[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
رفيقي تمهل لا تزيـد العلـوم علـوم
=تعاتب رفيقك في علـومٍ تصورهـا
أبقول مانت من الخطا يافتي معصـوم
=وأبدمح لك الزله وعشرتـك أقدرهـا
علي الرايه البيضا مدام القدر محتـوم
=وأظن الرجال أهل المواقيف خابرهـا
سلوم الرجال أمثال جعل السلوم تـدوم
=رجـالٍ تعـز سلومهـا الله يكثرهـا
أنا عشرتي وياك ماهيب ليـل ويـوم
=علي هون نفسك ليـه بالله مكدرهـا
ترا والله أنك عن كلام الغلط محشـوم
=ورفقتك ماضيها نصونه وحاضرهـا
علي طرقتي لانيب غادي ولا منجـوم
=أسج القدم بالعـز مانيـب قاصرهـا
أنا والله أنـي بالوفـا مالحقنـي لـوم
=ونفسي عن هروج السماجه مكبرها
ترانا على خبرك وننطح وجيه القـوم
=وقـومٍ نواجهـا تكاثـر حسايرهـا
مدام الجبال جبال وإن الطيـور تحـوم
=عسى أهل الوفا رب الملا ما يصغرها
على عز يابرق الحيا والقـدر مقسـوم
=لعل المزون الغـر ينهـل ماطرهـا
تنومس قصيدي يامزاجي وصح النـوم
=وهاج البحر وبيوت شعري مصخرها
هلا بالصحيح المعتمد والرخوم رخـوم
=رخوم الرجال الله بقولـه محقرهـا
تجود المعاني والهدف واضحٍ مرسـوم
=ياطيب المعاني يوم بانـت بوادرهـا
قصيدٍ بلا معني يزيد الهمـوم همـوم
=ويبقي من جزال القصايـد نوادرهـا
ترا الشعر فن وذوق حيث الرجال عزوم
=دليل القصايد طيبها طيب شاعرهـا
يقولون كسرا الفرس رافق زعيم الروم
=وأنا أقول من كسر عظامه يجبرهـا
مدام الجمل شقران في غاربه موسـوم
=وسومٍ صواديف الزمـن ماتغيرهـا
ترا ناقة الغربان لقحت وجابـت تـوم
=ياسبحان رب الكون والناس بشرها
ليا كبرت اللقمه ونشبت على البلعـوم
=لاتستغرب دموع الرجال بمحاجرهـا
زمان العجايب حط ربع الطريق خصوم
=عجايب فلا تتعب عيونك وتسهرّهـا
أخذ كلمتي ياصاحبي وأترك أهل الزوم
=مظاهر عبـاد الله ماهـي مخابرهـا
لياجيت سوق السوم فأطمع بغال السوم
=هذا العلم ومخاشر سميرة يخاشرهـا
لو إن المراجل ماتجي غير حب خشوم
=لقيت الرجال خشومها اللي توقرهـا
[/poem]*** الشاعر/ عبدالعزيز الجلادي
| 
|
03-20-2006, 05:00 PM
المواضيع المتشابهه
العرض العادي
