راكب اللي كل مادستله فز

[التركي]

[align=center]ياراكب اللي كل مادستله فز
------------------------------------ فزت شياهينٍ بفك الحجازي

بي ام دبليو جيب توه محفز
------------------------------------ امن الوكاله في غبرة القزازي

انوار زينهم يوم يقدح ولك قز
------------------------------------ كنه قمر خمسة عشر بالتوازي

حتى المراتب جلد ريمٍ مطرز
------------------------------------ماورده افطس وعباه قازي

والبدي كنه جسم بنتٍ تهزز
------------------------------------ يغريك لامنه على الخط هازي

دق الاشاره تقل بنتٍ تغمز
------------------------------------ تبي المواعد مير ضاق المجازي

ماركبه المصري ابو هشام معتز
------------------------------------ اللي لصرات الجنيهات عازي

مركاب من هو لرجاجيل عنز
------------------------------------ رجلٍ كريم ولطويلات حازي

ماحدته دنياه للي تطنز
------------------------------------ خبلٍ وفي درب الردى دوم فازي

سجه لبنتٍ تقدح النار وتعز
------------------------------------ بنتٍ عليها يسهج الخط غازي

شعره بسلك الليل حنى وطرز
------------------------------------ وكن النجوم بخدها بالمغازي

حتى العسل في شفته دوم يفرز
------------------------------------ ياما حلى شف العسل بانفرازي

ابو نهودٍ تقل بيضات للوز
------------------------------------ماشده الستيان دوم ارتكازي

فيها الرشاقه ماتبي من يهمز
------------------------------------ لاطبت الميدان هتلر ونازي

حبه بوسط القلب وان لز به لز
------------------------------------ بين الضلوع العوج حبه ولازي

من الشمال لشرق واللي تمركز
------------------------------------ بيني وبينه حد ختم الجوازي

اللي على السيفين نخله وله رمز
------------------------------------ وانا جوازي اخضرٍ بمتيازي

مصيبتي من هو على الباب بوبز
------------------------------------ كنه على البيبان بير ارتوازي

واليا عطيته عذر سرعه تنرفز
------------------------------------ هيه انت وش عندك علينا متوزاي

هذا اخوه ياعرب دوم مشمز
------------------------------------ لاسين لاجيمٍ ولا شي جازي

مدري اكز الحظ والا بعد كز
------------------------------------ ليلي فرح والا بعد بالتعازي

واليوم ياشعار كلٍ يعزز
------------------------------------ الصدر واضح عجز في قاف ازي

وليا بغينا القاف قافٍ وله عز
------------------------------------ اسمع عبادي شوي والا عزازي

واليا ابتعدتم لا تقولون مبتز
------------------------------------ فتوى النميمه في كتاب بن بازي

والملح لا قللت سمج لك الرز
------------------------------------ وان زدت زاد الظغط زاد انتهازي

مدري وش اللي صار مع از في از
------------------------------------ قافٍ عسرته عسر ماهو ابتزازي

واليوم ابي حلٍ على الوقت يركز
------------------------------------ حلٍ كما كنزٍ يصير اكتنازي

ملطووووش [/align]

[فهد العصيمي]

يسلم يمينك يا غالي على الشعر القوي جداً واتمنى يجي منك اكثر

[** راس حربه **]

ياسلام يالتررركي وتحياتي على هالاختياار

وصف جميل

ننتظر جديدك ولاهنت

[فهد العايضي]

التركي بيض الله وجهك على هاللطشه

إيه هذي اللطشه اللي تستاهل يالمميز

بس أشهد إن bmw تستاهل هالوصف

مشكور يالتركي

[التركي]

[align=center]ومن قال يسلم اخوي فهد العصيمي[/align] [align=center]ومشكور علي المرور يالغالي[/align][align=center] تحياتي لك[/align]

[التركي]

[align=center]تسلم اخوي راس حربه[/align] [align=center]ويعطيك العافيه علي المرور[/align] [align=center]تحياتي يالذيب [/align]

[التركي]

[align=center]الغريب ماعليك زود يالذيب[/align] [align=center]واكيد BMW تستاهل اكثر[/align] [align=center]ومشكور علي المرور ياغالي [/align][align=center]اخوك تركي[/align]