[poem=font="Simplified Arabic,5,blue,bold,normal" bkcolor="transparent" bkimage="backgrounds/40.gif" border="none,4,gray" type=0 line=0 align=center use=ex num="0,black"]
هذه محاوره بين الشاعرين/ نـواف نـايف و رحـيـم الـغـنـامـي
نــواف
ياهجوسي ولعي والنار في راس الفتيله = ولعي بالنار والنيران تحرق من وطاها
كل ماقلنا نشاما والنشاما مـن قبيلـه = جا رحيّم باللعانه لين ينسينـا غلاهـا
رحـيــم
انت يانواف نايف كل يوم و كل ليله = تشعم النيران و النيران تحرقك ابسناهـا
شدّ حيلك واكرب حزامك ترى الطرقه طويله = انت من ناس ٍكثار اضحك لها واضحك علاها
نـــواف
يوم تضحك يارحيّم كل براقٍ تخيله = والرجال بقدرها اللي فوق راسك مستواها
لاتكثر في كلامك ماأنت خيال الكحيله = الكحيله مالها الا فارس يلعـن ثواهـا
رحـيـــم
الزمان ان شان يا نوّاف مالك فيه حيله = والاانا قدري على قدر الرجال ومن وراها
الاصيله ياوسيع العرف مع راع الاصيله = لاتجيب الكلمه اللي من خلاها في خلاهـا
نـــــواف
القوافل ماتسيرالدرب مامعها دليلـه = والدليله يعرف نجومٍ تعلت في سماها
لاتشيّن في الرفاقه لجل تلقالك وسيله = والبنادق لو تثور تثور منكم في خباها
رحــيـــم
الجموع اللي مجمّعها عليّه ويش هي له؟ = ردّها عنّي وراك ولانباك ولانباهـا
انت لوّ آبا اتشيّن فيك في حقّك قليله = والمثل قد قال من دوّرعلى حاجه لقاها
نـــــواف
كل راعي يارحيّم نبض قلبه في صميله = لو يخايل مزنةٍهلت على غيره بماها
اذهن الوادي وسيله قدم لايجرفك سيله = والنصايح للفهيم اللي يقدر مشتراهـا
رحــيــــم
لو تطول السالفه مايترك التاجر عميله = وانت لوتدخل مع التجّار طيّرت اعملاها
النصيحه منك مقبوله واخوك الله وكيله = ماسلم من دورة الايام و النفس و هواها
نــــواف
لاتنومس يارحيّم دام في الدعوى فشيله = ادع ربك واترك العربان لاتاكل عشاها
وقفوا يااهل المعاني قبل رده لايشيله = اشهدوا ولا تركنا الناس مانبغى غثاها
رحــيـــم
انت حصنيّ ٍليا اونس له مكيده رزّ ذيله = ما انت ذيب من الذياب اللي ينومسني عواها
رح ومن يشهد معك في ستّه وستّين نيله = الرساله واضحه والسالفه فـي محتواهـا
نــــواف
انت ذيبٍ ماعليك اخلاف معروف الفصيله = لاتنومس بالسباع وقر ماتلحق مداهـا
كل مغرورٍ ندقـه دق ويبيّـن حفيلـه = يضرب براسه هضاب الشعب ويدربي حصاها
رحـــيـــم
لو تشيلون الخفيفه ما تشيلون الثقيله = يارجالٍ تفتل ٍالاشناب وتحسّن لحاهـا
اثركبدك من صروف الوقت والدنيا عليله = علّتك علّه عسى علّتك ماتلقى دواها
نــــــواف
أدري انك يارحيّم كل حملٍ ترتكيله = والجمال اللي تهادرعيب لانسمع رغاها
كل وقت له رجال وكل عام له موديله = والجدي وسهيل والسبع عيونك ماتراها
رحــــيـــم
وابك يانوّاف والله ماتحقّق مستحيله = مار لاتخطي على نفسك ولا تبحث خفاها
انت منت من الرجال اهل الوفا واهل الجميله = الرجال اليااوعدت توفي وعدهامن وفاها
نـــــواف
أنت طيبك يارحيّم فالصحون وفالعبيله = والشهادة منك نقص ومشكلتنا من بداها
رح وفارقني وراك وناد سداح ومثيله = لاتولع فـالبيوت اللي تذرى في ذراها
رحـــيـــم
هبّ والله يمكن يغطّي على شعّار جيله = مار ليته يستريح ويلزم البير وغطاها
كبّ سداح ومثيله لايجيك ولا تجي له = لين تبرا الكيّه اللي فيك يسلم من كواها
نـــــواف
ماتعودنا الكرامة منك يااليمنى البخيلـه = وأنته العن خلق ربي مير عندك منتهاها
ياهجوسي عقب سواها نبي نخلي سبيله = عفو مثلي يستحقه لو جحدها مانساهـا
رحــيـــم
يارجال الخير والمعروف واصحاب الفضيله = علّموه ان العرب ماجيت ابا ادوّر رضاها
الخطا راعيه أخنقه خنق .والعن سلسبيله = نفسك اليا اخطت تحمّل مايصيبك من خطاها [/poem]
| 
|
10-05-2006, 05:55 PM
المواضيع المتشابهه
العرض العادي
