ريح الخزامى والنفل صبح وعصير

[جهز الهرس]

كتبة فالخدمه وانا توي صغير
..............واليوم دقني شاب والرس لـيفه
راح الشباب مع السنين المدابير
...............مرت كما حلم ٍ مع النوم طـيفه
وانا ادري ان الموت ماعنه تاخير
.............والله غني والخلق تحته اضعيفه
ميراذ كروني ياهل الخير بالخير
...........عساني اقفي عنكم ابيض صحيفه
وان كان مني حاصل ًبعض تقصير
.............ترى المسا مح للقلوب النضيفه
وترى الخطا لبد لبده يصير
..............والعذريقبل يا الرجال الشريفه
نفسي مصخرها على الطيب تصخير
................للعزودروب المكارم عسيفه
شفي نياقً سود واللا ماغاتير
..............واجدد الماضي بترك الوضيفه
واحدر مع البدوان وقت المحادير
...............ليا بكرالوسمي بدارن مـريفه
وقالوعلى الصمان سيله تكارير
...............نوارعشبه مثل لون القـطيفه
يازين عقب السيل شوف النواوير
...............بين النفود وبين حيدالحتـيفه
عشب الفيا ض مع السهل والنهابير
..............ياخذ به المشتاق سجه ابكـيفه
لوشافه الشايب رجع عمره صغير
...........يرجع من اللي راح منه النصيفه
ريح الخزامى والنفل صبح وعصير
..........اليا ذعذع النسناس برضً عفـيفه
قـفراً خلا ماجاه حتى المداوير
..............فيه الحباري فالحيود المـنيفه
والجو لاشامس ولا فيه تعـكير
.............كود السحاب اليا تهشم قنـيفه
يرعد ويبرق فالمزون المزابير
..............يردم خياله واجهزاته خفـيفه
هذا هواي ومقصدي يامناعير
............واللا ترى الدنيا لااهلها قصيفه
اخذ بها زال الحياه التعابير
.............والموت ماكب النبي والخلـيفه

جهز مسيمير الهرس

[النـايــــــف]

صح لسانك اخوي جهز


وبيض الله وجهك يا الغالي



ولا تحرمنا من جديدك



تحياتي لك ،،،،،

[فواز الشيباني]

نفسي مصخرها على الطيب تصخير
*******للعـزودروب المكـارم عسيـفـه

صح لسانك اخوي جهز

قصيده جزله من جزل

[إبن ثعلي]

صح السانك ياجهز قصيدة رائعه ماقصرت
تحياتي

[((الدلبحي))]

جهز الهرس

صح السانك على القصيده الجزله

تحيااااااااااااااااااااااااااااااااااااااااااااتي

[جهز الهرس]

الاخوه الكرام

النايف
وفواز الشيباني
وابن ثعلي
والدلبحي

اشكركم شكراًجزيل على مروركم
ولكم مني اجمل تحيه

اخوكم جهزالهرس

[عبدالله المرشدي]

جهز

صح لسانك

وعلى شانك

جزله

تحيتي وتقديري

[جهز الهرس]

اخوي العزيز

عبدالله المرشدي
صح بدنك و شكراً على مرورك

وتقبل تحياتي

[غصون]

[align=center]

هذا هـواي ومقصـدي يامناعيـر واللا تـرى الدنيـا لااهلهاقصيفـه اخـذ بهـا زال الحيـاه التعابـيـر والموت ماكـب النبـي والخليفـه

اللهم صلي وسلم علي سيدنا محمد وعلي اله وصحبه اجمعين

اخوي جهزصح لسانك ملاااييين ولاتوفي ,,,

شاعر متمكن ومبدع قصيده استمتعت بقرائتها وصف ولا احلى تسلم

ولا هنت ولا تحرمنا من جديدك[/align]


.

[ضاوي]

حي الشعر وحي هله

صح لسانك والله ياجهز على هذه الرائعه

اخوي العزيز جهز ودي اسالك لاهنت

اسم جهز الهرس سبق وان مر علي في ابيات موجهه له هل هو انت ام لا
من ضمنها يقول

بالله ويش الراي يابو مسيمير== الكل منهم لسوالف علوجي
لاوحسايف كان جونا مسايير == في مجلساً مافيه غير الحوجي
ارجو بالله منك كان تعرف عنها شي او قايلها ايفادتي

ولك كل الشكر
اخوك ضاوي الحربي -- الرياض