذيذ ارقادها

والهبايب تصطفق والبحر جزرٍ ومد = والنجوم البيض تصعب على عدادها

والمزون اللي يجي في مقادمها رعد = تصحي قلوب النعاسه على رعادها

والليالي ماتمهل ولادامت لحد = وكم نفوسٍ مادركت شفها ومرادها

والولد لو جاد يحتاج له حظ وسعد = ومن عرف مصدارها ماجهل ميرادها

وقوم ياسلطان بالعين فيه لد لد = وصبلي من دلتٍ جهزت بقنادها

لاتظيعك الروابع على اشوي وبعد = والسنين العجف لاتربكك بعنادها

دام انا وياك فالمعتلى يدٍ بيد = نزل اشداد المطيه وفك اقيادها

التجارب علمتنا على صبر وجلد = وانت شيخٍ من خيار العرب واسيادها

والاماره مقسملك على عشرين جد = سلسلت شوخٍ فخرها بقى لحفادها

واشهد ان امك عقب حملها جابت ولد = جارك الله من سنين العرب واحقادها

فيك وصف من النموره وطبع من الاسد = وانبلاجت حرٍ اشقر وطيبك زادها

دامك الله يابطلنا لنا ذخر وسند = مع مرور اسنيننا ثالثٍ لعيادها

والسموحه منك واشهد بها والله شهد = محكمٍ عذب المعاني على نقادهاا[/poem]


رديت عليه بأبيات بسيطه بالغرم اني لستُ شاعراً وقلت ..

[poem=font="Simplified Arabic,6,indigo,bold,normal" bkcolor="transparent" bkimage="backgrounds/19.gif" border="none,4,gray" type=2 line=1 align=center use=ex num="0,black"]
قوم يابحرٍ حميتك ولاخنت العهد = لد فيه والزيااره صحيبي عادهاا

بد له جزل التراحيب والتوجيب بد = غصب دام انه حظرلي وفز ونادها

وعد بالدر المصفى من الاعماق عد = ووصف عذاب القوافي علي اعدادها

ولاجلست وحظر الفكر والكاتب قصد = انتبه وافطن والامواج هات ارشادها

ولانصيتك لين راسي تحير بالمشد = ولين جزلات المعاني عليه قادها

ومرحبا باللي على العز والعليا صعد = واستقر ورايت الطيب شخصك سادها

ومرحبا بالفارس اللي لعدوانه قعد = ولانكف لين احدب السيف حده بادها

ومرحبابك عد عبدٍ لخالقنا حمد = وعد من طاف الشريفه على روادها

ومرحبا لو تنكتبلك على مليون رد = ماتوفيلك لو اني حبكت امدادهاا

والله اعجز عن وصوفك ولا بالوصف حد = لو بعد من الوصايف جزيل اجدادها

ويازبار ان خانك الوقت ماخنت الوعد = ولايخون مصاحب الطيب كود اوغادها

محزملك فالشدايد وللعادي مصد = ولاعليك ان كان قالو تزود افرادها

والمزون اللي ترزم وسمت بالبرد = شرها يابن الحموله على طرادهاا

والمثل قد قال للناس من يزرع حصد = والحظيظ اللي فعوله لربي جادها

دنيتٍ دامت على الحظ والحاسد حسد = والصبر لولاه عفنا حلاوة زادها

وعد نفسك لاتفكر بوقتٍ قد ورد = والليالي كان مالت علي اسنادها

والقدر مكتوب للعبد لو جد وجهد = حكمتٍ رب الخلايق خلقها ورادها

والبصيره كالبنايه على حد ومحد = والجهل بندق غشيمٍ لعب بزنادها

ويالله اني طالبٍ منك تحسين البلد = والصداقه بالحقايق تسود اعبادها[/poem]


وسلامتكم جميعااا

اخوكم .. راس حربه [/align]

[الغريق]

صح لسانك اخوي راس حربه وصح لسان زبار

ودمت لنا دوما

غريق

[النـايــــــف]

صح لسان الشاعر زبار العتيبي


وصح لسانك اخوي راس حربه



تحياتي لك ،،،

[نوف]

صح لسان الشاعر زبار العتيبي

صح لسانك اخوي راس حربه دائما مبدع ورائع وقمه في الجزاله




تحياتي لك

[طالع]

صح لسانك ولسان زبار

[** راس حربه **]

صح بدنك ياغريق ماضي ولاهنت طال عمرك

[النووي]

صح لسان الشاعر زبار العتيبي


وصح لسانك اخوي راس حربه



تحياتي لك

[فهد العايضي]

راس حربه

صح لسانك مدد ماهو عدد

وصح لسان زبار

والف لاهنت على هذه الجزله

تحياتي لك ياغالي

[** راس حربه **]

النايف يامرحبا ومسهلا

وصح بدنك وشاكرلك على المرور

دمت كما تحب

[إبن ثعلي]

صح السانك ياراس الحربه وصح السان الشاعر زبار قصيدتين رائعتين
تحياتي