قصيده أثريه للشاعر المرحوم عايد ابوخرص الحمياني شيخ قبيلة الحميه (أرجو التثبيت)

[سعودالعتيبي]

هذه قصيده أثريه للشيخ عايد أبو خرص الحمياني رحمه الله



[poem=font="simplified arabic,4,blue,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يقول عـايد مـن كـلام يورخـه=كما خط قاري في جنوب حجـار
أقول من حلمي وعلمـي ونيتـي=خيـار المعانـي عقلتـن وبيـار
يستتـر راعيهـا بعيشـه هنيـه=ويحط لـه فيهـا دخـن وبـرار
لاقـوم تاخذهـا ولاهـي بغاديـه=مقيمتن لأهلهـا دبـة الأعمـار
مقيمه لأهلها صفتن عقب صفـه=وترى شهودي جملـة الحضـار
ومن بغى العـزه يـدور بدارهـا=طوال المناكـب فطـرن وبكـار
ليامنهاعنـد العشيـر ترازمـت=سعـد العيـال ومنـوة الخطـار
قدحانهـا يـوم الدهـور مقيمـه=عليهـا كمـا عمايـم التـجـار
ويشري لها من سبق الخيل مهره=ويشجي بها مع هل الزعم وجكار
يشجي بها مع سربتن من عتابه=نزالـة القطـر الشفيـق جهـار
يانـاس نسـم الرياجيـل واحـد=ميرالمذاهـب رايحـات انـفـار
فيهم رياجيلـن حصونـن ذريـه=وفيهم رياجيلـن سقايـف نـار
ورجال شعشوعن يحب الرفاقـه=كما زند مسحـل كلبـوه شـرار
ورجال لاينطعن به ولا ينزرق به=وليـا هبـط سوقالمبيعـه بـار
ورجال راعي كرمتن مشتقي بها=ضاري بها لو غليـت الأسعـار
ورجال راعي بخل بخلن مصلـع=كشف حال من يمشي بغير ستار
ورجال مثل النجم في ليلة الدجـى=يسـرا بنـوره والليـال غـدار
ورجال يأخذ همته مـن حليلتـه=محررف مصررف مثل عبدن كار
ورجال راعي هرجتن ينحكى بها=كما رامي يرمي صايـب وقـرار
ورجال راعي هرجتـن ماتولـف=كما رامي يرمـي بغيـر عيـار
ميرخيار المعاني سترهاعنبرن لها=وتفتيشها يبـدي عليـك عـوار
وأختم كلامي صلاتن على النبـي=ماغرد القمـري علـى الأنهـار[/poem]

هذه قصيده للشيخ عايد أبو خرص من أقدم شيوخ قبيلة الحميه وكان يدعى المسوبع لأن لديه سبعة أبناْء وسبعة عبيد وكان شيخ حكيم وشجاع ومن أحفاده الشيخ عبدالله أبن رجاء رحمه الله والد الشيخ مسعد بن رجاء حفظه الله والمعذره أن كان فيه بعض الأخطاء حيث أن اللهجه القديمه تختلف عن هذه الأيام للمعلوميه هذه القصيده لها أكثر من 200عام

[فراشي هم ولحافي]

يا عمري والله يا ربعي النفعه
فديتهم نفر نفر
ويعطيك الف عافيه يالغالي سعود

[سعودالعتيبي]

الأخ فراشي
شكرا على مرورك الغالي
ولمعلومك إن الشيخ عايد أبو خرص الصريري الثبيتي وليس النفيعي لتصحيح معلومتك إنه من الصريرات الثبته

وشكرا مره أخرى على مرورك

[فراشي هم ولحافي]

مو تقول من الحميه ؟؟؟؟؟؟
الحميه فخ

[سعودالعتيبي]

يافراشي لاأعلم ماتقصد
هههههههههههههه

[فراشي هم ولحافي]

مو تقول من الحميه ؟؟؟؟؟؟
الحميه فخذ من النفعه

[فراشي هم ولحافي]

لا تعلم صار وابك انت وش تقول لا اعلم
ههههههههههه
خلنا على هرجنا يالغالي
الحين الحميه مو من النفعه

[سعودالعتيبي]

هههههههههههههههههههههه
عجيب امرك عجيب
الحمياني يقول:
أنا حمياني وجدي من ثبيت جدي لطم جدك وابويه سم ابوك

[فراشي هم ولحافي]

وابك ضيعت انا قصدي المحياني
اسف اسفن شدييدا يا ولد العم
وربي قريتهخا بسرعه افكرك تقول المحياني
بغيت اجيب الربع بددسن وبالعجاري في قلتك ههههههههه
ملاحظه
قلتك يعني راسك من الخلف ههههه

[سعودالعتيبي]

ههههههههههههههههههههههههههههههههههههههههههههههههه

شكرا ياراعي الدستن
هههههههههه