قحطان وعتيبه في الحاضر

[جبل القحطاني]

[align=center]بسم الله الرحمن الرحيم

هذه القصيده للشاعر الكبير/ مرير بن عبدالمحسن الحبيل العتيبي مسنده
على الشيخ/حناش بن جارالله العرجي العبيدي القحطاني وبما ان الشاعر
مرير قد امتدح فيها
لقبيلة قحطان فقد قام الشاعر/ حامد بن غانم الجذع بالرد عليه.[/align]

[align=center]يقول الشاعر/ مرير الحبيل:[/align]

[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=1 align=center use=sp num="0,black"]
في خاطري ياأهل المواجيب بيتين=في عيال عود ماتغير اسلومه
تنشدوا فالدائرة للقحاطين=ثم بشروا راعى اللزوم ابلزومه
يلقى مطاليق سوات الشياهين=فزعاتهم تجلى عن الكبد لومه
يبشر بربع فالمواجيب وافين=اقروم في وقت تلاشت قرومه
ويحل موضوعه على الكيف ويزين=بذن الولي لو ياصلون الحكومه
مثل ابن جارالله عسى ايامه سنين=اللي عسى المعبود يبطي بيومه
حناش جارالله صعوط المجانين=اللي على الطاله تسوقه عزومه
فعل العبيدي راجح بالموازين=حر ونفسه للنشاما خدومه
عز الخوي في حزة العسر واللين=نفسه على كسب المراجل جزومه
قلت الحقيقه وان بغيتوا براهين= تنشدوا تلقون باقي علومه[/poem]


[align=center]رد الشاعر/

حامد الجذع العبيدي القحطاني :[/align]

[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
يالله يامنزل تبارك وياسين=ياعالم سري خفاه وعمومه
انك تثبتنا على الحق والدين=ومهمومنا يارب تجلى همومه
وتوفق لساني لزين المضامين=والكلمة اللي وافيه ومحكومه
قصيدة فيه الثنا له عناوين=من شاعر فخر لربعه وقومه
شاعر عتيبه يمتدح للقحاطين=ويخص شيخ عاليات وهومه
حناش فعله يرفع الراس ويبين=بعصر به الفزعات شبه امعدومه
لما زهمته قال ذلحين ذلحين=المال يبذل والوجيه امحشومه
ومع الكرم طيبه للاقصى والادنين=هداج تيما ماتوقف جمومه
والطيب في الاجواد يطلع بساتين=تجنيه ياللي زارعه دور يومه
وانتم عتيبه واصلين وعزيزين=ونعم بكم والحق يقنع خصومه
عتيبة الهيلا كعام المعادين=شجعان والتاريخ يظهر نجومه
اعلومنا وعلومكم في الدواوين=صفحات فخر واضحه ومعلومه
يوم السنين الماضيه سلمكم زين=واليوم مجد والقبايل ترومه
هذا ردودي مرسله لاحمر العين=مرير يوم اختصنا في نضومه[/poem]

[فواز الشيباني]

اخي جبل القحطاني

صح السانك والسان الشاعرين

اختيار موفق

الله لايهينك

[بنت الهواجر]

صح السان الشعار وسلمت يمينك على النقل المميز ولا هنت

تحياتي لك....

[جبل القحطاني]

الاخ فواز العتيبي

صح بدنك


ويعطيك العافية


ولاهنت على المرور

[جبل القحطاني]

الاخت بنت الهواجر

صح بدنك

وتسلمييييييييين

ولاهنتي على المرور

[النـايــــــف]

صح لسانك اخوي جبل قحطاني

وصح لسان الشاعر مرير الحبيل

وصح لسان الشاعر حامد القحطاني


وبيض الله وجهك


على هذا الاختيار


تحياتي لك ،،،،

[برقاوي هواوي]

اخوي جبل القحطاني صح لسانك ولسان الشاعرين وتسلم يمينك

[مخاوي النشامى]

صـــــــــح لسانـــــــــــــك اخوي جبل القحطاني
وصــــــــح لســـــــــــان الشـــــــــاعرين
تسلم يمينك على الاختيار الرائع

[سيف قحطان]

اخوي جبل


بيض الله وجهك على النقل والاختيار الرائع


تقبل اعجابي الشديد بكل ما تكتب

[جبل القحطاني]

الاخ النايف

صح بدنك

ووجهك ابيض

وتسلم على المرور