البرج

[فـهـد العتيبي]

*

جيتك على ميعـــــــاد بينك وبيني
في ليلة الجمعة وفي ساحة البرج

جيتك وانا كـــــــــــلي امل تلتقيني
واسكر بعطرٍ منك يــا زهرة المرج

جيتك وانا مشتــــــــاق لك تقرايني
اوراق مشتاق اشتكت حبسة الدرج

جيتك وانا ما شـــــــك زيّف يقيني
بان الوعد محشوم عن زايد الهرج

جيتك ابي اتنفسك /هجرك ياعيني
مخنوق منه خايف اموت به حرج

جيت اسْألك يا زين هل تذكريني
لاغبت عنك وانثى دربــيَ العرج

اما انا يا شعــــــــــــلة النور فيني
ياغلى بشر من ساحل للبحر للخرج

دوم اذكرك والــــــــي يزود حنيني
هي ليلة الجمعة وفي شوفة البرج

*

(***)

[عبدالله المرشدي]

صح لسانك


يالفهد العتيبي


جميله جميله جدا

صح لسانك لين ترضى

تحيتي لك

[سكن قلبــي]

صصح لسسانك ي الغالي

قصيده في قمه الروعه

لاعدمناك ||~