[align=center]هذه احد اجود ماقيل في النصح للابناء ان لم تكن الاجود لشاعر لا يشق له غبار لبركات الشريف وهي تعبر عن نفسها:[/align]
[poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="double,4,silver" type=1 line=0 align=center use=ex num="0,black"]
يامرقب بالصبح نطيت راقيك = ما واحد قبلى خبرته تعــلاك
وليت ياذا الدهر ما أكثر بلاويك = الله يزودنــا السلامه من اتلاك
يللى على العربان عمت شكاويك = وليت يا دهر الشقا ول مقواك
ولا يوم ها الكانون غاد شبـابيك = تلعب به الأرياح من كل شبـاك
يا مالك اسمع جابتى يوم أوصيك = واعرف ترى يابوك بآمرك وانهاك
وصية من والد طــــامع فيك = تسبق على الساقه لسانه لعلياك
أوصيك بالتقوى عسى الله يهديك = لهـــا وتدركها بتوفيق مولاك
الله بحق أجــدادك الغر iيعطيك = مرضاته مع ما تمنيته أمنــاك
احفظ دبشك اللى عن الناس مغنيك = اللى إليا بأن الخلل فيك يرفـاك
واعرف ترى مكه ولاها بناخيـك = لو تشحذه خمسة ملاليم معطاك
اجعل دروب المرجلة من معانيك = واحذر تميل عن درجها بمرقاك
لاتنسدح عنها وتبغينى iiأعطيك = جميع ما يكفيك ما حاصل ذاك
أدب ولدك إن كان تبغيه يشفيك = واستسعفه من بعد مرباه بالاك
اما سمج واستسمجك عند شانيك = ويفر من فعله صديقك وشرواك
وإلا بعد جهله ترى هو بياذيــك = لو زعلت أمه لا تخليه يــالاك
واحذر تضيع كل من هو ذخر فيك = معروفه لاتنساه وأوفه بعـرفاك
ترى الصنايع بين الأجواد تشريك = اليا طمعت بغرسهــا لا عداك
واحذر سرور بغبة البحر يرميك = ولاعنده أفلس من تشكيك وأبكاك
واوف الرجال احقوقها قبل تاتيك = لا توفيه بالقول فالحق يقفــاك
وهرج النميمة والقفا لا يجى فيك = وإياك عرض الغافل إياى وإياك
تبدى حديث للمــلا فيه تشكيك = وتهيم عند الناس بالكذب واشراك
واليا نويت احذر تعلم بطــاريك = كم واحد تبغى به العرف وأغواك
واحذر شماتت صاحب لك مصافيك = واليا جرى لك جارى قال لـولاك
ولا تحسبن الله قطـــوع يخليك = ولاتفرح أن الله على الخلق بداك
الضيف قدم له من حين يلفيــك = مما تطوله يا فتى الجود يمنــاك
أكرم اقباله فإنها من شواديـــك = وابذل له المجهود مــادام يعناك
احذر تلقى الضيف مرخن علابيك = خله محب لك صديق إذا جــاك
وأوصيك زلات الصديق إن عثا فيك = مازال يغطاهـا الشعر فاحتمل ذاك
راعه ولو ما شفت انه يراعيــك = عساك تكسر نيته عن معـــاداك
واحذر عدوك لو ظهر بى يصافيك =خلك نبيه وراقبه وين ما جـــاك
لاتأمنه واطلب من الله ينجيـــك = ويكفيك ربك شـــر ذولا وذولاك
شفنى أنا يــا أبوك بآمرك وانهيك = عن التعرض بين الاثنين حــذراك
إذا حضرت أطلابه مع شرابيك = اسع لهم بالصلح واللاش يفداك
ابذل لهم بالـطيب ربك ينجيك = ولاتجضع الميزان مع ذا ولاذاك
أما الشهادة فأدها إن دعوا فيـك = بين عمود الدين لاعميت أريـاك
بالك تماشى واحد لك يرديــك = طالع بنى جنسك وفكر بممشاك
رابع أصيل فى زمانك يشـاكيك = لا شاف خملاتك عن الناس iiغطاك
وأحذرك عن طرد المقفى حذاريك = عليك بالمقبــل وترك إللى تعداك
ثم العن الشيطان لياَّه يغويـــك = ترى إن تبعته للشرابيــك وداك
ووصيك لاتشكى علينا بلاويــك = أنت السبب طرفك عيونك بيمناك
واعرف ترى إلى واطي الفهر واطيك = ولا أنت أعز من الجماعة iiهذولاك
المسك يا راسى عن الذل واخطيك = واحذر تكلم يا لســـانى iiحذراك
والطف بجارك وقم من دون عانيك = وافطن لما يعنيك عن ربعة أحواك
يا ذيب وإن جتك الغنم فى مفاليك = فاكمن الين إن الرعـــايا تعداك
من أول يا ذيب تفرس بيــاديك = واليوم جـا ذيب عن الفرس عداك
يا ذيب عـاهدنى وأعاهدك iiمرميك = مرميك أنا يا ذيب لو زان مرماك
والنفس خالف رأيها قبل ترميــك = ترى لها الشيطان يرمى بالإهلاك
ومن بعد ذا لا تصحب النذل iيعديك = وعن صبحة الأنذال حاشاك حاشاك
ترى العشير النذل يخلف طواريك = وأنا أرجى أنك ما تجى دون أباك
والهفوة إنك ما تجى دون أهاليك = ولاظن عود الورد يثمر بتبنـاك
والحر مثلك يستحي يصحب الديك = وأن صاحبه عاعا معاعات الأدياك
لا تستمع قول الطرف يوم يلفيك = بالكذب يقضى حاجته كل ما iجاك
من نم لك نم بـك ولا فيه تشكيك = وأيلاه قد أزرا رفيقــك وأزراك
عندك حكا فينا وعندي حكى فيك = وأصبحت كارهنا وحنا كرهناك
ما اخطاك ما صابك ولو كان راميك = وإلي يصيبك لو تتقيت ما أخطاك
مير استمع منى عسى الله يهديك = النصح يـا مالك لك الله لمولاك
عندى مظنة مـا تمثلها فيك = واطلب لك التوفيق من عند مولاك[/poem]
[align=center]الدجيما[/align]
[align=center]منقول[/align]
| 
|
01-27-2005, 07:41 PM
المواضيع المتشابهه
العرض العادي
