قصيدتي في الدواسر

[مروظ القوافي]

لكل منا صاحب خاص به,,,وانا ولله الرياجيل الكفو كلهم لي اصحاب

ولكن هذي رفيقي دوسري من الوداعين صار بيني وبينه موضوع وكتبت القصيده


[poem=font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=1 line=0 align=center use=ex num="0,black"]
سر يا رفيقي فوق قطاااع الارجاس ** جمس جديد مالقينا مثيله

جمس على صوته تنبهو حراس** مشيه يسرك في الدروب الطويله

كنه اليا سند مع الشعب عساس ** سيل يدمر مالقاه ويشيله

وكنه اليا حرك على الخط قرناس ** له هدة(ن) ترخي علوم ثقيله

وكنه اليا وقف على الضلع جساس ** يرمي سهامه بالظهور العليله

تله وخله يوقض الجن والناس ** خله يوسم له على الخط ليله

واحذر تحنه لو يجي فيه هوجاس ** دبل على البنزين واقبل جميله

دامك عرفت تسوق ملعون الارياس ** روح على الحوطه وانسى المقيله

وعبه من البنزين وركد له الكاس ** كاسه صعوط المجانين السليله

واحذر تعدي به الوادي والامناس ** عند الدواسر وقفته ماهي طويله

على لاد زايد معربين الجد والساس ** لك عنوتي ياراعي اليمنى الطويله

قروم نسل قروم مارافقو لاادناس ** عز الرفيق الي زمانه قبيله

وانشد عن الفرحان لاصرت منحاس ** وسلم عليه عد مادار ليله

قله رفيقك مامشى درب الا تعاس ** ولا وطى بيت جاره والدخيله

باقي على خبرك وخبرك له قياس ** دامك مسكت الطيب من كله ميله

ياسعود انا ياخوك ماعشت مفلاس ** دام لرجال علوم وللبنت شيله

ولا خظعت الراس بين الاقدام منداس ** الا سجودي لربي ماخظعني مثيله[/poem]

[ابوسـعد]

يستاهلون اولاد زايد...على الضد قاسين...وصح لسانك والطيب ما يخاوي الا الطيبين..وياهلاااااااابك في منتديات الهيلااااااااااااااا

[اخو من طاع الله]

صح لسانك اخووووي قصيده رائعه

[مروظ القوافي]

يامرحبا يا يابو سعد يسعدلي صباحك
وكل عام وانت بخير ومن العايدين





الله ياخارجنا يا السلاح الجوي ياخوي كل ماشفت نكك قلت ااااااااااالله يخارجنا


اشرفني مرورك

[ابوسـعد]

وانت من اهل العيد وصباحه...........وياهلاااااااااااااااااااااومن العايدين الفايزين ان شاء الله..والقصيدة رائعة بس المشكلة العيون ماتقراء بعض الكلمات لأن عليها ظلال..................وياهلااااااااااااااااااابك

[مروظ القوافي]

مجار ولله وانا اخوك وجعلك ماتشوف شر يا خال ولكن ابشر بلعوض فديتك


كلش الا عيونك نفداك لا راحت عيونك من عاد بيشوفنا

من غير قصور في اهل المنتدى

[طالع]

ياسعود انا ياخوك ماعشت مفلاس ** دام لرجال علـوم وللبنـت شيلـه

ولا خظعت الراس بين الاقدام منداس ** الا سجودي لربي ماخظعني مثيله


صح لسانك الله لايهينك

جزله من راس جزل

[النـايــــــف]

صح لسانك اخوي مروظ القوافي


وبيض الله وجهك يا الذيب


تحياتي لك ،،،،