[frame="8 80"][poem=font="Simplified Arabic,6,black,bold,italic" bkcolor="transparent" bkimage="backgrounds/7.gif" border="none,4,gray" type=1 line=1 align=center use=ex num="0,black"]
تفضل جاتك الفرقا..هدية صاحبٍ زعلان=ومعها الدمعة الزرقا.. هدية صافي الاعياني
معاد اقوى على مدحك.. كسرت الوزن والقيفان=عذرت الشعر في وصفك.. خطير اليوم ينساني
دخيلك لاتعذبني.. ترى مااقوى على الهجران=ولااسمح لك تعاتبني.. على دورات الازماني
ابلعن كل من حبك.. وابلعن عودك الريان=وياليت الشعر سبك.. ولاجرّيت الالحاني
لعنت الرمش في عينه.. يظلل كامل الاجفان=ولعنت الحاجب وزينه.. تقوّس فوق الاعياني
بقت لمعة ثناياها.. كما اللولو كما المرجان=ويلعن في مزاياها.. ولمعة كل الاسناني
لعنت الطول في عنقه.. مابين الحلق والامتان=ومن يقوى على شنقه.. عطيته ملك الاكواني
عيونه سود ملعونه.. هدبها يسحر الاعيان=ولاصرت التفت وينه.. لعنت الطرف نعساني
صحيح انك عديم احساس.. عايش دنيتك غلطان=ولاعندك مروّة ناس.. وش قصدك تبلاني
غرورك ويش تبغابه.. مادامك للغلا عنوان=دخلت الحب من بابه.. وصرت اليوم ندماني
لقيت انك على شوفك.. واثر شوفك كما العميان=دخيلك وين معروفك.. بعد جا فيه مناني
تعاهد وانت ماتقدر.. تراه العهد بالميزان=تعاهد بعدها تغدر.. حرام الغدر بالثاني
توكل رح على فالك.. وحط العين بالنيشان=عسى يرتاح لك بالك.. وتنسى كل الاحزاني
انا دربي مع العالم.. طويل الخط بالميدان=قليل اللي منه سالم.. يرد الكل خسراني
لعنته غصب ماودي.. اشوف الضيم والاحزان=تجاوز خاطري حدي.. جزاء شخصٍ تحداني
بعد ماقلت بالخاطر.. طلبت لها من الغفران=عسى الرحمة لها ماطر.. وبالخيرات تجزاني
وانا دايم أجازيها.. على الاحسان بالاحسان=ولاصار الخطا فيها.. تعذّب منه وجداني
خطا تنسى جميل الناس.. مهما صار مهما كان=خلل واضح بكل قياس.. يجرح كل الاشجاني
مادام (الهوك) في صفي.. انا مااخشى من العدوان=رفيق طبعه يوفّي.. وتسعد فيه الاوطاني
رفيق اللي على الشدة.. حزامي وافيٍ مليان=(بعيدٍ للمدى) سده.. شبيه الذيب سرحاني[/poem][/frame]
| 
|
04-01-2006, 05:14 PM
المواضيع المتشابهه
العرض العادي
