عتيبه اللي فعلهم مشهودي

[عبدالله المرشدي]

السلام عليكم ورحمة الله وبركاته
من الارشيف ارجو ان تنال رضاكم
ومن غير قصور في كل القبايل كلٍ فيه حقه

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
امس العصر عديت رجم الجودي =ضايق وادله خاطري مع نوده
بيحت في راس الطويل سدودي=مافيه فج الا فتحت سدوده
سجيت مع فكري بليا حدودي =والفكر من يقدر يشوف حدوده
جاشي تهيض مع هبوب النودي=والقاف جاد ولا ذخر ماجوده
يحق لي يوم افتخر بجدودي=لاخير في من لايعد جدوده
انا ولد مرزوق راع الذودي=شيخٍ يحلل مبهمات عقوده
ذكره بفعل الغانمه محمودي=يسعى لكسب الطايله بجهوده
عداه فعل العيب والمنقودي=يارد على عد النقا بوروده
رايه سديد ويبذل المجهودي =من شان رفعة عزوته وعضوده
وجدي عبث فيه الظفر والجودي=الله يوسع له بضيق لحوده
بالمرجله مابه عنه منشودي =ذكره ينومس والفعول شهوده
زبن الدخيل اللي يجي ممطرودي=يحميه لو تكثر وراه طروده
رد الفرس من دون حشد حشودي=ولا التفت للي يحشد حشوده
حول على خيالها بركودي=واعطاه بالشلفا على جلموده
خلاه في ظل الشجر ممدودي=وارسل عليه اللي يجبّر عوده
ولافي وراه اليا بغيت ازودي=جوده على جود الكريم يزوده
كريم سبلا بالليال السودي=ملفاً لربعه والبعيد يروده
يوم انها بالسيف والبارودي=صد الغزاه بسبع من باروده
لحاله بوسط الذود عنه يذودي=والركب في نص الميه معدوده
لي عزوة قد الفخر وقدودي=ربعي ذوي عياد ترقى سنوده
عدوهم في يومه الموعودي=يلقى على وضح النقا موعوده
آلاد مرشد نصرة المضهودي=يردون للموت الحمر وعدوده
وانا ليا من حك عودٍ عودي=ياويل من عالت علي جنوده
الحمد لله فالجواز سعودي=من لابة تاطى الخطر وتذوده
عتيبه اللي فعلهم مشهودي=والشاهد الله والعباد شهوده
قلته وانا في راس رجم الجودي=وارتاح بالي وانشرح مع نوده

[/poem]

عبدالله مرزوق عبث لافي العياد المرشدي العتيبي

[واقع من الخيال]

ونعم ونعم يا عبد الله

قصيدة كتبت بماء الذهب وطرزت بالإفتخار والإنتماء

صح لسانك ولاتبخل علينا من إرشيفك الجميل

[البارع]

والله ونعم ياولد مرزوق راع الذودي ... نص شامخ ووافي .. تقبل مروري

[عزيزة الجناب]

ونعم اخوي عبدالله

ويحق لك تفخر

قصيده رائعه بما تحمل من مضامين

صح لسانك

[سويلم الخراص]

والله ونعم يا ابو بدر فيك وفي من ذكرت يالقرم


اعجابي ز/تقديري

[ذيب ضاري]

صح السانك بارك الله فيك

[الأدميرال]

صح لسانك ياعبد الله ونعم فيك وبربعك

[نايف تراحيب]

والله ونعم يا عبد الله

مبدع وسوف تبقا مبدع يا ابا بدر :)


احترآمي


/


،

[ريما البدراني]

[align=center][tabletext="width:70%;background-color:firebrick;"][cell="filter:;"][align=center]صـــــحـ السانكـ ياولد الهيــــــــــــلا[/align][/cell][/tabletext][/align]

[{ أبوفيصل }]

صح لسانك يابو مرزوق

ونعمٍ بك من ساس جدك وعدّك والعزوة اللي فيها مردّك

يحق لك التفاخر بجدودك وهذا من أبسط حقوقك


تحيتي