وصول اول دفعه من الشغالات السعوديات الى قطر..

[فوفو الطنايا]

بسم الله الرحمن الرحيم.

والله فضيحه على أخر ايامنا قطر نسائنا يخدمن في بيوتهم .. حتى لو الحاجه وصلتهن للشغل ماراح اهين نفسي بقطر صح الشغل مو عيب بس وين كرامه النساء بمهنه لاتخلو من الأهانات والتعب ووووووالخ
الله يرزقهن يارب .بس والله حرام نتشبه بدول كالهند واندنوسيا والنيبال والفلبين واثيوبيا وسيرلانكا .. هذي بلاد مافيها نفط ودول فقيره.. السعوديه لاتقارن بهذه الدول.

صح فيه فقراء كثير يمكن بعد بس مو للدرجه هذي اروح لقطر اخدم ببيوت قطريه علماً بأن قطر علاقاتها مع السعوديه مو ذاك الزود بحكم الغيره لتسيد السعوديه سياسياً بحكم انها بلاد الحرمين.ومليكنا عبدالله يعد اكبر زعيم عربي له احترام عند العالم..

الخبر*888*
وصول اول دفعه من الشغالات السعوديات الى قطر .. صور مباشرالعربية-

كانت خيبة الأمل هي ردة فعل المرأة القطرية إزاء تقارير وسائل الاعلام ان الدفعة الاولى من 30 خادمة سعودية قد بدأت العمل ، ومعظمهم من النساء بعد أن كان حكرا على منطقة آسيا ووفقا لتقارير صحفية فإن جميع النساء السعوديات الثلاثين تتراوح أعمارهن ما بين 20 و45 عاماً ليس لدى واحدة منهن شهادة الابتدائية!

وقالت انهم يكسبون رواتب تصل إلى 1،500 ريال وهو ما يعادل 400 دولار شهريا ، أي ما يزيد قليلا على ما تحصل عليه القادمات من الدول الآسيوية. ونقلت الوكالة عن مسؤول من وكالة القوى العاملة ان 30 امرأة تم اختيارها بعد سلسلة من المقابلات والتدريب المكثف. و 100 من النساء في انتظار المقابلات وفي صحيفة القوى العاملة السعودية قال مسؤول وكالة الطلب أن الاتجاه المحلي مرتفع لطلب العمل من هؤلاء بسبب الخوف من الخادمة الأجنبية الساحرة!

وقد كانت وزارة العمل السعودية تسعى منذ عامين للسماح للنساء بالعمل كخادمات في المنازل فيما كان يسمى بمشروع ترتيب البيت السعودي!


وردا على هذه التقارير قالت موزة المالكي وهي قطرية بارزة في علم النفس:

(إنكسر قلبي أن أعلم أن المرأة السعودية تخرج لتتورط بهذا المسعى تخيل أن ذلك يحدث في الوقت الذي تشهد دول مجلس التعاون الخليجي الهائل والازدهار الاقتصادي ، وبين هذه الدول المملكة العربية السعودية

وقالت:

من حيث المبدأ، فإنه لا مانع من موافقة امرأة للقيام بعمل طالما أنه عمل لائق وليس انتهاكا لتعاليم الإسلام.

واضافت "لكن في النهاية هي وظيفة خادمة... والنساء يتعرضن لكافة انواع الاذلال". وأعربت عن أملها في أن هذا الاتجاه سوف يكون مقتصرا على المملكة العربية السعودية ، وألا يمتد إلى غيرها من دول مجلس التعاون الخليجي.

امرأة أخرى قطرية طلبت عدم الكشف عن هويتها قالت ان الخطوة السعودية ينبغي أن تعامل على أنها استثناء وانها لا تتوقع ان الاتجاه يمتد إلى غيرها من دول مجلس التعاون الخليجي.


لاحول ولا قوه الا بالله..

[بنت الهيــــلا]

لاتستغربين من الذل الذي ارتديناه

طالما الأفواه مكممة و بعيدة عن مصدر عزتها

عوآآفي فوفو

[فوفو الطنايا]

المشاركة الأصلية كتبت بواسطة بنت الهيــــلا لاتستغربين من الذل الذي ارتديناه طالما الأفواه مكممة و بعيدة عن مصدر عزتها عوآآفي فوفو

صحيح كلامك ..الله يعافيك يارب..

نورتي بنت الهيلا....

[عذب السجايا]

اسألكم بالله فيه واحد ممكن يصدق مثل هذا الهراء المغرض ونحن نروج له وكأنه اصبح واقع
منهي السعودية اللي بتشتغل خادمه؟

اختي فوفو انتي الليله وش قصتكِ مع هالأخبار هههههههههه

كلها شؤم في شؤم

الدنيا بخير والناس بخير

إذا تقدري تثبتي بأن فيه وحده رايحه تشتغل في قطر
رجعيها لبيتها مستعد ادفع لها راتب يفوق راتبها في قطر وهي في بيتها بمدة العقد المكتوب..
ولاكن شرط أن تكون حالياً في العمل هناك قبل هذا التاريخ بالدليل القاطع وتكون سعودية الأصل والمولد..

وأتحداك تجديها انا لأتكلم من فراغ تأكدي من المصدر . ومثل ماذكرنا سلفاً؟!

[شيخ الشيوخـ]

الدولة ماقصرت عنهم حطت بنك التسليف والبنك الزراعي وصندوق التنمية والضمان الاجتماعي
غير الجمعيات الخيرية
والناس يبون الدولة توكلهم ( بالملعقة ) !!


حنا مانتجاوز الولاية الصغرى ونذهب للولاية الكبرى !!
ولانقول ( من يهن يسهل الهوان عليه )
لاكن نقول كما ورد عن نبينا - صلى الله عليه وسلم- ( لئن يأخذ أحدكم حزمة من الحطب فيبيعها , خيرٌ له من أن يسأل الناس أعطوه أو منعوه .. )

وعلى ماقالو " كلٍ ابخص بغدرى داره"

لاهنتي على النقل.

[فوفو الطنايا]

المشاركة الأصلية كتبت بواسطة عذب السجايا اسألكم بالله فيه واحد ممكن يصدق مثل هذا الهراء المغرض ونحن نروج له وكأنه اصبح واقع منهي السعودية اللي بتشتغل خادمه؟ اختي فوفو انتي الليله وش قصتكِ مع هالأخبار هههههههههه كلها شؤم في شؤم الدنيا بخير والناس بخير إذا تقدري تثبتي بأن فيه وحده رايحه تشتغل في قطر رجعيها لبيتها مستعد ادفع لها راتب يفوق راتبها في قطر وهي في بيتها بمدة العقد المكتوب.. ولاكن شرط أن تكون حالياً في العمل هناك قبل هذا التاريخ بالدليل القاطع وتكون سعودية الأصل والمولد.. وأتحداك تجديها انا لأتكلم من فراغ تأكدي من المصدر . ومثل ماذكرنا سلفاً؟!

انا مجرد قارئه لاتتهمن بالكذب مع انك ماقلتها مبطريقه مباشره..
وكلمه تأكدي من الخبر وووووووالخ ورجعيها >>> ذي تريقه صح
افا .
كل ماكتب حقيقه واللي يصدق كانا بها واللي مايصدق يكذب الواقع
فيه سعوديين المولد وواقعهم مبكي ليش مستغرب.....
والأخبار تناقلتها الصحف من المصدر والمصدر مايكذب. عندهم صور وتحقيقات
ولا انت يمكن مو مطلع ....
اخيراً وليس اخراً انا مافيني شيءالليله؟؟!!!!!!!!!!!!
ليش تسأل؟؟
مو مشكلتي ماتعجبك مواضيعي .. بس المشكله كلامك يجرح!!!!!!!!!!!!!!!!!!!
ونورت

[فوفو الطنايا]

المشاركة الأصلية كتبت بواسطة شيخ الشيوخـ الدولة ماقصرت عنهم حطت بنك التسليف والبنك الزراعي وصندوق التنمية والضمان الاجتماعي غير الجمعيات الخيرية والناس يبون الدولة توكلهم ( بالملعقة ) !! حنا مانتجاوز الولاية الصغرى ونذهب للولاية الكبرى !! ولانقول ( من يهن يسهل الهوان عليه ) لاكن نقول كما ورد عن نبينا - صلى الله عليه وسلم- ( لئن يأخذ أحدكم حزمة من الحطب فيبيعها , خيرٌ له من أن يسأل الناس أعطوه أو منعوه .. ) وعلى ماقالو " كلٍ ابخص بغدرى داره" لاهنتي على النقل.

يسلموووو على ماكتبت
كل شي متوفر الحمدلله بس بعض الأسر ماسجلو بالضمان ولا بالجمعيات ولا شي مما ذكرت بعضهم اسر ليس لديها ذكر بالعائله يوكلنه ويساعدهن.. ولا اوراق تثبت ان المرأه مطلقه نتيجه عدم وجود صك طلاق وفيه نساء ارامل وايتام وووالخ ماياصلهم اي شي مما ذكرت.. الواقع مبكي بس حنا عايشين بالعسل ولا نطلع ونقرأ او نتهرب من الواقع

انا بالعكس نقلت هالخبر عكس ماتفكرون فيه !!لا
انا نقلته لنوعي الناس بالواقع اللي خلى هالنساء يفكرن يشتغلن بقطر خادمات.!!!!!!!!!!!وردك راقي شيخ شيوخ يسلمووووووو

[شيخ الشيوخـ]

يافوفو الله يحفظك شاعرنا مايكذبك انتي
لأن بعض الكتاباي والتصريحاي غير صحيحه هذا القصد

[عزيزة الجناب]

فوفو الغاليه

هذا الخبر له سنتين

نعم صار فئه قليله لكن العود احمد

شئ يقطع القلب ان تكون ف بلاد من اغنى بلدان العالم وتشتغل نسائه خادمات

بس خبرك قديم جدا

احترامي لك اختي

[بنت الهيــــلا]

يا حبيبتي فوفو الخبر كله بكبره صحيح مليون في المية

إلى متى وحنا نكذب الواقع

السعوديات شغالات في السعودية وقطر ولله العالم وين اليوم شغالات وبكره نادلات وبعده سوقات ...؟!!!!!

ما نبي الدولة توكلهن بملعقة ، لكن نبيها تضمن لهن الحياة الكريمة

المشكلة في الوزارات وخيانتها للآمانه

امرأة تستحق الشؤون تمنع منه لأنها أقل من سن 30 ( هذا الخبر في القناة الرياضية )

أنزلوا لشعب وتأملوا حال بيوتاته ، ولا تقيسون الناس على أحوالنا المستورة ، في تلاعب واضح بأموال المسلمين مثل ما قالته بنت أبن سعود في أحد الاخبار المنزله في هذا القسم

نسأل الله أن يصلح الحال

شكرا فوفو على طرح قضايا لامست واقع مدمي

تحيااتي