إن خاب ظني بأقرب الناس وشلون؟

[فواز الشيباني]

[poem=font="Simplified Arabic,4,white,bold,normal" bkcolor="sienna" bkimage="" border="none,4,gray" type=1 line=0 align=center use=ex num="0,black"]
بمشي على دربٍ لـه النـاس يسعـون=وأصـد عـن درب الدجـى والعتامـه

وابقصر اليسرى عن الضيـم والهـون=وأطلـق يمينـي للصخـا والكـرامـه

وابحترم نفسي وأنـا شخـص ممنـون=ومن يحترم نفسـه وجـوب احترامـه

ماني من اللي في ذرى الحيط يمشـون=والا مـن اللـي معتلـي فـي مقامـه

متواضع ٍ وأمشي على الحـق بالهـون=متوسـط أهـل المعرفـه والشهـامـه

ولي مجلس ٍ دايم لـه النـاس يلفـون=شرّعـت بابـه والــدلال العـلامـه

مـا يِفتَـح إلا فيـه الأجـواد يدنـون=ويالله عسـى اللـي ياصلـه للسلامـه

هذا طريقـي وأكثـر النـاس يـدرون=صدّيـت عـن دربٍ حلالـه حرامـه

ميّزت ربعـي بيـن عاقـل ومجنـون=وأكشف بليـد المنفعـه مـن سلامـه

وأهل المصالح لو علـى يـوم يبنـون=فـي يـوم ثانـي يرغبـون الهدامـه

وأهل الحكي لو لك عن الناس يحكـون=يجيـك يـوم ويقصـدك فـي كلامـه

لا صار سيفه لأقرب النـاس مسنـون=يضرب رفيقه وإن قوى فـي عظامـه

ناس ٍ مع الكلمه .. يروحون ويجـون= !بـس المصيبـه يدّعـون الفهـامـه !

ولا نيـب ديـان ٍ ولا نيـب مديـون=ولا بغيـت مـن الهـروج المـلامـه

ولا طلبـت مـن المخاليـق يبـكـون=ولا بغيـت مـن الحزيـن ابتسـامـه

بمشي بدربي وأتـرك النـاس يمشـون=كل ٍ علـى كيفـه رقـى كـل هامـه

ولا صرت أنا من راعى الطيب مطعون=ابيستـوي قـرب الرفيـق وعـدامـه

وإن خاب ظني بأقرب الناس وشلون ؟=بعطيـك ظنـي يـا رفيـق النـدامـه
[/poem]منقول

[إبن ثعلي]

مشكور اخو ي فواز على نقل هذه القصيدة الرائعه بس ياليتنا نعرف قائلها كريم ابن كريم لاشك
تحياتي

[النـايــــــف]

صح لسانك اخوي فواز الشيباني


وصح لسان شاعرها

وبيض الله وجهك

على هذا الاختيار


تحياتي لك ،،،،

[فيصل المسعودي]

ياعنك انها جزلة


تشكر عليها ياغالي


وصح لسان قايلها


تحيات


محبك


ا ل م س ع و د ي

[بنت* عتيبة]

[poem=font="Andalus,5,white,bold,normal" bkcolor="transparent" bkimage="backgrounds/10.gif" border="none,4,gray" type=0 line=0 align=center use=ex num="0,black"]
وإن خاب ظني بأقرب الناس وشلون ؟

بعطيـك ظنـي يـا رفيـق الندامـه
[/poem]

[poem=font="Simplified Arabic,5,white,normal,normal" bkcolor="darkblue" bkimage="" border="none,4,gray" type=0 line=0 align=center use=ex num="0,black"]

فواز الشيباني

يا زين الابيات زيناه

ياليتها كانت من نصيب للشعر وقفات يابن العم

تسلم يمين نقلتها النا.[/poem]

[بنت* عتيبة]

[align=center][glow=FFFFFF]لاخاب ظنك في الرفيق الموالي * مالك مشاريه على نايد الناس[/glow][/align]

[النمر الروقي]

تسلم يا فواز
وصح لسان الشاعر
رائعه من الروائع .. جزله .. مع خالص التحيه ,,,

[فواز الشيباني]

اخي ابن ثعلي

اشكرك على تواصلك الرائع

ولكن الاسم غير معروف

الله يعطيك العافيه

[فواز الشيباني]

اخي النايف

شاكر لك مرورك الرائع

لاحرمنا من توجدك المتميز

[فواز الشيباني]

اخي فيصل المسعودي

مشكور ياغالي على المرور

يعطيك العافيه