نفس ذاك المكان ونفـس ذيـك الزوايـا
ونفس وقت الغروب اللي غدى في سماي
ونفس ذيك الذنوب ونفس روح الخطايـا
عوّدت لي ذنوبي تنحسب مـن خطـاي
ونفس ذيك العلوم ونفس ذيـك الخفايـا
لا طرت في خيالـي زاد فينـي شقـاي
آتذكـر لقاهـ ليـن شـفـت البقـايـا
اتوجّـد عليهـ واكتمـه فـي خـفـاي
اذرف دموع عينـي لا ذكـرت الهدايـا
ولين شمّيت عطـره زاد فينـي عمـاي
آتذكـر عيونـه و ذيـك الشفـايـا
بعثرتنـي سهومـه وفقّدتنـي قــواي
مليت وانا انتظر ودي وماودي
مليت من كثر ما آحدك على الجيه
يافاهي والهجر ماهوب من جدي
تو الهجر تو مابانت مواريه
يوم امطر الحب قلبك واقف ضدي
زعزع نفوذ الغلا واشعل محانيه
راح الغلا لعنبو جدك على جدي
يالعنبو الحب واللي يجيب طاريه
حدن عليك الزمان وحدني حدي
الين ضاقت وسيعات الخلا فيه
بتعود الايام كان الضيف ما شدي
وبذكرك طال عمرك كان انا حيه
يوم اطلق الريح قلبي جيت متعدي
تصدع بوجه الشمال وتدفن الميه
ارتد ذودك وذودي عنك ارتدي
واقفت تدرهم مجاهيمك على الفيه
يامخبلك كيف عقب الصد متحدي
خسارتك راجحه مليون بالميه
إربق جنون الكبر تمسي على ردي
خل الليالي تغتي جنونها ليه
قد لي سنه والوجع ثوبه على قدي
بشق جيب الوجع واصبر على الكيه
ياكود طفل الوفا يستر على سدي
واقول ولى زمانك لعنبو بيه
لا صرت ماتدري فلابد تدري
لا ما تغيّر في غيابك مكانك
مادام دمي بالشرايين يجري..؟
بعد الله إني عايش(ن) بس عشانك
بدري عليك إني أنا أنساك بدري
بدري وتوّه ما أرتويته حنانك
مجبور أحبك كل ما زاد عمري
وكل ما يزيد ، إزداد قدرك وشـانك
أما إذا جهّز لي الناس قبري..؟
وصيّتي أبقى معك في زمانك
هذا محلك خاص مملوك حصري
باقي على ماكان والقلب صانك
وكانك تبيه الحين..؟ فكّيت صدري
لجْل أثبت إنه ماتغيّر مكانك..!
مخرج
أبيك تسمع (هـ الأماكن) يوم تصرخ لك تعال
يوم الإحســـاس يتراجف في صداها وينهمر
كـنت أظـن الريـح جـابت عـطـرك بكـل إخـتـيـال
كنت أظن الشـــوق جابك تكسب بـ قلبي أجر
كـنت أظـن وكـنت أظـن وخـاب ظني بـ اللـيـال
ولا بـقى بـ العـمـر شـــيء خـافي مـا ظـهـر
منقووووول
تحياتي لكم
اوتار الرياض
| 
|
08-30-2010, 06:24 AM
العرض العادي
