((... بنات الخليج ..و.. السياحة الخارجية...)) مصافحة أولى

[فهد غنام الشمري]

[align=center]بسم الله الرحمن الرحيم ...

أحبائي مساكم الله بالف خير .. وكل عام وانتم بخير بمناسبة العام الدراسي الجديد .


توضيح مهم جدا:::
... عندما نتكلم عن ظاهر معينة في مجتمعنا فليعلم الجميع بأننا لا نعمم ولا نتكلم عن المجتمع كاملاً وإنما عن اصحاب هذه الظاهرة فقط ..

موضوع قصيدتنا :::
هو ماذا تعمل ( بعض ) الفتيات الخليجيات عندما تذهب إسرتها للسياحة خارج حدود الوطن ويكون رب الأسرة .. في سبات عميق عن هذه الأسرة .. في الحقيقة لن اذكر هذه القصص ولكن أنا متاكد بأن الجميع يعرف ذلك ويعرف الكثير من هذه القصص ..

المهم .. لا نريد أن نضع رؤسنا في الرمل ونتكلم بمثالية واهيه.. أخطاء هذه الفئة كثيرة ومشينة وقد تعطي نظره سيئة عن البلد بأكمله .... والشباب ليسو منزهين بل أخطاءهم اكثر بكثير من البنات . ولكن لكون البنت قد يكون خطاءها خلفياته وتبعياته أكثر ضررا على الأسرة من الشاب تكلمة في هذه القصيدة عن الفتيات .... والشباب جايهم الدور ..

في دولة لبنان منطقة تسمى ( عاليه ) وهي منطقة مطاعم ومقاهي يجتمع فيه الكثيرين من الخلجيين شباب وبنات وحدث ولا حرج من المهازل في التصرفات وفي الملابس . وهذا هو السبب الرئيسي لكتابتي لهذه القصيدة ...

(( عاليه ))[/align]

[poem=font="Times New Roman,5,black,bold,normal" bkcolor="skyblue" bkimage="" border="double,4,gray" type=2 line=0 align=center use=ex num="0,black"]
البارحه في وسط ساحات عاليه = واليوم في وسط الديار الخليّه
يوم(ن) كل(ن) ماسك(ن) يد غاليه=وأنا من الحسرات حالي شقيّه
أشوف شي(ن) يجرح القلب تاليه=بنت الحمايل للمفاسد ضحيّه
باعت شرفها والفرنجي تباريه=لاعاد لا حشمه ولا مقدريّه
ياصاحبي وإن باعوا الطيب نشريه= حنّا هل العادات والشاذليّه
يقطعك يارجل(ن) تكشّف مخازيه=اللي على النسوان مابه حميّه
راح يتمشى والبلا في تمشّيه =راعي ولكن ما حفظ للرعيّه
عود(ن) وتالي عمره إبليس مغويه= في مظلم البارات حطه خويّه
يشرب شراب(ن) عقل الانسان يغديه=وإلى غدا هانت عليه الخطيّه
عود(ن) يبيله مخطر(ن) في علابيه= فاسد ومجرم والبنات الضحيّه
والذيب يسري والبلا في مساريه=يفرس رباع إن ما لقا له ثنيّه
وكان الحضاره تلغي أغلا مباديه= لا بو حضاراة الشعوب الغبيّه
راع الشرف كل(ن) يحبه ويغليه= وراع الردا ماله ترا قابليّه
بعض النساء بالحب كل(ن) تخاويه= خبله لوّ إنه في عباة أجوديّه
درب الردا دايم تجي في حراويه= بسباب غيره بس ما هي نقيّه
وألا بعضهن عز أهلها تداريه= متّحضره وألا تعيش إبدويّه
مثل الحرار اللي رفيعه مرابيه= وألا الورود اليانعات النديّه
درب الردا يا بنت وش هي تواليه= غير الضياع بليلة(ن) سرمديّه
وين الرجال اللي تعرف المشاريه= اللي لهم بالطيب روحه وجيّه
راع المرض وإن ما لقاء من يداويه = يعدي مرضه إن ما برا كل حيّه
ليت السحاب اللي تكاشف مناشيه = يمطر على ريضان نجد العذيّه [/poem]
[align=center]اخوكم .. فهد الغنام الشمري[/align]

[إبن ثعلي]

صح السانك يافهد الشمري ومشكور على هذه القصيده الرائعه التي تصب في خانة النصيحه
تحياتي

[رمح عتيبه]

مشكوووووووووووور وصح لسااااااااانك علي القصيده والنصيحه يالشمري ويعطيك العافيه عسا القصيده هاذي تخلي القلوب الميته تصحا

تحياتي لك اخوك : رمح عتيبه

[اخو من طاع الله]

صح السانك يافهد الشمري ومشكور على هذه القصيده الرائعه

[عطيب عتيبه]

صح السانك يافهد الشمري ومشكور على هذه القصيده الرائعه

[الفطين]

صـــــــــح لسانـــــــك يا فهــــــــد ...

[ملاك]

صح لسااانك

فهد




تقبل مروري



ملووكه

[برقاوي هواوي]

بيض الله وجهك أخوي فهد على هذه القصيدة الجزلة


تقبل تقديري


تنقل لقصايد الاعضاء

[النـايــــــف]

صح لسانك اخوي فهد الشمري

وبيض الله وجهك يا الغالي


ولا تحرمنا من جديدك


تحياتي لك ،،،،

[فهد غنام الشمري]

المشاركة الأصلية كتبت بواسطة إبن ثعلي صح السانك يافهد الشمري ومشكور على هذه القصيده الرائعه التي تصب في خانة النصيحه تحياتي

========================================

الغالي.. ابن ثعلي .....مرورك .. عطر ..يعطر ..هذه القصيدة يالطيب .


الف شكر لك اخي على كلامك اللي كله ذوق ورقي .


صح بدنك .. ولاهان راسك ... يالغالي ..


اخوك .... فهد الغنام الشمري