نهديكم محاورة تركي الميزاني وحبيب العازمي يوم الاربعاء الموافق 18/7/1428ه
واليكم المحاورة ::::
حـــــــبـــــــيـــــــــب
سرى الليل والمعنى هبايب هبا هبا
سرى الليل والشيطان عنا هبا هبا
وانااعرف صفان الشرق هجرة هبا هبا
عسى الله يعزك يالديار السعوديه
ولا ياليل وين الشاعر اللي ضيع المليون
ومهما ضيع المليون اكيد الفين مضمونه
وانا مااقول تركي يوم سافر ماحصله لون
ولكن العلم ماابغى هل الدوحه يشيلونه
تركي 2000
اشوف البحر هايج ورست بواخره
يجي بااوله للسيف ويجي بواخره
الا ياهل العود اشعلوا بواخره
عــســى ...........
الا يالعازمي لاصرت محتاج وعلاك ديون
ليا قدمت معروضك سواتك تخلص ديونه
اخذنا اللي كتبها الله وبعض الناس جاء مغبون
يسمونه وانا ياقوم مدري وش يسمونه
حـــــبــــــيــــــــب
يصيب الرجال من المواقف طنا طنا
ورمح المطني في عدوه طنا طنا
وصوت الضعيف فالمزاحم طنا طنا
عـســــى...........
انا معطيني الله والعرب من بعضهم يعطون
وانا ماني بتكسي عند خلق الله يكدونه
نقول ان اصدقانا يوم راحو كلهم يكفون
واحدجانا معه مشلح واحد جانا بكرتونه
تركي 2000
انا اسمع ويأتي من جهتكم ندا ندا
واشوف المطر لكن عود ندا ندا
الا يااهل المندي بجمره ندا ندا
عــســى......
حبيب ياحبيب لاتنوشك جمرة الغليون
ترى صاحبك لامنه مشا يمشي على هونه
لو اقوللك فيه فلوس جيت مصفر الطبلون
واظن الموتر اللي معك ماتقضب دركسونه
حــبــيــب
ترانا على الوعد المحدد نفي نفي
ولاعندنا للحق دايم تفي نفي
وشيخ القبيله كلها في تفي تفي
عــســى.........
ياتركي قامت الايام تنطحنا بغير قرون
ولاياوجد روحي يالكلام اللي تقولونه
ماجي للمجلس اللي يجمع الصاحي مع المجنون
ولكن الصراحه والله انه فيه مزيونه
تركي 2000
ليا جاء الحدا كلن بطرقه حدا حدا
ولكن ابن عاصي بدربه حدا حدا
من امرين خذ واحد ويعني حدا حدا
عــســى.......
ولا يالعازمي لاتمشي بدربك بدون عيون
ترى الرجال مايمشي طريقه غير بعيونه
تباهم يقبلونك مار سنك جاوز القانون
ونفسك تحت حكم الوقت والايام مرهونه
حــبــيــب
معاد الكلام يفيد فاللي مضا مضا
مضا ما مضا والسيف حده مضا مضا
لو الصبر كسرة ملح قلنا مضا مضا
عــســى.........
يقولون الرحى دارت وعود حبها مطحون
ولا ياما وياما من حبوب جات مطحونه
وانــتــهــت الــمــحــاورهـ
وهنا مقطع صوتي:
http://www.7awel.com/begindownload.p...344youtube.mp4
| 
|
12-03-2008, 08:19 PM
العرض العادي
